Student Marks: విశ్వవిద్యాలయంలో ఓ స్టూడెంట్‌కు 100కు 151 మార్కులు.. ఎలా వచ్చాయంటే..

మీకెప్పుడైన ఎగ్జామ్స్ లో 100కు 151 మార్కులు వచ్చాయా? అలా ఎలా సాధ్యమవుతుందని అనుకుంటున్నారా? ఒక్కోసారి అలాకూడా వస్తాయి. అదీ.. స్కూల్, కాలేజీల్లో కాదు.. ఏకంగా యూనివర్శిటీలోనే.

Student Marks: విశ్వవిద్యాలయంలో ఓ స్టూడెంట్‌కు 100కు 151 మార్కులు.. ఎలా వచ్చాయంటే..
ad

Student Marks: మీకెప్పుడైన ఎగ్జామ్స్ లో 100కు 151 మార్కులు వచ్చాయా? అలా ఎలా సాధ్యమవుతుందని అనుకుంటున్నారా? ఒక్కోసారి అలాకూడా వస్తాయి. అదీ.. స్కూల్, కాలేజీల్లో కాదు.. ఏకంగా యూనివర్శిటీలోనే. అందులోనూ ప్రభుత్వ ఆధ్వర్యంలో కొనసాగే యూనివర్శిటీలో. వివరాల్లోకి వెళితే.. బీహార్ రాష్ట్రంలోని దుర్భంగా జిల్లా ప్రభుత్వ ఆధ్వర్యంలో నిర్వహించే లలిత్ నారాయణ్ మిథిలా విశ్వవిద్యాలయం (ఎల్‌ఎన్‌ఎంయు) అండర్ గ్రాడ్యుయేట్ విద్యార్థికి ఓ పేపర్‌లో 100కి 151 వచ్చాయి. మార్కుల లిస్ట్ చూసుకున్న విద్యార్థి ఒక్కసారిగా కంగుతిన్నాడు.

Black Tiger : ఒడిషా అడవుల్లో అరుదైన నల్లపులి

యూవర్సిటీలో పార్ట్-2 పరీక్షలో బీఏ విద్యార్థి తన పొలిటికల్ సైన్స్ పేపర్-4లో 151 మార్కులు సాధించినట్లు ఆదివారం తెలిపాడు. అయితే ఆ “ఫలితాలు చూసి నేను నిజంగా ఆశ్చర్యపోయానంటూ పేర్కొన్నాడు. ఇది తాత్కాలిక మార్కు షీట్ అయినప్పటికీ, ఫలితాలు విడుదల చేయడానికి ముందు అధికారులు దాన్ని తనిఖీ చేసి ఉండాలని అతను చెప్పాడు. బికామ్ పార్ట్-2 పరీక్షలో అకౌంటింగ్ అండ్ ఫైనాన్స్ పేపర్-4లో సున్నా సాధించిన మరో విద్యార్థి తదుపరి తరగతికి పదోన్నతి పొందాడు.

China Space Breeding : అంతరిక్షం నుంచి విత్తనాలు తెస్తున్న చైనా..పంట దిగుబడి భారీగా పెంచటానికి యత్నాలు

అయితే ఇలా 100కు 151 మార్కులు రావటానికి కారణం.. టైపింగ్ లోపమేనని విశ్వవిద్యాలయం అధ్యాపకులు పేర్కొన్నారు. ఆ మార్కులను సవరించి మళ్లీ కొత్త మార్కుల షీట్ ను జారీ చేసినట్లు విద్యార్థి తెలిపాడు. వర్సిటీ రిజిస్ట్రార్ ముస్తాక్ అహ్మద్ ఓ జాతీయ మీడియాతో మాట్లాడుతూ.. రెండు మార్క్‌షీట్‌లలో టైపింగ్ తప్పులు ఉన్నాయని చెప్పారు. “టైపోగ్రాఫికల్ లోపాలను సరిదిద్దిన తరువాత, ఇద్దరు విద్యార్థులకు తాజాగా మార్కుల షీట్లు జారీ చేయడం జరిగిందని, అవి కేవలం టైపోగ్రాఫికల్ తప్పులేనని చెప్పారు.