Earthquake : చంబాలో భూకంపం.. రిక్టర్ స్కేలుపై 5.3గా తీవ్రత నమోదు
Earthquake : మనాలిలో చాలా బలమైన ప్రకంపనలు సంభవించాయని, దాదాపు ఏడు సెకన్ల పాటు భూమి కంపించిందని మనాలి స్థానికుడు ఒకరు చెప్పారు.
- Published By: 10TV Digital Team ,Published On : April 4, 2024 / 11:20 PM IST
5.3 Earthquake Hits Chamba In Himachal Pradesh
Earthquake : హిమాచల్ ప్రదేశ్‌లోని చంబా జిల్లాలో 5.3 తీవ్రతతో భూకంపం సంభవించింది. పట్టణం అంతటా, చంబా పట్టణానికి 350 కిలోమీటర్ల దూరంలో ఉన్న మనాలిలో కూడా బలమైన ప్రకంపనలు సంభవించాయి. రాత్రి 9.30 గంటల ప్రాంతంలో భూకంపం సంభవించినట్లు నేషనల్ సెంటర్ ఫర్ సిస్మోలజీ ధృవీకరించింది.
భూకంపం తీవ్రత రిక్టర్ స్కేలుపై 5.3గా నమోదైనట్టు తెలిపింది. మనాలిలో చాలా బలమైన ప్రకంపనలు సంభవించాయని, దాదాపు ఏడు సెకన్ల పాటు భూమి కంపించిందని మనాలి స్థానికుడు ఒకరు చెప్పారు.
భూమి ఒక్కసారిగా కంపించడంతో ఇళ్లలోని వారంతా భయంతో బయటకు పరుగులు తీశారు. అయితే, జనావాసాలు లేని ప్రాంతాల్లో భూప్రకంపనలు రావడంతో ఇప్పటివరకు ఎలాంటి ప్రాణనష్టం, ఆస్తినష్టం వాటిల్లలేదు.
ఇదిలా ఉండగా, దాదాపు నూట ఇరవై సంవత్సరాల క్రితం ఏప్రిల్ 4, 1905న సంభవించిన విధ్వంసకర భూకంపంతో వేలాది మంది ప్రాణాలు కోల్పోయారు. ఏప్రిల్ 1న, హిమాచల్ ప్రదేశ్‌లోని చమోలీ, లాహౌల్, స్పితిలలో చిన్నపాటి తీవ్రతతో భూకంపాలు సంభవించాయి.
Earthquake of Magnitude:5.3, Occurred on 04-04-2024, 21:34:32 IST, Lat: 33.09 & Long: 76.59, Depth: 10 Km ,Location:Chamba, Himachal Pradesh, India for more information Download the BhooKamp App https://t.co/SYNmt1ew5B @KirenRijiju @Ravi_MoES @Dr_Mishra1966 @ndmaindia… pic.twitter.com/Bc2FRprnWw
— National Center for Seismology (@NCS_Earthquake) April 4, 2024
Read Also : Mosquito Bite : వేసవిలో దోమకాటు నివారణకు 9 అద్భుతమైన ఇంటి చిట్కాలివే!
