Bihar Teacher Kidnap : బీహార్ టీచర్ కిడ్నాప్.. పాయింట్ బ్లాక్‌లో గన్ పెట్టి.. బలవంతంగా పెళ్లి చేశారు..!

Bihar Teacher Kidnap : బీహార్ టీచర్ అవ్నీష్ పెళ్లికి నిరాకరించడంతో కిడ్నాప్ చేసి పాయింట్ బ్లాక్‌లో గన్ పెట్టి అమ్మాయి కుటుంబ సభ్యులు బలవంతంగా పెళ్లి చేశారు.

Bihar Teacher Kidnapped, Forcibly Married ( Image Source : Google/Twitter)

Bihar Teacher Kidnap : బీపీఎస్సీ టీచర్‌ని కిడ్నాప్ చేసి బలవంతంగా పెళ్లి చేసుకున్న ఉదంతం బీహార్‌లోని బెగుసరాయ్‌లో వెలుగు చూసింది. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. టీచర్ అవ్నీష్ కుమార్ తనకు ఆ అమ్మాయి మాత్రమే తెలుసని అంటున్నాడు. వీరిద్దరి మధ్య నాలుగేళ్లుగా ప్రేమ వ్యవహారం నడుస్తోందని యువతి గుంజన్ పోలీసులకు ఇచ్చిన ఫిర్యాదులో తెలిపింది.

టీచర్ అవ్నీష్ పెళ్లికి నిరాకరించడంతో అమ్మాయి కుటుంబ సభ్యులు బలవంతంగా పెళ్లి చేశారు. పెళ్లయ్యాక అబ్బాయి కుటుంబీకులు అమ్మాయిని ఇంట్లో నుంచి కొట్టి తరిమేశారు. ఈ మొత్తం వ్యవహారం బెగుసరాయ్‌లోని ముఫాసిల్ పోలీస్ స్టేషన్ పరిధిలోని రాజౌడ సికందర్‌పూర్‌లో జరిగింది. అబ్బాయి బెగుసరాయ్ నివాసి కాగా, అమ్మాయిది లఖిసరాయ్ జిల్లా.. పూర్తి వివరాల్లోకి వెళితే..

డిసెంబర్ 13న అవ్నీష్ కుమార్ కిడ్నాప్ :
బీపీఎస్సీ ఉపాధ్యాయుడు అవ్నీష్ కుమార్ బెగుసరాయ్ జిల్లా ముఫాసిల్ పోలీస్ స్టేషన్ పరిధిలోని రాజౌడ సికందర్‌పూర్‌కు చెందిన సుధాకర్ రాయ్ కుమారుడిగా పోలీసులు చెబుతున్నారు. డిసెంబరు 13న ఉదయం తాను పాఠశాలకు వెళుతుండగా, రెండు స్కార్పియోల్లో వచ్చిన డజను మంది గుర్తు తెలియని వ్యక్తులు అవ్నీష్‌ తలకు  తుపాకీ గురిపెట్టి కిడ్నాప్ చేశారు. బలవంతంగా ఓ గుడికి తీసుకెళ్లి అక్కడ అమ్మాయితో పెళ్లి చేశారు. తాను పెళ్లికి నిరాకరించానని, అయితే తన మాట వినలేదని అవనీష్ చెప్పుకొచ్చాడు. తమను కొట్టి ఆచారాలు పూర్తి చేయమని బలవంతం చేశారని తెలిపాడు.

బలవంతంగా పెళ్లి చేశారన్న బాధితుడు :
అవ్నీష్ కుమార్ చెప్పిన వివరాల ప్రకారం.. డిసెంబర్ 13వ తేదీ ఉదయం 9:20 గంటలకు స్కూలుకు వెళుతుండగా, స్కార్పియోపై వచ్చిన ఇద్దరు వ్యక్తులు మమ్మల్ని ఆపి, ఈ-రిక్షా నుంచి బయటకు లాగి బలవంతంగా స్కార్పియోలో కూర్చోబెట్టారు. ఆ తర్వాత అక్కడి నుంచి రెండు మూడు కిలోమీటర్ల దూరంలో ఉన్న గుడికి తీసుకెళ్లి పెళ్లి చేసే ప్రయత్నం చేశారు. తాము గట్టిగా ప్రతిఘటించినప్పటికీ మమ్మల్ని కొట్టారని వాపోయాడు. అదే వ్యక్తులు అమ్మాయి నుదుటిపై ఏదో ఒకటి వేసి, మాతో పెళ్లితంతు చేయాలనుకున్నారు. వారి నుంచి తప్పించుకునేందుకు తీవ్రంగా ప్రయత్నించినా చివరికి వాళ్లు బలవంతంగా పెళ్లి చేశారని బాధితుడు అవ్నీష్ కుమార్ వాపోయాడు.

నాలుగేళ్లుగా ప్రేమించుకున్నామని యువతి ఫిర్యాదు :
లఖిసరాయ్ జిల్లాలోని పిపారియా పోలీస్ స్టేషన్ సమీపంలో నివసిస్తున్న గుంజన్ అనే అమ్మాయి.. రాజోరాలోని తన సోదరి వద్ద ఉంటూ చదువుతున్నట్లు చెప్పింది. నాలుగేళ్ల క్రితం ఆమెకు అవనీష్‌తో పరిచయం ఏర్పడి ఇద్దరూ ప్రేమించుకున్నారు. ఆ సమయంలో అవ్నీష్ టీచర్ పరీక్ష కోసం సిద్ధమవుతున్నాడు. బీపీఎస్సీ టీఆర్ఈ-2లో ప్లస్-టూ టీచర్ అయిన తర్వాత అతను కతిహార్‌లో పోస్ట్ అయ్యాడు. ఆ తర్వాత అవ్నీష్ కూడా గుంజన్‌ని కతిహార్‌కు రమ్మని పిలిచాడు.

కతిహార్‌లో నివసించినప్పుడు తనతో బాగానే ఉండేవాడని, నాలుగు రోజులు ఉన్న తర్వాత తన సోదరి ఇంటికి తిరిగి వచ్చినట్టు గుంజన్ తెలిపింది. కతిహార్‌లోని కొందరు వ్యక్తులు వారిద్దరినీ చూసి వారి కుటుంబ సభ్యులకు సమాచారం అందించారు. కుటుంబ సభ్యులు కతిహార్‌కు చేరుకుని పెళ్లి జరిపించేందుకు ప్రయత్నించగా, అవనీష్ అందుకు అంగీకరించలేదు. ఆ తర్వాత కుటుంబ సభ్యులు డిసెంబర్ 13న ఇద్దరికీ బలవంతంగా గుడిలో పెళ్లి చేశారు.

పెళ్లి ఘటన వీడియో వైరల్.. :
అదే సమయంలో ఈ ఘటనకు సంబంధించిన వీడియో కూడా సోషల్ మీడియాలో వైరల్ అవుతోంది. కొంత మంది అబ్బాయిని పట్టుకోవడం, అమ్మాయితో బలవంతంగా పెళ్లి చేయడం వీడియోలో స్పష్టంగా కనిపిస్తోంది. పెళ్లితంతు పూర్తి చేయాలని బాధితుడిపై ఒత్తిడి తెస్తున్నారు. వివాహానంతరం అమ్మాయి అవ్నీష్ ఇంటికి వెళ్లగా.. కుటుంబ సభ్యులు ఆమెను ఇంట్లోకి వచ్చేందుకు నిరాకరించారు. అమ్మాయిను కొట్టి అక్కడి నుంచి వెళ్లగొట్టారు. దాంతో అమ్మాయి గుంజన్ మోఫుసిల్ పోలీస్ స్టేషన్‌లో ఫిర్యాదు చేసింది.

👨‍👦Forced marriage in Bihar

A resident of Begusarai, Bihar, Avneesh, became a BPSC teacher but refused to marry his girlfriend. Her family then arranged a “pakarua” (forced) marriage. pic.twitter.com/KKOSX5f4Pk

— Vishal Kanojia (@Vishal0700) December 14, 2024

అమ్మాయి పదే పదే ఫోన్ చేసి వేధించింది :
తనకు ఆ అమ్మాయి మాత్రమే తెలుసునని, ప్రేమ వ్యవహారం కాదని అవ్నీష్ వాపోయాడు. అంతకుముందు ట్యూషన్ చెప్పేందుకు అమ్మాయి చెల్లెలి ఇంటికి వెళ్లేవాడినని, ఆ అమ్మాయి తనను పదే పదే ఫోన్ చేసి వేధించేదని తెలిపాడు. తనపై తప్పుడు ఆరోపణలు చేస్తున్నారని చెప్పాడు.

ప్రైవేట్ టీచర్‌గా పని చేసే ముందు ట్యూషన్ కోసం తన సోదరి ఇంటికి వెళ్లేవాడు. అవ్నీష్ ప్రకారం.. అమ్మాయి నంబర్ చాలాసార్లు బ్లాక్ చేశాడు. కానీ, అమ్మాయి వేరే నంబర్ నుంచి కాల్ చేసేది. కిడ్నాప్‌పై కతిహార్ ఎస్పీకి కూడా అవనీష్ సమాచారం అందించాడు. కాగా, అమ్మాయి ఫిర్యాదు మేరకు కేసు దర్యాప్తు చేస్తున్నట్లు ముఫాసిల్ పోలీస్ స్టేషన్ ఇన్‌ఛార్జ్ అరవింద్ కుమార్ గౌతమ్ తెలిపారు.

Read Also : Suchir Balaji : ఓపెన్‌ ఏఐ విజిల్ బ్లోయర్ సుచిర్ బాలాజీ అనుమానాస్పద మృతి..!