Brazil Drug Market : కూరగాయలు అమ్మినట్లు డ్రగ్స్ అమ్మేస్తున్నారు.. ఎక్కడంటే?

ఆ మార్కెట్‌ను బయట నుంచి చూసి కూరగాయల మార్కెట్ అనుకుంటే పొరపాటే. లోపల భారీ డ్రగ్స్ మార్కెట్ నడుస్తోంది. అలాంటి ప్లేస్‌కి ధైర్యంగా వెళ్లడమే కాదు.. అక్కడ జరుగుతున్న దందా అంతా కెమెరాతో షూట్ చేశాడు ఓ యూట్యూబర్. ఆ వీడియో చూసిన జనం షాకవుతున్నారు.

Brazil’s drug market sensational video : మాదక ద్రవ్యాల నిర్మూలన కోసం ప్రభుత్వాలు ఎన్ని చర్యలు చేపట్టినా నియంత్రించలేకపోతున్నాయి. భద్రతా సంస్థల కన్నుగప్పి డ్రగ్స్ దందాలు చాలా చోట్ల జరుగుతూనే ఉన్నాయి. కూరగాయల మార్కెట్‌‌ను తలపిస్తున్న ఓ భారీ డ్రగ్ మార్కెట్‌ను ఓ యూట్యూబర్ వీడియో తీసి షేర్ చేయడంతో వైరల్ గా మారింది.

Anju Krishna : డ్రగ్స్ కేసులో అడ్డంగా దొరికిపోయిన సౌత్ యాక్ట్రెస్..

బ్రెజిల్‌లో ఓ భారీ డ్రగ్ మార్కెట్ చూస్తే అందరూ షాకవుతారు. కూరగాయలు అమ్మినట్లు అక్కడ డ్రగ్స్ అమ్ముతున్నారు. నిజానికి ఆ ప్రాంతానికి వెళ్లడం.. అక్కడ జరుగుతున్న దందాను చిత్రీకరించడం అంటే చాలా గట్స్ ఉండాలి. ఓ యూట్యూబర్ పెద్ద సాహసం చేసాడనే చెప్పాలి. ధైర్యంగా లోనికి వెళ్లి వీడియో తీశాడు. @clipsthatgohard అనే ట్విట్టర్ అకౌంట్ ద్వారా షేర్ చేయబడిన ఈ వీడియో చూసిన జనాలు షాకవుతున్నారు.

 

యూట్యూబర్ లోనికి వెళ్లి రహస్యంగా వీడియోని షూట్ చేశారు. వీడియోలో అతను అడుగుతున్న ప్రకారం 3 గ్రాముల కొకైన్ మార్కెట్‌లో రూ.330 కి అమ్ముతున్నారు. అదే మొత్తం కొకైన్ లండన్‌లో రూ. 16000 ధర పలుకుతుందట. అక్కడి కొకైన్ కొని యూరోపియన్ మార్కెట్ లో అమ్ముకోమని అది విక్రయిస్తున్నవాడు సలహా ఇస్తున్నాడు.

Tihar jail : మనీశ్ సిసోడియాను ఉంచిన తీహార్‌ జైలులో సర్జికల్‌ బ్లేడ్లు, ఫోన్లు, డ్రగ్స్‌తో పట్టుబడ్డ ఖైదీ..

వీడియోని చూసిన ట్విట్టర్ ఖాతాదారులు ఆశ్చర్యపోయారు. మరికొంతమంది భయపడ్డారు కూడా. ఇక యూట్యూబర్ ధైర్యాన్ని మెచ్చుకున్నారు కూడా.. ఎందుకంటే ఏ మాత్రం అతను షూట్ చేస్తున్నాడని తెలిసినా ప్రాణాల మీదకు తెచ్చుకున్నట్లే.

youtuber visits an open drug market deep in a brazilian favela run by notorious gangs pic.twitter.com/aGXFopYHE1

— clips that go hard (@clipsthatgohard) May 11, 2023