డియర్ ఇంటర్ స్టూడెంట్స్‌.. రిజల్ట్స్‌ మీద డౌట్స్ ఉన్నాయా? వెంటనే ఈ ఫోన్ నంబర్‌కి కాల్ చేయండి..
మీకు ఫలితాల విషయంలో ఎటువంటి అభ్యంతరాలు ఉన్నా చెప్పవచ్చు.
- Published By: 10TV Digital Team ,Published On : April 22, 2025 / 01:50 PM IST
తెలంగాణ ఇంటర్మీడియట్ ఫలితాలు వచ్చేశాయి. పాస్‌ కాలేకపోయిన విద్యార్థులు నిరాశకు గురికావాల్సిన అవసరం లేదు. సప్లిమెంటరీ పరీక్షలు రాసుకోవచ్చు. సప్లిమెంటరీ థియరీ పరీక్షలు రెండు సెషన్లలో మే 22 నుంచి జరుగుతాయి ప్రాక్టికల్ పరీక్షలు జూన్‌ 3 నుంచి జూన్‌ 6 వరకు ఉంటాయి.
విద్యార్థులు ఇంటర్మీడియట్ సప్లిమెంటరీ పరీక్షల ఫీజును ఏప్రిల్ 23 నుంచి 30 వరకు వారి కాలేజీల్లో చెల్లించవచ్చు. జూనియర్ కాలేజీల ప్రిన్సిపాళ్లు తమ కాలేజీ విద్యార్థుల ఫలితాలను https://tgbie.cgg.gov.inలో చూసుకోవచ్చు. ఇందుకు సంబంధించిన ఐడీ పాస్‌వర్డ్‌లను ఇప్పటికే ప్రిన్సిపాళ్లకు ఇచ్చింది.
9240205555 నంబర్‌కి ఫోన్ చేయవచ్చు
విద్యార్థులకు రిజల్ట్స్‌ మీద ఏమైనా డౌట్స్ ఉంటే వెంటనే 9240205555 నంబర్‌కి ఫోన్ చేయవచ్చు. లేదంటే helpdesk-ie-telangana.gov.inలో మెసేజ్‌ పంపొచ్చు. మీకు ఫలితాల విషయంలో ఎటువంటి అభ్యంతరాలు ఉన్నా చెప్పవచ్చు.
ఉత్తీర్ణత సాధించలేకపోయిన విద్యార్థులు ఈ సారి మరింత బాగా చదివి పప్లిమెంటరీ పరీక్షలు రాసుకోవచ్చు. పరీక్షల్లో ఫెయిల్ కావవడం అంటే జీవితంలో ఓటమి సాధించినట్లు కాదు. మే 22 నుంచి ప్రారంభమయ్యే సప్లిమెంటరీ పరీక్షల కోసం వెంటనే ప్రిపరేషన్ ప్రారంభించండి. ఈ అవకాశాన్ని సద్వినియోగం చేసుకోవాలి.
