Travis Head : ట్రావిస్ హెడ్ అరుదైన ఘ‌న‌త.. వ‌న్డేల్లో ఒకే ఒక్క ఆసీస్ ఆట‌గాడు..

ఆస్ట్రేలియా విధ్వంస‌క‌ర ఓపెన‌ర్ ట్రావిస్ హెడ్ (Travis Head) అరుదైన ఘ‌న‌త సాధించాడు.

Travis Head Creates history Fewest innings to 3000 ODI runs for Australia

Travis Head : ఆస్ట్రేలియా విధ్వంస‌క‌ర ఓపెన‌ర్ ట్రావిస్ హెడ్ అరుదైన ఘ‌న‌త సాధించాడు. వ‌న్డే క్రికెట్‌లో మూడు వేల ప‌రుగుల మైలురాయిని చేరుకున్నాడు. సిడ్నీ వేదిక‌గా భార‌త్‌తో మూడో వ‌న్డే మ్యాచ్‌లో వ్య‌క్తిగ‌త స్కోరు 22 ప‌రుగుల వ‌ద్ద అత‌డు ఈ మైలురాయిని అందుకున్నాడు. ఈ క్ర‌మంలో అత‌డు అతి త‌క్కువ ఇన్నింగ్స్‌లో 3వేల వ‌న్డే ప‌రుగులు సాధించిన ఆస్ట్రేలియా ఆట‌గాడిగా చ‌రిత్ర సృష్టించాడు.

ఈ క్ర‌మంలో అత‌డు స్టీవ్ స్మిత్ ను అధిగ‌మించాడు. వ‌న్డేల్లో 79 ఇన్నింగ్స్‌ల్లో స్మిత్ 3 వేల ప‌రుగులు చేయ‌గా.. హెడ్ (Travis Head ) కేవ‌లం 76 ఇన్నింగ్స్‌ల్లోనే ఈ ఘ‌న‌త అందుకున్నాడు.

వ‌న్డేల్లో అతి త‌క్కువ ఇన్నింగ్స్‌ల్లో 3వేల ప‌రుగులు చేసిన ఆసీస్ ప్లేయ‌ర్లు వీరే..

* ట్రావిస్ హెడ్ – 76 ఇన్నింగ్స్‌ల్లో
* స్టీవ్ స్మిత్ – 79 ఇన్నింగ్స్‌ల్లో
* మైఖేల్ బెవాన్ – 80 ఇన్నింగ్స్‌ల్లో
* జార్జ్ బెయిలీ – 80 ఇన్నింగ్స్‌ల్లో
* డేవిడ్ వార్న‌ర్ – 81 ఇన్నింగ్స్‌ల్లో

Womens World Cup 2025 : సెమీస్ చేరుకున్న భార‌త్‌.. ప్ర‌త్య‌ర్థి ఎవ‌రో తెలుసా?

బంతుల ప‌రంగా నాలుగో స్థానంలో..

ఇక ఓవ‌రాల్‌గా బంతుల ప‌రంగా వ‌న్డేల్లో అత్యంత వేగంగా 3వేల ప‌రుగులు చేసిన ఆట‌గాళ్ల జాబితాలో నాలుగో స్థానంలో నిలిచాడు ట్రావిస్ హెడ్‌. ఈ జాబితాలో ఆసీస్ ఆట‌గాడు గ్లెన్ మాక్స్‌వెల్ తొలి స్థానంలో ఉన్నాడు. ఆ త‌రువాత స్థానాల్లో ఇంగ్లాండ్ ఆట‌గాళ్లు జోస్ బ‌ట్ల‌ర్‌, జేస‌న్ రాయ్ లు ఉన్నారు.

వ‌న్డేల్లో బంతుల ప‌రంగా అత్యంత వేగంగా మూడు వేల ప‌రుగులు చేసిన ఆట‌గాళ్లు..

* గ్లెన్ మాక్స్‌వెల్ – 2440 బంతుల్లో
* జోస్ బ‌ట్లర్ – 2533 బంతుల్లో
* జేస‌న్ రాయ్ -2820 బంతుల్లో
* ట్రావిస్ హెడ్ – 2839 బంతుల్లో
* జానీ బెయిర్ స్టో – 2842 బంతుల్లో

WTC Points Table 2027 : ఒక్క మ్యాచ్‌తో రెండు నుంచి ఐదుకు పాక్‌.. డ‌బ్ల్యూటీసీ పాయింట్ల ప‌ట్టిక‌లో మెరుగైన భార‌త స్థానం..

ఇక ఈ మ్యాచ్‌లో ట్రావిస్ హెడ్ 25 బంతులు ఎదుర్కొన్నాడు. 6 ఫోర్ల సాయంతో 29 ప‌రుగులు చేసి సిరాజ్ బౌలింగ్‌లో ప్ర‌సిద్ధ్ కృష్ణ క్యాచ్ అందుకోవ‌డంతో పెవిలియ‌న్‌కు చేరుకున్నాడు.