PM Surya Ghar Solar Scheme : ఉచిత విద్యుత్ కోసం ‘రూఫ్‌టాప్ సోలార్ స్కీమ్’.. ఎలా దరఖాస్తు చేసుకోవాలో తెలుసా?
Rooftop Solar Scheme : సామాన్య పౌరుల కోసం ఉచిత విద్యుత్ అందించేందుకు రూఫ్‌టాప్ సోలార్ పథకాన్ని ప్రధాని నరేంద్ర మోదీ ప్రకటించారు. ఇందుకోసం ఎలా దరఖాస్తు చేయాలో ఇప్పుడు తెలుసుకుందాం.
- Published By: 10TV Digital Team ,Published On : February 13, 2024 / 09:32 PM IST
PM Modi Announces Rooftop Solar Scheme For Free Electricity
How to Apply for Rooftop Solar Scheme : సామాన్యులపై విద్యుత్ ఛార్జీల భారాన్ని తగ్గించేందుకు ప్రధాని నరేంద్ర మోదీ ‘రూఫ్‌టాప్ సోలార్ స్కీమ్’ను ప్రకటించారు. ప్రజల శ్రేయస్సు కోసం ఇంటి పైకప్పులపై సోలార్ ప్యానెళ్ల ఏర్పాటును ప్రోత్సహించే దిశగా చేపట్టిన ఈ కార్యక్రమానికి ‘పీఎం సూర్య ఘర్: ముఫ్త్ బిజిలీ యోజన’ అని పేరు పెట్టినట్టు ఆయన తెలిపారు.
అంతేకాదు.. ఈ స్కీమ్ కింద రూ.75వేల కోట్ల పెట్టుబడితో ప్రతి నెలా 300 యూనిట్ల వరకు దేశవ్యాప్తంగా ఉచిత విద్యుత్ అందించడం ద్వారా కోటి కుటుంబాల్లో వెలుగులు నింపాలని లక్ష్యంగా పెట్టుకుందని మోదీ ట్విట్టర్ (X)వేదికగా వెల్లడించారు. ఈ పథకాన్ని పొందడానికి ఎలా అప్లయ్ చేసుకోవాలో ఇప్పుడు తెలుసుకుందాం. pmsuryaghar.gov.in అనే వెబ్‌సైట్‌ విజిట్ చేయాల్సి ఉంటుంది. ఈ సైట్లోనే ఉచిత విద్యుత్ కోసం అప్లయ్ చేసుకోవచ్చు.
In order to further sustainable development and people’s wellbeing, we are launching the PM Surya Ghar: Muft Bijli Yojana. This project, with an investment of over Rs. 75,000 crores, aims to light up 1 crore households by providing up to 300 units of free electricity every month.
— Narendra Modi (@narendramodi) February 13, 2024
Let’s boost solar power and sustainable progress. I urge all residential consumers, especially youngsters, to strengthen the PM – Surya Ghar: Muft Bijli Yojana by applying at- https://t.co/sKmreZmenT
— Narendra Modi (@narendramodi) February 13, 2024
రూఫ్‌టాప్ సోలార్ స్కీమ్ కోసం ఎలా దరఖాస్తు చేయాలంటే?
- pmsuryaghar వెబ్సైట్లో ‘Apply for rooftop solar’కి వెళ్లండి.
- ఈ పోర్టల్ వెబ్సైట్లో మీ పేరును రిజిస్టర్ చేసుకోండి.
- మీ రాష్ట్రం, విద్యుత్ సరఫరా చేసే కంపెనీని ఎంచుకోవాలి.
- ఆపై పోర్టల్‌లో పూర్తి వివరాలను ఎంటర్ చేయండి.
- మీ విద్యుత్ కన్జ్యూమర్‌ నెంబర్ తప్పనిసరిగా ఎంటర్ చేయాలి.
- మొబైల్ నంబర్‌ని ఎంటర్ చేయాలి.
- ఇమెయిల్‌ ఐడీ కూడా ఎంటర్ చేయాల్సి ఉంటుంది.
- మీ కన్జ్యూమర్‌ నంబర్ & మొబైల్ నంబర్‌ని ఉపయోగించి లాగిన్ చేయండి.
- ఫారమ్ ప్రకారం.. రూఫ్‌టాప్ సోలార్ కోసం ఇలా దరఖాస్తు చేసుకోండి
- (DISCOM) నుంచి ఆమోదం వచ్చేంత వరకు వేచి ఉండాలి.
- ఆమోదం పొందిన తర్వాత మీ DISCOM నమోదిత విక్రేతల ద్వారా సోలార్ ప్లాంట్‌ను ఇన్‌స్టాల్ చేయండి.
- ఇన్‌స్టాలేషన్ పూర్తయిన తర్వాత, ప్లాంట్ వివరాలను సమర్పించి నెట్ మీటర్ కోసం దరఖాస్తు చేసుకోండి.
- నెట్ మీటర్‌ను ఇన్‌స్టాల్ చేసిన తర్వాత డిస్కం అధికారులు వచ్చి తనిఖీ చేస్తారు.
- ఆ తర్వాత అధికారులు పోర్టల్ నుంచి కమీషనింగ్ సర్టిఫికేట్‌ను మీకు అందిస్తారు.
- మీరు కమీషన్ నివేదికను స్వీకరించిన తర్వాత పోర్టల్ ద్వారా బ్యాంక్ అకౌంట్ వివరాలను క్యాన్సిల్డ్ చెక్కును సమర్పించండి.
- ఈ స్కీమ్ కింద పొందిన సబ్సిడీ 30 రోజుల్లోగా మీ బ్యాంక్ అకౌంట్లోకి బదిలీ అవుతుంది.
