Godse: ‘గాడ్సే’కు ఎసరుపెడుతున్న ప్రమోషన్స్!

Godse: టాలీవుడ్ విలక్షణ నటుడు సత్యదేవ్ నటిస్తున్న లేటెస్ట్ మూవీ ‘గాడ్సే’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది. అయితే ఈ సినిమా పలు కారణాల వల్ల రిలీజ్ వాయిదా పడుతూ వచ్చింది. ఇప్పుడు ఎట్టకేలకు ఈ సినిమాను జూన్ 17న రిలీజ్ చేసేందుకు చిత్ర యూనిట్ రెడీ అయ్యింది. అయితే ఈ సినిమా కంటే ముందే మరో మూవీ విరాటపర్వం అదే రోజున రిలీజ్‌కు రెడీగా ఉంది. దీంతో గాడ్సే సినిమాకు విరాటపర్వం పెద్ద అడ్డంకిగా మారింది.

Godse: సొసైటీపై గాడ్సే అటాక్.. ట్రైలర్‌తో అదరగొట్టిన సత్యదేవ్!

కానీ తమ సినిమాలోని కథపై కాన్ఫిడెంట్‌గా ఉన్న చిత్ర యూనిట్ గాడ్సే సినిమాను అదే రోజున రిలీజ్ చేసేందుకు ఫిక్స్ అయ్యారు. కానీ.. ఈ సినిమాను జనంలోకి తీసుకెళ్లడంలో చిత్ర యూనిట్ కాస్త వెనకబడిపోయినట్లుగా తెలుస్తోంది. ఈ సినిమాకు సంబంధించిన ప్రమోషన్స్ విషయంలో చిత్ర యూనిట్ చాలా లైట్‌గా ఉండటం, అప్పుడే ఈ సినిమాపై ప్రభావం చూపుతోంది. ఈ సినిమాకు అనుకున్న స్థాయిలో ప్రమోషన్స్ చేయకపోవడంతో, ఈ సినిమాకు అడ్వాన్స్ టికెట్ బుకింగ్స్ చాలా తక్కువగ జరుగుతున్నాయి.

Satyadev : ఈ సినిమాకి నాథూరామ్‌ గాడ్సే కథకు ఎలాంటి సంబంధం లేదు.. పవన్ కోసం రాసిన సినిమా..

ఒకవేళ ఇదే కంటిన్యూ అయితే, ఈ సినిమాకు తొలిరోజున కనీస ఆదరణ కూడా దక్కకపోవచ్చని సినీ విమర్శకులు అంటున్నారు. సినిమా రిలీజ్‌కు మరో రెండు రోజులు మాత్రమే ఉండటంతో ఇప్పటికైనా ఏదైనా ఈవెంట్ ప్లాన్ చేసి ఈ సినిమాపై జనాల్లో ఆసక్తిని క్రియేట్ చేయాలని పలువురు కామెంట్ చేస్తున్నారు. మరి ఈ విషయంపై చిత్ర యూనిట్ ఎలా ముందుకు వెళ్తుందో చూడాలి.