St.Javelin Resistance: రష్యా సేనలను మట్టికరిపిస్తున్న యుక్రెయిన్ చేతిలో ఉన్న “ఆ ఆయుధం” ఏమిటి?
"జావెలిన్" అనే చిన్నపాటి "ట్యాంక్ విధ్వంసకర ఆయుధం" యుక్రెయిన్ సైనికుల చేతిలో బ్రహ్మాస్త్రంగా మారింది. అందుకే దీన్ని సెయింట్ జావెలిన్ అంటూ ముద్దుగా పిలుచుకుంటున్నారు
- Published By: 10TV Digital Team ,Published On : February 26, 2022 / 07:05 PM IST
Launcher
St.Javelin Resistance: రష్యా సైన్యం దండయాత్రతో.. గత మూడు రోజులుగా యుక్రెయిన్ దేశంలో యుద్ధ భయానకం కొనసాగుతుంది. రష్యా బలగాలను ఎదుర్కొనేందుకు యుక్రెయిన్ సైన్యం భీకరంగా పోరాడుతుంది. ప్రపంచ దేశాలు మొండిచేయి చూపించినా.. యుక్రెయిన్ సేనలను దేశాధ్యక్షుడు ముందుండి నడిపిస్తూ.. రష్యా సైన్యాన్ని మట్టుపెడుతున్నారు. రష్యా వలె తమ వద్ద అత్యాధునిక ఆయుధాలు, యుద్ధ సంపత్తి లేకపోయినా..ఉన్న చిన్నపాటి ఆయుధాలతోనే వందలాది మంది రష్యా సైనికులను యుక్రెయిన్ దళాలు మట్టుపెడుతున్నాయి. ఇందులో ప్రధానంగా “జావెలిన్” అనే చిన్నపాటి “ట్యాంక్ విధ్వంసకర ఆయుధం” యుక్రెయిన్ సైనికుల చేతిలో బ్రహ్మాస్త్రంగా మారింది. సెయింట్ జావెలిన్ అంటూ ముద్దుగా పిలిచే ఈ మైక్రో మిస్సైల్ లాంచర్ ను ఉపయోగించి రష్యాపై యుక్రెయిన్ పైచేయి సాధిస్తుంది.
ఏమిటీ జావెలిన్?: 1980 చివరలో అమెరికా రక్షణ సంస్థలు రూపొందించిన ఈ తేలికపాటి “యాంటీ ట్యాంక్ మిస్సైల్ లాంచర్” ఆయుధాన్ని..సునాయాసంగా ఎక్కడికైనా మోసుకెళ్లి శత్రు ముకలపై ఎక్కుపెట్టవచ్చు. పైగా ఇందులో మిస్సైల్ ను చొప్పించిన అనంతరం మిల్లీ లాంచర్ అవసరం లేకుండానే ట్రిగ్గర్ సహాయంతో మిస్సైల్ ను పేల్చవచ్చు. సుమారు 50 పౌండ్లు బరువుండే ఈ జావెలిన్ ను “షూట్ అండ్ స్కూట్” మాదిరిగా ఉపయోగిస్తారు సైనికులు. అంటే ఒకసారి లక్ష్యాన్ని గురిపెట్టి మిస్సైల్ ను సంధించిన అనంతరం..జావెలిన్ ను పక్కనపడేసి సైనికులు మరెక్కడైనా దాక్కోవచ్చు. దీంతో శత్రువుల కంటబడకుండా ఒక చోట మరోచోటకు చేరుకోవచ్చు.
Also read: Missile Hits Building : బుద్ధిమార్చుకోని రష్యా.. జనావాసాలపై క్షిపణి దాడి.. వీడియో
యుక్రెయిన్ కు అందివచ్చిన సెయింట్ జావెలిన్: భయంకరమైన రష్యా సైనికులను తిప్పికొట్టేందుకు ప్రస్తుతం యుక్రెయిన్ వద్దనున్న శక్తివంతమైన ఆయుధం ఈ జావెలిన్. అందుకే దీన్ని సెయింట్ జావెలిన్ అంటూ ముద్దుగా పిలుచుకుంటున్నారు యుక్రెయిన్ సైనికులు. రష్యాను ప్రతిఘటించేందుకు జీసస్.. తన అనుచరురాలైన మేరీ మాగ్డలీన్ తో ఈ ఆయుధాన్ని పంపించాడని వారు విశ్వసిస్తున్నారు. అందుకు సంబంధించి మేరీ మాగ్డలీన్.. ఈ సెయింట్ జావెలిన్ క్షిపణి లాంచర్ ను తన ఒడిలో పెట్టుకుని తీసుకొచ్చినట్లుగా చెప్పబడుతున్న ఒక ఫోటో సామాజిక మాధ్యమాల్లో వైరల్ అయింది. 47 మిలియన్ డాలర్ల సైనిక, రక్షణ పరికరాల కొనుగోలులో భాగంగా తొలిసారి 2018లో అమెరికా నుంచి ఉక్రెయిన్ ఈ జావెలిన్ క్షిపణులను కొనుగోలు చేసింది. 2021 చివరిలో రష్యా ఆక్రమణకు ముందు.. పరిస్థితులు వేడెక్కడంతో, రష్యన్ వేర్పాటువాదులపై ఈ జావెలిన్ తోనే యుక్రెయిన్ దాడి చేసింది.
May St. Javelin Guide Them. pic.twitter.com/Wt5aHs1CrX
— Tyrell Mayfield (@TyrellMayfield) February 24, 2022
Also read: Indian in Ukraine: పెంపుడు కుక్క కోసం యుద్ధభూమిలోనే ఉండిపోయిన భారతీయుడు
