IPL 2023: అర్ధశతకాలతో రాణించిన నితీశ్ రాణా, రింకూ సింగ్‌.. చెన్నై పై కోల్‌క‌తా విజ‌యం
చెన్నై సూప‌ర్ కింగ్స్‌తో జ‌రిగిన మ్యాచ్‌లో కోల్‌క‌తా నైట్ రైడ‌ర్స్ విజ‌యం సాధించింది. ల‌క్ష్యాన్ని కోల్‌క‌తా 18.3 ఓవ‌ర్ల‌లో 4 వికెట్లు కోల్పోయి ఛేదించింది.
- Published By: 10TV Digital Team ,Published On : May 14, 2023 / 11:14 PM IST
KKR Win
CSK vs KKR: చెన్నై సూప‌ర్ కింగ్స్‌తో జ‌రిగిన మ్యాచ్‌లో కోల్‌క‌తా నైట్ రైడ‌ర్స్ విజ‌యం సాధించింది. ల‌క్ష్యాన్ని కోల్‌క‌తా 18.3 ఓవ‌ర్ల‌లో 4 వికెట్లు కోల్పోయి ఛేదించింది. దీంతో ఆరు వికెట్ల తేడాతో కోల్‌క‌తా గెలుపొందింది. 33 ప‌రుగుల‌కే మూడు వికెట్లు కోల్పోయిన కోల్‌క‌తాను రింకూ సింగ్‌(54; 43 బంతుల్లో 4 ఫోర్లు, 3 సిక్స‌ర్లు), నితీశ్ రాణా(57నాటౌట్; 44 బంతుల్లో 6 ఫోర్లు 1 సిక్స్‌) అర్ధశతకాలతో ఆదుకున్నారు. వీరిద్ద‌రు నాలుగో వికెట్‌కు 99 ప‌రుగులు జోడించారు. జేస‌న్ రాయ్‌(12), ర‌హ్మానుల్లా గుర్బాజ్(1), వెంక‌టేశ్ అయ్య‌ర్‌(9) లు విఫ‌లం అయ్యారు. చెన్నై బౌల‌ర్ల‌లో దీప‌క్ చాహ‌ర్ మూడు వికెట్లు ప‌డ‌గొట్టాడు.
IPL 2023:చెన్నై పై కోల్‌క‌తా విజ‌యం
అంత‌క‌ముందు మొద‌ట బ్యాటింగ్ చేసిన చెన్నై సూప‌ర్ కింగ్స్ నిర్ణీత 20 ఓవ‌ర్ల‌లో 6 వికెట్ల న‌ష్టానికి 144 ప‌రుగులు చేసింది. 72 ప‌రుగుల‌కే ఐదు వికెట్లు కోల్పోయి క‌ష్టాల్లో ప‌డిన చెన్నైను శివ‌మ్ దూబే(48 నాటౌట్; 34 బంతుల్లో 1 ఫోర్‌, 3సిక్స‌ర్లు) ఆదుకున్నాడు. మిగిలిన వారిలో డెవాన్ కాన్వే(30; 28 బంతుల్లో 3 ఫోర్లు) ప‌ర్వాలేద‌నిపించ‌గా రుతురాజ్ గైక్వాడ్(17), అజింక్యా ర‌హానే(16), అంబ‌టి రాయుడు(4), మొయిన్ అలీ(1) లు విఫ‌లం అయ్యారు. వ‌రుణ్ చ‌క్ర‌వ‌ర్తి, సునీల్ న‌రైన్‌లు చెరో రెండు వికెట్లు తీయ‌గా శార్దూల్ ఠాకూర్, వైభవ్ అరోరా ఒక్కొ వికెట్ ప‌డ‌గొట్టారు.
IPL 2023: ప్రీతీ జింటా చేసిన ప‌నికి షాకైన శ‌త‌క వీరుడు ప్రభ్‌సిమ్రాన్ సింగ్‌
