Koona Ravi : కూన రవిపై ఏపీ అసెంబ్లీ ప్రివిలేజ్ కమిటీ ఆగ్రహం

టీడీపీ నేత కూన రవిపై ఏపీ అసెంబ్లీ ప్రివిలేజ్ కమిటీ ఆగ్రహం వ్యక్తం చేసింది. ప్రివిలేజ్ కమిటీ ఛైర్మన్ కాకాని గోవర్దన్ రెడ్డి అధ్యక్షతన అసెంబ్లీ ప్రివిలేజ్‌ కమిటీ సమావేశం జరిగింది.

Kuna Ravi

AP Assembly Privilege Committee : టీడీపీ నేత కూన రవిపై ఏపీ అసెంబ్లీ ప్రివిలేజ్ కమిటీ ఆగ్రహం వ్యక్తం చేసింది. ఆయన వ్యక్తిగతంగా హాజరు కాకపోవడాన్ని ప్రివిలేజ్ కమిటీ తీవ్రంగా పరిగణించింది. ప్రివిలేజ్ కమిటీ ఛైర్మన్ కాకాని గోవర్దన్ రెడ్డి అధ్యక్షతన మంగళవారం ఏపీ అసెంబ్లీ ప్రివిలేజ్‌ కమిటీ సమావేశం జరిగింది. కూన రవి హాజరు కాకపోవడాన్ని ధిక్కారంగా భావిస్తున్నట్లు వెల్లడించింది.

ప్రివిలేజ్ కమిటీ ఆదేశాలను పాటించకుండా కూన రవి తీవ్ర నిర్లక్ష్యానికి పాల్పడ్డారని మండిపడింది. కూన రవిపై చర్యలు తీసుకునే అంశాన్ని ప్రివిలేజ్ కమిటీలో నిర్ణయం తీసుకోనాలని సభ ముందు ఉంచుతామని పేర్కొంది.

కాగా వ్యక్తిగత కారణాలతో సమావేశానికి హాజరు కాలేనని టీడీపీ నేత అచ్చెన్నాయుడు సమాచారం ఇచ్చారు. తదుపరి సమావేశానికి వ్యక్తిగతంగా హాజరయ్యేందుకు అచ్చెన్నాయుడుకు అవకాశం ఇచ్చింది. వచ్చే నెల 14న హాజరు కావాల్సిందిగా అచ్చెన్నాయుడుకు నోటీసులిస్తున్నట్లు చైర్మన్‌ కాకాని గోవర్దన్‌ రెడ్డి తెలిపారు.