వేలల్లో కరోనా మరణాలు.. రహాస్యంగా మరెన్నో.. మృతుల సంఖ్యను సవరిస్తున్న దేశాలు! 

కరోనావైరస్ వ్యాప్తికి సంబంధించి చైనా కేసులను, మరణాల సంఖ్యను ఉద్దేశపూర్వకంగానే తక్కువగా వెల్లడించి ఉంటుందా అని ఇటీవల అమెరికా గూఢాచార సంస్థలు తీవ్రంగా చర్చించాయి. చైనా నుండి వైట్ హౌస్ వరకు covid-19 మూలం వుహాన్ వెట్ మార్కెట్ థియరీని కూడా అనుమానించినట్టు యుఎస్ ఇంటెలిజెన్స్ నివేదికలు సూచిస్తున్నాయి. అమెరికా అధ్యక్షుడు డోనాల్డ్ ట్రంప్, ఫ్రాన్స్‌ అధ్యక్షులు ఇమ్మాన్యుయేల్ మాక్రాన్.. ఈ ఇద్దరు దేశాధినేతలే covid-19 మరణాలపై చైనా నివేదించిన సంఖ్యలను బహిరంగంగానే అనుమానం వ్యక్తం చేశారు.

యుఎస్ ప్రభుత్వంలో చైనాలో కరోనా మృతుల సంఖ్యలపై చర్చ కొనసాగుతుండగా, చైనా గత వారం కోవిడ్ -19 మృతులకు సంబంధించిన గణాంకాలను సవరించింది. కరోనావైరస్ వ్యాప్తికి కేంద్రమైన వుహాన్‌లో సవరించిన మరణాల సంఖ్యలో చైనా 1,290 మందిని చేర్చింది. గతంలో మరణాల సంఖ్య కంటే దాదాపు 50 శాతం ఎక్కువగా ఉంది. ఒక్క వుహాన్ సిటీలో సవరించిన మరణాల సంఖ్య 3,869గా ఉంటే.. చైనాలో మృతుల సంఖ్య 4,632గా నివేదించింది. 

కరోనావైరస్ కేసులు, మరణాలను చైనా తక్కువగా నివేదించినట్టుగా బలపరుస్తోంది. మరణాల గురించి చైనాకు వాస్తవంగా తెలుసా? అనేది ఇంకా తెలియలేదు. ఇతర దేశాల నుండి కూడా మరణాలపై ధృవీకరించే ఆధారాలు ఉన్నాయి. దేశంలోని కరోనావైరస్ ప్రభావిత ప్రాంతాలలో అంత్యక్రియల గృహాల వెలుపల వందలాది మృతదేహాలు పడి ఉన్నాయనే నివేదికల నేపథ్యంలో చైనా మరణ గణాంకాలను సవరించింది.

కోవిడ్ -19 పాజిటివ్ వ్యక్తుల మరణించిన వెంటనే.. సమీప శ్మశానవాటికలో చైనా అంత్యక్రియలు నిర్వహించింది. మరణించిన వారి కుటుంబ సభ్యుల అనుమతి లేకుండానే ఈ అంత్యక్రియలు జరిగినట్టు నివేదికలు చెబుతున్నాయి. కొవిడ్-19 కారణంగా చైనా మరణించిన వారి సంఖ్యను సవరించినట్లే.. యుఎస్, ఇటలీ, స్పెయిన్, యుకె కూడా అధికారిక గణాంకాలను సవరించాయి. కరోనావైరస్ కేసులు, మరణాల ‘అండర్ రిపోర్టింగ్’గా అంగీకరించాయి. 

న్యూయార్క్ నగరం గత వారం తన కరోనావైరస్ మరణాల సంఖ్యను 3,778 కు సవరించింది. ఒకే రోజులో మొత్తం మరణాలను 55 శాతానికి పైగా పెంచింది. ఈ మరణాలు
కోవిడ్ -19 తో ముడిపడి ఉన్నాయని అమెరికన్ అధికారులు తెలిపారు. ఇంతకుముందు, ఇటలీ కరోనావైరస్ కారణంగా మరణించిన వారి సంఖ్య అధికారికంగా నమోదు చేసిన
సంఖ్య కంటే రెట్టింపు కావచ్చు. ఇటలీలోని కరోనావైరస్ కేంద్రంగా ఉన్న లోంబార్డి ఉత్తర ప్రాంతంలోని బెర్గామో ప్రావిన్స్లో.. ఈ నెల ప్రారంభంలో మరణాల సంఖ్యను 2,060కు
సవరించింది. మరణించిన వారి సంఖ్య 4,500గా ఉంది. 

కరోనావైరస్ ప్రభావిత దేశాలు కోవిడ్ -19 కేసులుగా నమోదైన ఆసుపత్రి మరణాల కంటే బయటి మరణాల రేటు పెరిగాయి. ఈ దేశాలలో ఇంట్లో చనిపోతున్న వారిలో ఎక్కువ
మందికి కరోనావైరస్ పరీక్షలు నిర్వహించలేదు. కరోనావైరస్ ప్రభావిత దేశాలలో అధికారులు మరణాల సంఖ్యను పైకి సవరించడానికి ఇది ఒక ప్రధాన అంశం. ఉదాహరణకు,
మాడ్రిడ్‌కు అధికారికంగా మరణించిన వారి సంఖ్య 3,752 అయితే దేశ రాజధానిలో కరోనావైరస్ కారణంగా 7,500 కన్నా తక్కువ మరణించలేదని స్థానిక అధికారులు
చెబుతున్నారు. దేశంలో కరోనావైరస్ సంక్రమణ కారణంగా మరణిస్తున్న వారి సంఖ్య అధికారిక రికార్డుల కంటే 15 శాతం ఎక్కువగా ఉంటుందని UKలోని Office for
National Statistics తెలిపింది. భారతదేశం కూడా ఆసుపత్రులలో జరిగే మరణాలను మాత్రమే లెక్కించే విధానాన్ని అనుసరిస్తోంది. కోవిడ్ -19 కేసులను పరీక్షిస్తుంది.

న్యూయార్క్ 2013, 2017 మధ్య రోజుకు సగటున 35 మరణాలను నివేదించింది. అయితే 2020లో ఈ సంఖ్య 200కు పెరిగిందని అధికారులు స్థానిక మీడియాకు తెలిపారు.
ఏప్రిల్ మొదటి వారంలో, న్యూయార్క్ నగరంలో సగటు రోజువారీ మరణాలు 245 వరకు పెరిగాయి. ఈ మరణాలు ఇప్పుడు కరోనావైరస్ సంక్రమణకు కారణమవుతున్నాయి.
కానీ, కరోనా పరీక్షలు నిర్వహించలేదు. కోవిడ్ -19 కారణంగా మరణించిన వారి సంఖ్య అధికారిక సంఖ్య కంటే రెట్టింపు అవుతుందని కొంతమంది ఆరోగ్య నిపుణులు,
పరిశోధకులతో ఇది కొత్త చర్చకు దారితీసింది. 

మార్చిలో ప్రచురించిన ఒక అధ్యయనం ప్రకారం.. 85 శాతం కరోనావైరస్ ఇన్ఫెక్షన్లు నమోదు చేయడం లేదు. ప్రపంచవ్యాప్తంగా 1.65 లక్షలకు పైగా కరోనాతో  మరణించారు.  భారతదేశంలో 543 మరణాలు నమోదయ్యాయి. ఆసుపత్రులలో, ప్రధానంగా నగరాల్లో జరిగిన మరణాలుగా నమోదయ్యాయి. భారతదేశంలో, ముఖ్యంగా కరోనావైరస్ ప్రభావిత రాష్ట్రాల గ్రామీణ ప్రాంతాల్లో ప్రజలు చనిపోతున్నట్లు బహిరంగంగా డేటా అందుబాటులో లేదని నివేదికలు చెబుతున్నాయి.