శ్రీలంకలో ఇండియన్ జర్నలిస్ట్ అరెస్ట్

శ్రీలంకలో జరిగిన పేలుళ్లపై కవరింగ్ కోసం వెళ్లిన ఢిల్లీకి చెందిన ఫోటో జర్నలిస్టు సిద్దిఖి అహ్మద్ డానిష్‌ ను శ్రీలంక పోలీసులు అరెస్ట్ చేశారు. రాయిటర్స్ న్యూస్ ఏజెన్సీ ఉద్యోగిగా సిద్దిఖి పనిచేస్తున్నాడు. అనుమతి లేకుండా నిగోంబో సిటీలోని ఓ స్కూల్లోకి అధికారులతో మాట్లేందుకు ప్రయత్నించాడని ఆరోపిస్తూ ఆయనను లంక పోలీసులు అరెస్టు చేశారు. ఈస్టర్ రోజు సెయింట్ సెబాస్టియన్ చర్చిలో జరిగిన కాల్పుల్లో ఓ విద్యార్ధి చనిపోయాడనీ.. అతడి గురించి వివరాలు తెలుసుకునేందుకు సిద్దిఖి లోపలికి వెళ్లబోయారని, అనుమతి లేకుండా చొరబాటుకు ప్రయత్నించిన అభియోగాలపై సిద్దిఖి అరెస్ట్ అయ్యారని పోలీసులు తెలిపారు. అనంతరం ఈ నెల 15 వరకు నెగొంబో మేజిస్ట్రేట్ ఆయనకు రిమాండ్ విధించారని అని ఓ పోలీస్ అధికారి తెలిపారు.ఏప్రిల్-21,2019న కొలంబోలో  లగ్జరీ హోటళ్లు, చర్చిలు టార్గెట్ గా ఐసిస్ జరిపిన వరుస బాంబ్ బ్లాస్ట్ లలో 250 మందికి పైగా ప్రాణాలు కోల్పోగా 500మందికి పైగా తీవ్ర గాయాలపాలై హాస్పిటల్ లో ట్రీట్మెంట్ పొందుతున్న విషయం తెలిసిందే.