Glide Bombs: లక్ష గ్లైడ్ బాంబుల తయారీకి రష్యా ప్లాన్? యుక్రెయిన్ సంచలన ఆరోపణలు..
ఈ బాంబుల వల్ల యుక్రెయిన్‌కు భారీ నష్టం వాటిల్లుతుందని ఆందోళన వ్యక్తం చేశారు.
- Published By: 10TV Digital Team ,Published On : November 15, 2025 / 11:23 PM IST
Glide Bombs: యుక్రెయిన్ సీనియర్ ఇంటెలిజెన్స్ అధికారి రష్యాపై సంచలన ఆరోపణలు చేశారు. తమ దేశంపై దాడి చేసేందుకు రష్యా ఒక లక్ష 20వేల గ్లైడ్ బాంబుల తయారీకి ప్రణాళిక సిద్ధం చేసిందన్నారు. వీటిలో 200 కిలోమీటర్లకు పైగా లక్ష్యాలను చేరుకునే 500 లాంగ్ రేంజ్ వెర్షన్ బాంబులు కూడా ఉన్నట్లు ఆయన తెలిపారు. ఈ బాంబుల వల్ల యుక్రెయిన్‌కు భారీ నష్టం వాటిల్లుతుందని ఆందోళన వ్యక్తం చేశారు.
”ఈ సంవత్సరం రష్యా తన చౌకైన, వినాశకరమైన గ్లైడ్ బాంబులను 1,20,000 వరకు తయారు చేయాలని యోచిస్తోంది. వీటిలో 500 కొత్తవి. ఇవి దీర్ఘ శ్రేణి వెర్షన్. మరిన్ని పట్టణాలు, నగరాలను చేరుకోగలదు. 2022లో యుక్రెయిన్‌పై పూర్తి స్థాయి దాడి తర్వాత రష్యా ఆయుధ ఉత్పత్తిని భారీగా పెంచింది, రక్షణ కర్మాగారాలు 24 గంటలూ పని చేస్తున్నాయి” అని ఉక్రెయిన్ నిఘా సీనియర్ అధికారి ఒకరు తెలిపారు.
గ్లైడ్ బాంబులు.. కొన్నిసార్లు వింగ్స్, మరి కొన్నిసార్లు ఇంజిన్లను ఉపయోగించి కిలోమీటర్ల మేర ఎగిరి తమ లక్ష్యాలను చేరుకుంటాయి. 1,20,000 సంఖ్యలో కొత్త మందుగుండు సామగ్రి, గ్లైడ్‌కు అప్‌గ్రేడ్ చేయబడిన బాంబులు ఉన్నాయి. రష్యన్ దళాలు ప్రతిరోజూ 200 నుండి 250 గ్లైడ్ బాంబులను పేల్చేస్తున్నాయని యుక్రెయిన్ ఆరోపించింది.
“వాటిని కూల్చివేసే అవకాశం ఉంది. కానీ రష్యన్ ఫెడరేషన్‌లో ఉత్పత్తి చేయబడిన ఈ వైమానిక బాంబుల పరిమాణం అపారమైనది. ఇది ఒక ముప్పు. మనం తగిన విధంగా స్పందించాలి” అని యుక్రెయిన్ ఇంటెలిజెన్స్ అధికారి పేర్కొన్నారు.
గతంలో 90 కిలోమీటర్ల వరకు ప్రయోగించే పరిధి కలిగిన ఈ బాంబులు, యుద్ధ విమానాలు యుక్రెయిన్ రక్షణలను ఛేదించగలవు. క్షిపణుల కంటే చాలా చౌక. వందల కిలోగ్రాముల పేలుడు పదార్థాలతో భవనాలు, కోటలను పేల్చగలవు. అవి ఖార్కివ్, ఖెర్సన్ వంటి ఫ్రంట్‌లైన్ నగరాలను ధ్వంసం చేశాయి. 200 కిలోమీటర్ల వరకు ఎగరగల కొత్త గ్లైడ్ బాంబులను రష్యా భారీగా ఉత్పత్తి చేస్తోందని, ఈ సంవత్సరం చివరి నాటికి దాదాపు 500 బాంబులు తయారు చేయాలని యోచిస్తున్నట్లు యుక్రెయిన్ ఆరోపించింది.
Also Read: పాకిస్థాన్ లో పెను సంచలనం.. అసిమ్ మునీర్ కు ప్రమోషన్.. భారీ చిచ్చు..
