Missile Akash-NG : న్యూ జెనరేషన్ Akash-NG క్షిపణి పరీక్ష సక్సెస్
భారత రక్షణ పరిశోధన అభివృద్ధి సంస్థ (DRDO) న్యూ జెనరేషన్ ఆకాష్ క్షిపణి (Akash-NG)ని విజయవంతంగా పరీక్షించింది. ఒడిశా తీరంలోని ఇంటిగ్రేటెడ్ టెస్ట్ రేంజ్ (ITR) నుంచి ఈ క్షిపణిని ప్రయోగించింది.
- Published By: 10TV Digital Team ,Published On : July 21, 2021 / 06:35 PM IST
Drdo Successfully Flight Tests Surface To Air Missile Akash Ng
Surface-to-Air Missile Akash-NG : భారత రక్షణ పరిశోధన అభివృద్ధి సంస్థ (DRDO) న్యూ జెనరేషన్ ఆకాష్ క్షిపణి (Akash-NG)ని విజయవంతంగా పరీక్షించింది. ఒడిశా తీరంలోని ఇంటిగ్రేటెడ్ టెస్ట్ రేంజ్ (ITR) నుంచి ఈ క్షిపణిని ప్రయోగించింది. ఉపరితలం నుంచి గాల్లోకి దూసుకెళ్లే ఆకాష్ క్షిపణి ప్రయోగం సక్సెస్ అయినట్టు డీఆర్డీఓ ఒక ప్రకటనలో వెల్లడించింది. లక్ష్య ప్రమాణాల మేరకు టెస్ట్ జరిగినట్లు తెలిపింది. ఈ ట్రయల్ మధ్యాహ్నం 12: 45 గంటలకు భూ ఆధారిత ప్లాట్ ఫాం నుంచి ప్రయోగించారు.
మల్టీఫంక్షన్ రాడర్, కమాండ్, కంట్రోల్ అండ్ కమ్యూనికేషన్ సిస్టమ్ ఆయుధాల వ్యవస్థను అమర్చారు. ఈ క్షిపణి వ్యవస్థను ఇతర DRDO ల్యాబరేటరీ సహకారంతో హైదరాబాద్ డిఫెన్స్ రీసెర్చ్ అండ్ డెవలప్‌మెంట్ లాబొరేటరీ (DRDL) అభివృద్ధి చేసింది. రక్షణ మంత్రిత్వ శాఖ అధికారిక ప్రకటన ప్రకారం.. భారత వైమానిక దళం ప్రతినిధుల సమక్షంలో ఈ ప్రయోగాన్ని నిర్వహించారు. ప్రొడక్షన్ ఏజెన్సీలు భారత్ ఎలక్ట్రానిక్స్ లిమిటెడ్ (బీఈఎల్), భారత్ డైనమిక్స్ లిమిటెడ్ (బీడీఎల్) కూడా ట్రయల్స్‌లో పాల్గొన్నాయి.
DRDO has successfully flight tested the New Generation Akash Missile (Akash-NG) a Surface to Air Missile from Integrated Test Range (ITR) off the coast of Odisha today 21st July 2021. The flawless performance of the entire weapon system has been confirmed by complete flight data. pic.twitter.com/LldOF8aqGT
— DRDO (@DRDO_India) July 21, 2021
మరోవైపు ఆత్మనిర్భర్‌ భారత్‌లో భాగంగా ఆర్మీని బలోపేతం చేసేందుకు దేశీయంగా అభివృద్ధి చేసిన తక్కువ బరువున్న మ్యాన్-పోర్టబుల్ యాంటీ ట్యాంక్ గైడెడ్ క్షిపణిని DRDO విజయవంతంగా పరీక్షించింది. థర్మల్ సైట్‌తో అనుసంధానించిన మ్యాన్-పోర్టబుల్ లాంచర్ నుంచి ఈ క్షిపణిని ప్రయోగించింది. ట్యాంక్ నమూనా లక్ష్యాన్ని ఖచ్చితత్వంతో నాశనం చేసిందని కనీస పరిధి పరీక్ష విజయవంతమైందని తెలిపింది.
