Rahul Gandhi: నేటి ఈ దుర్భర పరిస్థితికి ప్రధానమంత్రి మాత్రమే బాధ్యత వహిస్తారు.. మోదీపై రాహుల్ విమర్శలు
ప్రజలు నిత్యావసర వస్తువులను కొనుగోలు చేసేముందు కూడా పదిసార్లు ఆలోచించాల్సిన పరిస్థితి నెలకొందని, ఈ పరిస్థితికి కారణం ప్రధాన మంత్రి నరేంద్ర మోదీ మాత్రమేనంటూ రాహుల్ గాంధీ ట్విటర్ వేదికగా తీవ్ర స్థాయిలో విమర్శలు గుప్పించారు.
- Published By: 10TV Digital Team ,Published On : September 4, 2022 / 11:23 AM IST
Rahual Gandi
Rahul Gandhi: ప్రజలు నిత్యావసర వస్తువులను కొనుగోలు చేసేముందు కూడా పదిసార్లు ఆలోచించాల్సిన పరిస్థితి నెలకొందని, ఈ పరిస్థితికి కారణం ప్రధాన మంత్రి నరేంద్ర మోదీ మాత్రమేనని కాంగ్రెస్ సీనియర్ నేత రాహుల్ గాంధీ విమర్శించారు. ఆదివారం ఢిల్లీలోని రాంలీలా మైదానంలో కాంగ్రెస్ పార్టీ ఆధ్వర్యంలో ‘మెహంగాయ్ పర్ హల్లా బోల్’ అనే నినాదంతో ర్యాలీ జరగనుంది. ఈ ర్యాలీకి భారీగా కాంగ్రెస్ శ్రేణులు తరలివచ్చారు. అయితే ప్రభుత్వం తీరుకు వ్యతిరేకంగా చేపట్టిన నిరసన ర్యాలీని రాహుల్ గాంధీ ప్రారంభిస్తారు. మధ్యాహ్న జరిగే సభలో పాల్గొని ప్రసంగిస్తారు.
ర్యాలీలో పాల్గొనే ముందు రాహుల్ గాంధీ ట్విటర్ వేదికగా ప్రధాని నరేంద్ర మోదీపై తీవ్ర స్థాయిలో విమర్శలు చేశారు. రాజు స్నేహితుల సంపాదనలో బిజీగా ఉన్నాడు.. ద్రవ్యోల్బణంతో ప్రజలు బాధపడుతున్నారంటూ మోదీ పాలన తీరుపై రాహుల్ ఆగ్రహం వ్యక్తం చేశారు. నేడు ప్రజలు తమకు కావాల్సినవి కనుక్కోవడానికి కూడా ఒకటికి పదిసార్లు ఆలోచించుకోవాల్సి వస్తోందని, ఈ సమస్యలకు ప్రధానమంత్రి మాత్రమే బాధ్యత వహించాలని అన్నారు. మేము ద్రవ్యోల్బణానికి వ్యతిరేకంగా గొంతులను జోడిస్తామని, రాజు వినాల్సి ఉంటుందని రాహుల్ అన్నారు.
राजा मित्रों की कमाई में व्यस्त
प्रजा महंगाई से त्रस्तआज, लोगों को ज़रूरत का सामान खरीदने से पहले भी दस बार सोचना पड़ रहा है। इन तकलीफों के लिए सिर्फ प्रधानमंत्री ज़िम्मेदार हैं।
हम महंगाई के खिलाफ आवाज़ें जोड़ते जाएंगे, राजा को सुनना ही पड़ेगा।#महंगाई_पर_हल्ला_बोल_रैली
— Rahul Gandhi (@RahulGandhi) September 4, 2022
సెప్టెంబర్ 7న రాహుల్ గాంధీ ప్రారంభించనున్న కన్యాకుమారి నుంచి కాశ్మీర్ వరకు 3,500కి.మీ మేర సాగే కాంగ్రెస్ భారత్ జోడో యాత్రకు ‘మెహంగాయ్ పర్ హల్లా బోల్’ ర్యాలీ నాంది. రాహుల్ గాంధీ ఆగస్టు చివరి వారం నుంచి ప్రియాంక గాంధీ వాద్రా, పార్టీ అధ్యక్షురాలు సోనియా గాంధీతో కలిసి ఇటలీలో ఉన్నారు. సోనియాగాంధీ తల్లి ఆగస్టు 27న కన్నుమూశారు.
