Simhachalam incident: పాపం ఎవరిది..? సింహాచలం ప్రమాద ఘటనపై నేడు ప్రభుత్వానికి త్రిసభ్య కమిటీ నివేదిక

విశాఖ జిల్లా సింహాచలంలో చందనోత్సవం రోజున గోడకూలిన ఘటనలో పలువురు భక్తులు మృతిచెందిన విషయం తెలిసిందే.

Simhachalam temple stampede incident

Simhachalam incident: విశాఖ జిల్లా సింహాచలంలో చందనోత్సవం రోజున గోడకూలిన ఘటనలో ఏడుగురు భక్తులు మృతిచెందిన విషయం తెలిసిందే. ఈ ఘటనను సీరియస్ గా తీసుకున్న కూటమి ప్రభుత్వం త్రిసభ్య కమిటీ వేసి విచారణ చేపట్టింది. ఇందులో పురపాలక శాఖ ముఖ్యకార్యదర్శి సురేస్ కుమార్, ఐపీఎస్ అధికారి ఆకే రవికృష్ణ , ఇరిగేషన్ డిపార్ట్ మెంట్ ఇంజినీర్ ఇన్ చీఫ్ వెంకటేశ్వరరావు ఉన్నారు. అయితే, ఈ కమిటీ సభ్యులు సింహాచలంలో పర్యటించి ప్రమాదం జరిగిన తీరును పరిశీలించారు. అధికారులు, కాంట్రాక్టర్, ఇతర సిబ్బందిని విచారించారు. దుర్ఘటనకు బాధ్యులు ఎవరన్న కోణంలో త్రిసభ్య కమిటీ లోతుగా దర్యాప్తు చేసింది.

Also Read: Quantum Valley: ఏపీ ప్రభుత్వం కీలక ఒప్పందం.. అమరావతిలో క్వాంటం వ్యాలీ ఏర్పాటుకు డీల్

రెండు రోజులపాటు జరిగిన ఈ విచారణలో.. ఆలయ, టూరిజం, జిల్లా అధికారులతోపాటు సహాయక చర్యల్లో పాల్గొన్న ఎన్డీఆర్ఎఫ్, ఎస్డీఆర్ఎఫ్, అగ్నిమాపక, పోలీసులతో కూడా కమిటీ సభ్యులు మాట్లాడారు. అయితే, విచారణ నివేదికను ఇవాళ అమరావతిలో ముఖ్యమంత్రి చంద్రబాబు నాయుడుకు త్రిసభ్య కమిటీ అందజేయనుంది. ఎలాంటి అనుమతులు లేకుండా ఈ గోడ నిర్మాణం చేపట్టినట్లు కమిటీ గుర్తించింది. అంతా నోటిమాట మీద హడావిడిగా చేశారని కమిటీ తేల్చింది. గోడ వద్ద శాంపిల్స్ కమిటీ సేకరించింది.

Also Read: అమరావతికి గ్యారంటీ.. మోదీ వరాలేంటి? ఇక రాజధాని పనులు ఎలా పరుగులు పెడతాయి?

2022 డిసెంబర్ లో ప్రసాద్ స్కీంలో భాగంగా కేంద్రం రూ.54కోట్లు మంజూరు చేసింది. రెండేళ్లలో పూర్తికావాల్సిన పనులు ఇంకా కొనసాగుతున్నాయి. ఆ నిధులతోనే ఆ గోడ నిర్మాణం చేసినట్లు కమిటీ గుర్తించింది. అయితే, నిర్మాణంపై అధికారులు తలోమాట చెప్పినట్లు తెలిసింది. ప్రమాద ఘటన తరువాత మరో టెండర్ పిలిచిన ఏపీటీడీసీ. అన్ని వివరాలతో ఇవాళ త్రిసభ్య కమిటీ ప్రభుత్వానికి నివేదిక సమర్పించనుంది.