ఏపీలో ప్రారంభంకానున్న ప్రజారవాణా, సినిమా హాళ్లు, రెస్టారెంట్లు, విద్యాసంస్థలు

ఏపీలో లాక్ డౌన్ కారణంగా దాదాపు నెలన్నర రోజులుగా అన్నీ మూతపడ్డాయి. విద్యా సంస్థలు, థియేటర్లు,

ఏపీలో లాక్ డౌన్ కారణంగా దాదాపు నెలన్నర రోజులుగా అన్నీ మూతపడ్డాయి. విద్యా సంస్థలు, థియేటర్లు,

ఏపీలో లాక్ డౌన్ కారణంగా దాదాపు నెలన్నర రోజులుగా అన్నీ మూతపడ్డాయి. విద్యా సంస్థలు, థియేటర్లు, రెస్టారెంట్లు క్లోజ్ అయ్యాయి. ప్రజా రవాణ నిలిచిపోయింది. బస్సులు డిపోలకే పరిమితం అయ్యాయి. కాగా, 4వ దశ లాక్ డౌన్ లో కేంద్రం భారీగా సడలింపులు ఇవ్వనున్నట్లు వార్తలు వస్తున్నాయి. దీంతో ఏపీలో విద్యా సంస్థలు, ప్రజా రవాణ, సినిమా హాళ్లు, రెస్టారెంట్లు ప్రారంభించేందుకు ప్రభుత్వం పర్మిషన్ ఇచ్చే అవకాశాలు కనిపిస్తున్నాయి.

లాక్ డౌన్ విరమణ ప్రణాళిక(ఎగ్జిట్ ప్లాన్)లో భాగంగా విద్యాసంస్థలు, ప్రజా రవాణా, సినిమా హాళ్లు, రెస్టారెంట్ ల కార్యకలాపాల్ని తగిన జాగ్రత్తలతో ప్రారంభించేందుకు అవసరమైన ప్రామాణిక నిర్వహణ విధానం(ఎస్ఓపీ) సిద్ధం చేయాలని అధికారులను సీఎం జగన్ ఆదేశించారు. వాటిపై తగిన ప్రణాళికలు రూపొందించి తనకు అందజేయాలని సూచించారు. సొంత రాష్ట్రాలకు కాలినడకన తరలి వెళ్తున్న వలస కార్మికుల దుస్థితిపై సీఎం ఆవేదన వ్యక్తం చేశారు. వారిని స్వస్థలాలకు పంపేందుకు అవసరమైన ఆలోచన చేయాలని, వారికి రహదారి వెంట భోజనం, తాగునీరు అందేలా చూడాలని ఆదేశించారు. కొవిడ్ నివారణ చర్యలపై గురువారం(మే 14,2020) తాడేపల్లిలోని క్యాంపు కార్యాలయంలో ముఖ్యమంత్రి సమీక్షించారు. కంటెయిన్ మెంట్ జోన్లలో అనుసరించాల్సిన వ్యూహంపై అధికారులు ప్రతిపాదనలు అందజేశారు.

మహారాష్ట్ర నుంచి వచ్చినవారిలో ఎక్కువ పాజిటివ్ కేసులు:
రాష్ట్రానికి మహారాష్ట్ర నుంచి వచ్చిన వారిలో కరోనా పాజిటివ్ కేసులు అధికంగా ఉన్నాయని అధికారులు తెలిపారు. ముంబై నుంచి అనంతపురం వచ్చిన వారిలో ఎక్కువ కేసులు బయటపడుతున్నట్టు ముఖ్యమంత్రికి వివరించారు.

జులై 1 నాటికి పీహెచ్ సీల్లో మోటార్ సైకిళ్లు:
టెలీ మెడిసిన్ ను పటిష్ఠంగా అమలు చేసేందుకు జులై 1 నాటికి ప్రతి ప్రాథమిక ఆరోగ్య కేంద్రాని(పీహెచ్ సీ)కి ఒక మోటార్ సైకిల్ ను సమకూర్చాలని సీఎం ఆదేశించారు. అదే రోజు 108, 104 సర్వీసుల కోసం 1,060 అంబులెన్స్ లు ప్రారంభించనున్నట్టు తెలిపారు.

నెలాఖరుకు సీఎం యాప్:
మార్కెట్ ఇంటెలిజెన్స్, వ్యవసాయ ఉత్పత్తుల సేకరణ కోసం రూపొందిస్తున్న సీఎం యాప్ మే 30న రైతు భరోసా కేంద్రాలు ప్రారంభించే నాటికి సిద్ధం చేయాలని ముఖ్యమంత్రి ఆదేశించారు.

Read Here>> ఏపీలో లాక్‌డౌన్ కొత్త గైడ్‌లైన్స్