Cyclone Biparjoy To Reach Rajasthan: రాజస్థాన్‌కు మళ్లిన బిపర్‌జోయ్ తుపాన్..నేడు భారీ వర్షాలు
బిపర్‌జోయ్ తుపాన్ రాజస్థాన్ వైపు మళ్లింది. శుక్రవారం ఉదయం నాటికి మరింత బలహీనపడి, ఆ తర్వాత డిప్రెషన్‌లోకి వెళ్లే అవకాశం ఉందని భారత వాతావరణ శాఖ శుక్రవారం తెలిపింది.తుపాన్ ప్రభావం వల్ల శుక్రవారం రాజస్థాన్‌రాష్ట్రంలో భారీ వర్షాలు కురిసే అవకాశం ఉందని అధికారులు తెలిపారు....
- Published By: 10TV Digital Team ,Published On : June 16, 2023 / 07:19 AM IST
Cyclone Biparjoy To Reach Rajasthan
Cyclone Biparjoy To Reach Rajasthan: బిపర్‌జోయ్ తుపాన్ శుక్రవారం ఉదయం నాటికి మరింత బలహీనపడి, ఆ తర్వాత డిప్రెషన్‌లోకి వెళ్లే అవకాశం ఉందని భారత వాతావరణ శాఖ (IMD) శుక్రవారం తెలిపింది.ఈ తీవ్ర తుపాన్ సౌరాష్ట్ర-కచ్ ప్రాంతంలో కేంద్రీకృతమై ఉందని, ఇది ఈశాన్య దిశగా కదులుతుందని భావిస్తున్నామని ఐఎండీ అధికారులు చెప్పారు. తుపాన్ ప్రభావం వల్ల శుక్రవారం రాజస్థాన్(Rajasthan) రాష్ట్రంలో భారీ వర్షాలు (Heavy Rain Likely)కురిసే అవకాశం ఉందని అధికారులు తెలిపారు.
Cyclone Biparjoy Efect: బిపర్‌జోయ్ విపత్తుతో 22 మందికి గాయాలు, అంధకారంలో 940 గ్రామాలు
‘‘తీవ్ర తుఫాను బిపర్‌జోయ్ శుక్రవారం తెల్లవారుజామున రెండున్నర గంటలకు నాలియాకు ఉత్తరాన 30 కిలోమీటర్ల దూరంలో సౌరాష్ట్ర-కచ్ ప్రాంతంలో కేంద్రీకృతమై ఉంది’’ అని ఐఎండీ ఒక ట్వీట్‌లో పేర్కొంది. తుపాన్ సముద్రం నుంచి భూమికి వచ్చి సౌరాష్ట్ర-కచ్ వైపు కేంద్రీకృతమై ఉందని ఐఎండీ డైరెక్టర్ మృత్యుంజయ్ మహాపాత్ర తెలిపారు. గుజరాత్‌లో విధ్వంసం తర్వాత,బిపర్ జోయ్ తుఫాను రాజస్థాన్‌కు మళ్లింది.
