Best Summer Foods : ఎదుగుతున్న పిల్లలకు వేసవి కాలంలో ఉత్తమ ఆహారాలు !

ఆరోగ్యకరమైన సురక్షితమైన ఎంపిక కొబ్బరి నీరు. ఈ నీటిలో ఎలక్ట్రోలైట్‌లు సమృద్ధిగా ఉంటాయి. వేసవిలో మిమ్మల్ని హైడ్రేట్‌గా , చల్లగా ఉంచుతుంది, శక్తి స్థాయిలను పెంచుతుంది. కొబ్బరి నీరు జీర్ణక్రియను మెరుగుపరుస్తుంది. కాల్షియం, ఐరన్ మరియు విటమిన్ సి వంటి ముఖ్యమైన పోషకాలను కలిగి ఉంటుంది

Best summer foods

Best Summer Foods : వేసవి కాలం హీట్ స్ట్రోక్, డీహైడ్రేషన్, దద్దుర్లు , అజీర్ణం వంటి అనేక ఆరోగ్య సమస్యలు తలెత్తుతాయి. అయితే ఇంటి లోపల ఉన్నప్పుడు, ఫ్యాన్లు , ఎయిర్ కండీషనర్‌లను ఉపయోగించడం, లేత రంగు కాటన్ దుస్తులు ధరించడం వంటివి మనల్ని చల్లగా ఉంచడంలో సహాయపడతాయి. పిల్లలకు సరైన ఆహారం అందేలా చూసుకోవడం చాలా అవసరం. వారి శరీరాన్ని చల్లగా ఉంచడానికి పోషకాహారం బాగా ఉపకరిస్తుంది.

READ ALSO: Turmeric For Skin Care : వేసవిలో కూడా మీ చర్మం మెరవాలంటే చర్మ సంరక్షణలో దీనిని చేర్చుకోండి ?

పెద్దలతో పోలిస్తే పిల్లల్లో రోగనిరోధక శక్తి తక్కువగా ఉంటుంది. వేసవిలో పోషకాహారం మరియు పానీయాలను సమతుల్యంగా తీసుకోవడం చాలా ముఖ్యం. వేసవి కాలం అంటే సెలవులు, సరదాలు, ఉల్లాసంగా గడిపే కార్యకలాపాల్లో పిల్లలు మునిగితేలుతుంటారు. ఆటలతో చెమటలు పడతాయి. సులభంగా అలసిపోతారు. కాబట్టి పిల్లలను చురుగ్గా ఉంచడంలో పోషకాహారం కీలక పాత్ర పోషిస్తుంది.

వేసవిలో నిమ్మరసం, ఆమ్ పన్నా, చాచ్, టాంగ్, పండ్ల రసాలు, పుచ్చకాయ రసం, చెరుకు రసం మరియు కొబ్బరి నీరు వంటివాటిని అందిస్తూ పిల్లలను హైడ్రేటెడ్‌గా ఉంచాలని నిపుణులు సిఫార్సు చేస్తున్నాము. ఆరోగ్యకరమైన స్నాక్స్ ఇవ్వటం వల్ల పోషకాల సమతుల్యతను కొనసాగించడానికి అవకాశం ఉంటుంది. ఐస్ ఫ్రూట్ ఫ్లేవర్డ్ పాప్స్, మొలకలు, ఇంట్లో తయారుచేసిన దోక్లా మరియు పిల్లలకు రుచిగల పెరుగును ఇష్టపడతారు. ఇవి సురక్షితమైనవే కాకుండా చాలా రుచికరంగా ఉంటాయి.

READ ALSO : Meditation In Summer : వేసవిలో ధ్యానం వల్ల శరీరం చల్లబడటంతోపాటు అనేక ప్రయోజనాలు !

ఆరోగ్య పానీయాలు; వేసవిలో డీహైడ్రేషన్ ,హీట్ ఎగ్జాషన్‌ను నియంత్రించడానికి, జాగ్రత్తలు తీసుకోవడం చాలా ముఖ్యం. పిల్లల ఆహారంలో స్మూతీస్, ప్రొటీన్ షేక్స్ వంటి ఆరోగ్య పానీయాలను చేర్చాలి. ఇది పోషకాలను పెంచడానికి అనుకూలమైన మార్గం. పండ్లు , కూరగాయలతో కూడిన స్మూతీలు పిల్లలకు అవసరమైన విటమిన్లు మరియు ఖనిజాలను అందిస్తాయి. అయితే ప్రోటీన్ షేక్స్ కండరాల పెరుగుదల , మరమ్మత్తుకు సహాయపడతాయి. వేసవిలో పిల్లలు చురుకుగా ఉండేందుకు ఇవి దోహదపడతాయి.ఆరోగ్య పరమైన ప్రయోజనాలు పొందేందుకు పోషకాలు ఎక్కువగా ఉండే పదార్థాలు , తక్కువ చక్కెరలతో కూడిన పానీయాలను ఎంచుకోవాలి.

కొబ్బరి నీరు ; ఆరోగ్యకరమైన సురక్షితమైన ఎంపిక కొబ్బరి నీరు. ఈ నీటిలో ఎలక్ట్రోలైట్‌లు సమృద్ధిగా ఉంటాయి. వేసవిలో మిమ్మల్ని హైడ్రేట్‌గా , చల్లగా ఉంచుతుంది, శక్తి స్థాయిలను పెంచుతుంది. కొబ్బరి నీరు జీర్ణక్రియను మెరుగుపరుస్తుంది. కాల్షియం, ఐరన్ మరియు విటమిన్ సి వంటి ముఖ్యమైన పోషకాలను కలిగి ఉంటుంది. రోగనిరోధక శక్తిని పెంచుతుంది. వాపును తగ్గిస్తుంది. అదనపు వేడి ఒత్తిడి కారణంగా శరీరం రుగ్మతలు మరియు ఇన్‌ఫెక్షన్‌లకు ఎక్కువ అవకాశం ఉన్నప్పుడు, హీట్‌వేవ్ సమయంలో కొబ్బరి నీరు బాగా ఉపయోగపడుతుంది.

READ ALSO : Benefits Of Aloe vera : వేసవిలో కలబందను ఉపయోగించటం వల్ల కలిగే ప్రయోజనాలు !

పెరుగు ; యోగర్ట్ ప్రోటీన్, కాల్షియం మరియు ప్రోబయోటిక్స్ యొక్క విలువైన పోషకాలను అందిస్తుంది. పిల్లలుఆహారపు అలవాట్లలో మార్పుల కారణంగా జీర్ణ సమస్యలను ఎదుర్కొన్నప్పుడు వేసవిలో పెరుగుతీసుకోవటం అవసరం. పెరుగు ఒక ఆహ్లాదకరమైన మరియు రిఫ్రెష్ అల్పాహారం ఎంపికగా చెప్పవచ్చు. ఇది పిల్లలను హైడ్రేట్‌గా, భోజనాల మధ్య సంతృప్తిగా ఉంచడంలో సహాయపడుతుంది. దీనిలోని ప్రోబయోటిక్స్ జీర్ణక్రియలో సహాయపడతాయి. అంతర్గత శీతలీకరణ ప్రభావాన్ని అందిస్తాయి. పిల్లల ఆహారంలో పెరుగును, తీపి పండ్లతో కలిపి తీసుకోవచ్చు. ఇది పిల్లలకు సంతోషకరమైన ట్రీట్‌గా ఉంటుంది. ప్రోబయోటిక్స్ మలబద్ధకం, విరేచనాలు మరియు బలహీనమైన రోగనిరోధక శక్తి వంటి సమస్యలను తగ్గిస్తుంది.

సీజనల్ మరియు సిట్రస్ పండ్లు; వేసవి కాలంలో, పిల్లలకు ముఖ్యమైన విటమిన్లు మరియు మినరల్స్ అందించడానికి వివిధ రకాల తాజా పండ్లను పిల్లల ఆహారంలో చేర్చడం చాలా ముఖ్యం. నిమ్మకాయలు , నారింజ వంటి సిట్రస్ పండ్లు విటమిన్ సి యొక్క అద్భుతమైన మూలాలు, పుచ్చకాయ మరియు మామిడి వంటి సీజనల్ పండ్లు కూడా ఆరోగ్యకరంగా ఉంటాయి. జ్యూస్‌లు మరియు ఫ్రూట్ సలాడ్‌ల ద్వారా పిల్లల ఆహారంలో నిమ్మరసం, ఉసిరి రసం లేదా ఆరెంజ్ జ్యూస్‌ని చేర్చడం ద్వారా విటమిన్ సి తీసుకోవడం పెంచవచ్చు. నిమ్మరసం తాగడం వల్ల రోగనిరోధక శక్తి పెరుగుతుంది.

READ ALSO : Vegetable Farming : వేసవిలో కూరగాయల సాగు.. అధిక దిగుబడుల కోసం చేపట్టాల్సిన యాజమాన్యం

గ్రీన్ లీఫీ వెజిటేబుల్స్ ; సిట్రస్ పండ్లతో పాటు, పిల్లల వేసవి ఆహారంలో ఆకు కూరలను అందించాలి. బచ్చలికూర, పాలకూర మరియు క్యాబేజీ వంటి ఆకుకూరలు అనేక ఆరోగ్య ప్రయోజనాలను అందిస్తాయి. అవి ఫైబర్, విటమిన్లు మరియు ఖనిజాలతో సమృద్ధిగా ఉంటాయి. అయితే కేలరీలు తక్కువగా ఉంటాయి. ఇవి పిల్లల ఆరోగ్యానికి కావాల్సిన పోషకాలను అందిస్తాయి. ఈ కూరగాయలు విటమిన్లు A, C, ఫోలిక్ యాసిడ్, కాల్షియం, ఇనుము మరియు ఇతర ఖనిజాలతో కూడా నిండి ఉంటాయి, వాటితోపాటు దోసకాయలు వంటివి శరీరంపై
శీతలీకరణ ప్రభావాన్ని చూపిస్తాయి. వీటిలో ఉండే అధిక ఫైబర్ కంటెంట్ మరియు ఆరోగ్యకరమైన జీర్ణక్రియను నిర్వహించడంలో , మలబద్ధకాన్ని నివారించడంలో సహాయపడతాయి.

వేసవి నెలల్లో, వారి ఆహారంలో ప్రోటీన్ అధికంగా ఉండే ఆహారాన్ని పిల్లలకు అందించాలి. పాల ఉత్పత్తులు, గుడ్లు, చేపలు, సన్నని మాంసం, గింజలు మరియు బీన్స్ వంటివాటిని అందించాలని నిపుణులు సచిస్తున్నారు. ఈ మార్గదర్శకాలను అనుసరించడం ద్వారా, తల్లిదండ్రులు తమ పిల్లలు ఆరోగ్యకరంగా ఆనందంగా వేసవిని గడిపేందుకు అవకాశం ఉంటుంది.