Kalvakuntla Kavitha : విద్యార్థుల విజయాన్ని మీ ఖాతాలో వేసుకుంటారా? సీఎం రేవంత్‌పై కవిత ఫైర్

Kalvakuntla Kavitha : విద్యార్థులు సాధించిన విజయాన్ని సీఎం రేవంత్‌రెడ్డి తన ఖాతాలో వేసుకోవడం సిగ్గుచేటని తెలంగాణ రక్షణ సేన అధ్యక్షురాలు కవిత విమర్శించారు.

Kalvakuntla Kavitha

Kalvakuntla Kavitha : విద్యార్థుల పోరాట ఫలితాన్ని రాష్ట్ర సీఎం రేవంత్ రెడ్డి తన ఖాతాలో వేసుకోవడం సిగ్గుచేటని తెలంగాణ ర‌క్ష‌ణ సేన (టీఆర్ఎస్) అధినేత కల్వకుంట్ల కవిత తీవ్ర విమర్శలు చేశారు. సోషల్ మీడియాలో విడుదల ఆమె వీడియోను విడుదల చేశారు.

ఈ వీడియోలో ఆమె మాట్లాడుతూ.. యువతకు ఇచ్చిన హామీలపై ఎక్కడ నిలదీస్తారోనన్న భయంతోనే కాంగ్రెస్ నేతలు కొవ్వొత్తుల ర్యాలీలు నిర్వహిస్తున్నారని ఆరోపించారు. విద్యార్థుల విజయంపై ఊరేగింపులు చేస్తారా అంటూ మండిపడ్డారు.

గత 36 రోజులుగా విద్యార్థులు, నిరుద్యోగ యువత సాగించిన ఉద్యమం విజయవంతమైందన్నారు. కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా అంశం విద్యార్థుల పోరాట ఫలితమేనని చెప్పారు. ఇది నూటికి వంద శాతం విద్యార్థుల విజయమని తెలంగాణ రక్షణ సేన భావిస్తోందన్నారు.

Read Also : Anna Hazare : హింస కాదు, చర్చలే పరిష్కారం.. ధర్మేంద్ర రాజీనామాపై అన్నా హజారే కీలక వ్యాఖ్యలు

విద్యార్థులు భావించినట్టుగానే ధ‌ర్మంద్ర ప్ర‌ధాన్ రాజీనామా డిమాండ్‌పై కేంద్ర ప్ర‌భుత్వం దిగొచ్చిందన్నారు. అయితే, ఈ విజయాన్ని సీఎం రేవంత్ రెడ్డి తన ఖాతాలో వేసుకోవాలని చూడటం సిగ్గుచేటని ఆమె విమర్శించారు. హైదరాబాద్‌లో దాదాపు 3 గంటల పాటు కాంగ్రెస్ నేతలు కొవ్వొత్తుల ర్యాలీ నిర్వహించారని, రాష్ట్రంలోని యువత తమను ఎక్కడ ప్రశ్నిస్తుందనే భయంతోనే ముందస్తుగా ఈ కార్యక్రమాలు చేస్తున్నారని కవిత ఆరోపించారు.

అంతేకాదు.. యువతకు ఎన్నో హామీలు ఇచ్చినా తెలంగాణ కాంగ్రెస్ ప్రభుత్వం అమలు చేయడంలో విఫలమైందని విమర్శించారు. ఇచ్చిన హామీలు నెరవేర్చకుండా ర్యాలీలు, ప్రచారాలతో ప్రజలను నమ్మించలేరని కవిత వ్యాఖ్యానించారు. తెలంగాణ యువతకు ఎన్నో హామీలు ఇచ్చి మోసం చేసిన చరిత్ర కాంగ్రెస్‌దన్నారు. యువతకు ఇచ్చిన మాట నిలబెట్టుకోకపోతే ఆ పార్టీని గద్దె దించడం ఖాయమని కవిత హెచ్చరించారు.