50 మందితో వెళ్తూ.. రష్యాలో కూలిన అంగారా ఎయిర్‌లైన్స్‌ విమానం.. కాలిపోయిన స్థితిలో శకలాల గుర్తింపు
విమానంలోని వారంతా చనిపోయి ఉంటారని రష్యా అధికారిక చానెల్ ఆర్టీ తెలిపింది.
- Published By: 10TV Digital Team ,Published On : July 24, 2025 / 01:10 PM IST
రష్యాలో అంగారా ఎయిర్‌లైన్స్‌ విమానం కూలింది. ప్రమాద సమయంలో అందులో దాదాపు 50 మంది ఉన్నారు. రష్యా తూర్పు ప్రాంతంలో AN-24 విమానం శకలాలు కాలిపోయిన స్థితిలో కనపడ్డాయి.
ఆ విమానం చైనా సరిహద్దుకు సమీపంలో ఉన్న అమూర్ ప్రాంతంలోని టిండా పట్టణానికి చేరువగా ఉన్న సమయంలో ఏటీసీతో దాని సంబంధాలు తెగిపోయాయి.
Also Read: మనీలాండరింగ్‌ కేసు.. అనిల్ అంబానీ కంపెనీల్లో ఈడీ సోదాలు
అమూర్ గవర్నర్ వాసిలీ ఓర్లోవ్ తెలిపిన వివరాల ప్రకారం.. విమానంలో ఐదుగురు చిన్నారులు, ఆరుగురు సిబ్బంది సహా 43 మంది ప్రయాణికులు ఉన్నారు. టిండాలోని ఎయిర్‌పోర్టులో ఆ విమానం దిగాల్సి ఉండగా, దానికి కొన్ని కిలోమీటర్ల దూరంలో ఉన్న సమయంలో సిగ్నల్స్ రాలేదని అధికారు తెలిపారు.
ప్రస్తుతం ఘటనాస్థలిలో సహాయక చర్యలు కొనసాగుతున్నాయి. మరోవైపు, విమానంలోని వారంతా చనిపోయి ఉంటారని రష్యా అధికారిక చానెల్ ఆర్టీ తెలిపింది.
