Father, Daughter Suspicious Death : జగిత్యాల జిల్లాలో తండ్రీకూతురు అనుమానాస్పద మృతి.. వ్యవసాయ బావిలో కుమార్తె మృతదేహం లభ్యం
జగిత్యాల జిల్లాలో తండ్రీకూతురు అనుమానాస్పద స్థితిలో మృతి చెందారు. వ్యవసాయం బావి దగ్గర తండ్రి మృతదేహం కనిపించగా, బావిలో కూతురు మృతదేహం లభ్యమైంది.
- Published By: 10TV Digital Team ,Published On : February 4, 2023 / 01:54 PM IST
Jagityala
Father, Daughter Suspicious Death : జగిత్యాల జిల్లాలో తండ్రీకూతురు అనుమానాస్పద స్థితిలో మృతి చెందారు. వ్యవసాయం బావి దగ్గర తండ్రి మృతదేహం కనిపించగా, బావిలో కూతురు మృతదేహం లభ్యమైంది. మరో కూతురు కోసం గాలిస్తున్నారు. జగిత్యాల రూరల్ మండలం నర్సింగపూర్ గ్రామ శివారులో ఈ ఘటన చోటు చేసుకుంది.
జలపతి రెడ్డి అనే వ్యక్తి తన ఇద్దరు కూతుళ్లతో కలిసి నిన్న ఇంటి నుంచి జగిత్యాలలో ఓ ఫంక్షన్ కు వెళ్లారు. అయితే ఫంక్షన్ వెళ్లిన వారు తిరిగి ఇంటికి రాకపోవడంతో కుటుంబ సభ్యులు నిన్నటి నుంచి గాలిస్తున్నారు. ఈ క్రమంలో నర్సింగపూర్ గ్రామ శివారులో వ్యవసాయి బావి దగ్గర జలపతిరెడ్డి మృతదేభహాన్ని గుర్తించారు.
బావిలో ఒక కూతురు మృతదేహం లభ్యం అయినట్లు తెలుస్తోంది. కాగా, మరో కూతురు కూడా కనిపించకుండా పోయారు. ఆమె ఆచూకీ కోసం పోలీసులు గాలిస్తున్నారు. ఈ ఘటన ప్రస్తుతం కలకలం రేపింది. నిన్న ఫంక్షన్ కు వెళ్లిన వారంతా ఏమైపోయారు? ఏం జరిగిందన్న విషయంపై సస్పెన్షన్ కొనసాగుతోంది.
