IPL 2023, MI vs KKR:వెంక‌టేశ్ అయ్యర్ శ‌త‌కం వృథా.. కోల్‌క‌తా పై ముంబై గెలుపు
ఇండియ‌న్ ప్రీమియ‌ర్ లీగ్‌(IPL)2023లో భాగంగా ముంబైలోని వాంఖ‌డే స్టేడియంలో కోల్‌క‌తా నైట్ రైడ‌ర్స్ తో జ‌రిగిన మ్యాచ్‌లో ముంబై ఇండియ‌న్స్ విజ‌యం సాధించింది.
- Published By: 10TV Digital Team ,Published On : April 16, 2023 / 07:33 PM IST
Mumbai Indians
IPL 2023, MI vs KKR: ఇండియ‌న్ ప్రీమియ‌ర్ లీగ్‌(IPL)2023లో భాగంగా ముంబైలోని వాంఖ‌డే స్టేడియంలో కోల్‌క‌తా నైట్ రైడ‌ర్స్(Kolkata Knight Riders) తో జ‌రిగిన మ్యాచ్‌లో ముంబై ఇండియ‌న్స్(Mumbai Indians) విజ‌యం సాధించింది. కోల్‌క‌తా నిర్దేశించిన 186 ప‌రుగుల ల‌క్ష్యాన్ని 5 వికెట్లు కోల్పోయి 17.4 ఓవ‌ర్ల‌లో ఛేదించింది. ముంబై బ్యాట‌ర్ల‌లో ఓపెన‌ర్ ఇషాన్ కిష‌న్‌(58; 25 బంతుల్లో 5 ఫోర్లు, 5 సిక్స‌ర్లు) అర్ధ‌శ‌త‌కంతో రాణించ‌గా సూర్య‌కుమార్ యాద‌వ్‌(43; 25 బంతుల్లో 4 ఫోర్లు, 3 సిక్స‌ర్లు), టిమ్ డేవిడ్‌(23 నాటౌట్; 12 బంతుల్లో 1 ఫోర్లు, 2 సిక్స‌ర్లు) రాణించ‌డంతో ల‌క్ష్యాన్ని ఈజీగానే ఛేదించింది. కోల్‌క‌తా బౌల‌ర్ల‌లో సుయాష్ శర్మ రెండు వికెట్లు తీయ‌గా, వ‌రుణ్ చ‌క్ర‌వ‌ర్తి, లాకీ ఫెర్గూసన్, శార్దూల్ ఠాకూర్ ఒక్కొ వికెట్ ప‌డ‌గొట్టారు. కోల్‌క‌తాపై గెలుపుతో ఈ సీజ‌న్‌లో ముంబై రెండో విజ‌యాన్ని త‌న ఖాతాలో వేసుకుంది.
Venkatesh Iyer: 15 ఏళ్ల నిరీక్షణకు తెర‌దించిన వెంక‌టేశ్ అయ్యర్.. మెక్‌క‌ల్ల‌మ్ త‌రువాత
అంత‌క‌ముందు టాస్ ఓడి బ్యాటింగ్ దిగిన కోల్‌క‌తా నిర్ణీత 20 ఓవ‌ర్ల‌లో 6 వికెట్ల న‌ష్టానికి 185 ప‌రుగులు చేసింది. కోల్‌క‌తా బ్యాట‌ర్ల‌లో వెంక‌టేశ్ అయ్యర్(104; 51బంతుల్లో 6 ఫోర్లు, 9 సిక్స‌ర్లు) సెంచ‌రీతో చెల‌రేగాడు. రహ్మానుల్లా గుర్బాజ్(8), ఎన్ జ‌గ‌దీశ‌న్‌(0), నితీశ్ రాణా(5) రింకూ సింగ్‌(18)లు విఫ‌లం అయ్యారు. ఆఖ‌ర్లో ఆండ్రూ ర‌స్సెల్(21; 11బంతుల్లో 3ఫోర్లు, 1సిక్స్‌) వేగంగా ప‌రుగులు చేయ‌డంతో ముంబై ముందు ఓ మోస్తారు ల‌క్ష్యం నిలిచింది. ముంబై బౌల‌ర్ల‌లో హృతిక్ షోకీన్ రెండు వికెట్లు తీయ‌గా, చావ్లా, జాన్సెన్, కామెరూన్ గ్రీన్‌, రిలే మెరెడిత్ లు ఒక్కొ వికెట్ ప‌డ‌గొట్టారు.
