కరోనా పేషెంట్లకు హోమ్ ఐసొలేషన్…కొత్త మార్గదర్శకాలు విడుదల

pre-symptomatic(రోగ లక్షణాలకు ముందు)లేదా తేలికపాటి లక్షణాలు కలిగి ఉన్న కరోనా వైరస్ పేషెంట్లకు… హోమ్ ఐసొలేషన్ పై కొత్త మార్గదర్శకాలను కేంద్ర ఆరోగ్య మంత్రిత్వ శాఖ విడుదల చేసింది. ప్రస్తుతం, టెస్ట్ లలో కరోనా పాజిటివ్ తేలిన వారందరినీ వెంటనే ఐసొలేట్ చేయడం మరియు హాస్పిటల్ లో చేర్చడం జరుగుతుంది. ప్రాణాంతకమైన ఈ అంటువ్యాధి ప్రసార చైన్ ను విచ్ఛిన్నం చేసేందుకు  కరోనా వైరస్ రోగులకు అంకితమైన తాత్కాలిక హాస్పిటల్ లు లేదా వార్డులు ఉన్నాయి.

అయితే తమ తమ ఇళ్లల్లో తమను తాము ఐసొలేట్ చేసుకోవడానికి సదుపాయాలు ఉన్న “చాలా తేలికపాటి లేదా పూర్వ-రోగలక్షణ” పేషెంట్లు అలా చేయవచ్చని ప్రభుత్వం తెలిపింది. ఇంట్లో ఐసొలేషన్ లో ఉన్నవాళ్లు తప్పనిసరిగా గవర్నమెంట్ సర్వైలెన్స్ అధికారితో,హాస్పిటల్ తో టచ్ లో ఉండాలని కేంద్రం తెలిపింది. అలాగే ఒక ఒప్పందంపై సంతకం చేయాలి. పేషెంట్లు తప్పనిసరిగా ప్రభుత్వం ఇటీవల తీసుకొచ్చిన “ఆరోగ్య సేతుA” యాప్‌ను డౌన్‌లోడ్ చేసుకుని, ఎప్పటికప్పుడు యాక్టివ్‌గా ఉంచాలని కేంద్ర ఆరోగ్య మంత్రిత్వ శాఖ తెలిపింది.

హోమ్ ఐసొలేషన్ కు ఎవరు అర్హులు?

– ఎవరైతే వైద్యపరంగా “చాలా తేలికపాటి కేసు / ప్రీ-సింప్టోమాటిక్” కేసుగా డాక్టర్ ద్వారా కేటాయించబడతారో ఆ పేషెంట్లు హోమ్ ఐసొలేషన్ లో ఉండగలరు.
– సెల్ఫ్ ఐసొలేషన్ కు మరియు తమ కుటుంబసభ్యులను క్వారంటైన్ చేయడానికి తమ ఇళ్లల్లో సౌకర్యాలు కలిగి ఉన్న “చాలా తేలికపాటి” లక్షణాలతో ఉన్న పేషెంట్లు “ప్రీ-సింప్టోమాటిక్” కేసులు.

– పేషెంట్ ను చూసుకోవటానికి ఒక సంరక్షకుడు 24×7 అందుబాటులో ఉండాలి. మొత్తం హోమ్ ఐసొలేషన్ వ్యవధికి సంరక్షకుని మరియు హాస్పిటల్ మధ్య కమ్యూనికేషన్ లింక్ అనేది ముందస్తు అవసరం.
–  సంరక్షకుడు, అటువంటి కేసుల యొక్క అన్ని సన్నిహిత పరిచయాలు(close contacts) ప్రోటోకాల్ ప్రకారం మరియు ట్రీట్మెంట్ చేసే మెడికల్ ఆఫీసర్ సూచించిన విధంగా హైడ్రాక్సీక్లోరోక్విన్ ప్రొఫిలాక్సిస్ తీసుకోవాలి.

– తమ మొబైల్ ఫోన్లలో ఆరోగ్యసేతు యాప్ డౌన్ లోడ్ చేసుకోవాలని. బ్యూటూత్,వైఫై ద్వారా ఆ యాప్ ఎప్పుడూ యాక్టివ్ గా ఉండాలి.
– పేషెంట్ తన ఆరోగ్యాన్ని పర్యవేక్షించడానికి అంగీకరించాలి మరియు సర్వైలైన్స్ టీమ్స్ తదుపరి అనుసరణ కోసం వారి ఆరోగ్య స్థితిపై జిల్లా సర్వైలెన్స్ అధికారికి క్రమం తప్పకుండా అప్ డేట్ ఇవ్వాలి.

– పేషెంట్  హోమ్ క్వారంటైన్ గైడ్ లైన్స్ ను తప్పనిసరిగా పాటించాలి.

మెడికల్ అటెన్షన్ ను ఎప్పుడు కోరాలి?
రోగి లేదా సంరక్షకుడు వారి ఆరోగ్యాన్ని పర్యవేక్షిస్తూ ఉండాలి. తీవ్రమైన సంకేతాలు లేదా లక్షణాలు అభివృద్ధి చెందితే వెంటనే వైద్య సహాయం తీసుకోవాలి. 

. శ్వాస తీసుకోవడంలో ఇబ్బంది
. ఛాతీలో నిరంతర నొప్పి / ఒత్తిడి
. మానసిక గందరగోళం 
. పెదవులు లేదా ముఖం నీలిరంగు రంగులను అభివృద్ధి చేయడం
. ట్రీట్మెంట్ చేసే మెడికల్ ఆఫీసర్ ద్వారా సలహా ఇచ్చినట్లు

ఎప్పుడు హోమ్ ఐసొలేషన్ ను నిలిపివేయాలి?
హోమ్ ఐసోలేషన్ లో ఉన్న పేషెంట్లు వారి లక్షణాలు వైద్యపరంగా పరిష్కరించబడితే మరియు ల్యాబ్ టెస్ట్ ల తర్వాత వ్యాధి రహితంగా సర్వైలెన్స్  మెడికల్ ఆఫీసర్ ధృవీకరించినప్పుడు హోమ్ ఐసొలేషన్ ను ముగించవచ్చు.