Online PAN Card Fraud : పాన్ కార్డు స్కామ్‌లతో జాగ్రత్త.. ఈ మోసాల బారిన పడితే ఎలా గుర్తించాలి? ఎవరికి రిపోర్టు చేయాలంటే?
Online PAN Card Frauds : పాన్ కార్డ్ స్కామ్ అంటే ఏమిటి? దాన్ని ఎలా గుర్తించాలి? మీరు ఎప్పుడైనా ఇలాంటి సంఘటనకు గురైతే దాన్ని ఎలా రిపోర్టు చేయొచ్చు అనే విషయాలను ఇప్పుడు తెలుసుకుందాం.
- Published By: 10TV Digital Team ,Published On : June 26, 2024 / 08:19 PM IST
Online PAN card frauds are on the rise ( Image Source : Google )
Online PAN Card Frauds : పాన్ కార్డ్ స్కామ్ గురించి ఎప్పుడైనా విన్నారా? కొన్నేళ్లుగా ఈ పాన్ కార్డుతో జరిగే మోసాల సంఖ్య భారీగా పెరుగుతోంది. అమాయక ప్రజలను మోసం చేసి పాన్ కార్డు ద్వారా విలువైన సమాచారంతో పాటు నగదును దోచుకుంటున్నారు సైబర్ నేరగాళ్లు. ఆర్థిక నష్టంతో పాటు బాధితుడికి చట్టపరమైన చిక్కులు కూడా కలిగే ప్రమాదం ఉంది. గత కొన్నేళ్లుగా, పాన్‌కార్డులతో లక్షల నగదును కొల్లగొట్టిన ఘటనలు అనేకం వెలుగులోకి వచ్చాయి.
గత 2022లో నటుడు రాజ్‌కుమార్ రావు తన పేరు మీద రుణం తీసుకునే క్రమంలో తన పాన్ కార్డును దుర్వినియోగానికి గురైందని వెల్లడించారు. గత ఏడాది నటి నగ్మా మొరార్జీ పాన్‌ను అప్‌డేట్ చేశారనే తప్పుడు సాకుతో లక్షల రూపాయలు పోగొట్టుకున్నారు. కొన్ని సంవత్సరాల క్రితం.. హ్యాకర్లు ప్రత్యేకంగా పాన్ కార్డ్ స్కామ్ ద్వారా ఎస్బీఐ వినియోగదారులను లక్ష్యంగా చేసుకున్నారు. ఇప్పుడు ఐటీఆర్ 2023-24 ఫైలింగ్ తేదీలు దగ్గర పడుతుండటంతో ఈ పాన్ కార్డు మోసాలు మరోసారి వెలుగులోకి వస్తున్నాయి.
Read Also : Realme P1 Pro Sale : కొత్త ఫోన్ కొంటున్నారా? రియల్‌మి పి1 ప్రో సేల్ మొదలైందోచ్.. ఈ స్పెషల్ ధర ఎంతో తెలుసా?
ఇలాంటి స్కామ్‌ల బారిన పడటం చాలా తేలికే అయినప్పటికీ, వ్యక్తిగత సమాచారాన్ని షేర్ చేసేటప్పుడు కొన్ని ప్రాథమిక విషయాల గురించి జాగ్రత్తగా వహించాలి. తద్వారా అలాంటి మోసాలను చాలా వరకు నివారించవచ్చు. పాన్ కార్డ్ స్కామ్ అంటే ఏమిటి? దాన్ని ఎలా గుర్తించాలి? మీరు ఎప్పుడైనా ఇలాంటి సంఘటనకు గురైతే దాన్ని ఎలా రిపోర్టు చేయొచ్చు అనే విషయాలను ఇప్పుడు తెలుసుకుందాం.
పాన్ కార్డ్ స్కామ్ అంటే ఏమిటి? :
పాన్ కార్డ్ స్కామ్ అనేది ఒక వ్యక్తి పాన్ (PAN) కార్డ్‌ని దుర్వినియోగం చేస్తుంది. భారత్‌లో పన్ను ప్రయోజనాల కోసం పాన్ కార్డు గుర్తింపుగా పనిచేస్తుంది. ఐడెంటిటీ థెఫ్ట్, బ్యాంకు అకౌంట్లను ఓపెన్ చేయడం, రుణాలు పొందడం, అనధికారిక లావాదేవీలు చేయడం లేదా ఫేక్ పన్ను రిటర్న్‌లను దాఖలు చేయడం వంటి చట్టవిరుద్ధమైన కార్యకలాపాలను నిర్వహించడానికి మోసగాళ్లు మీ పాన్ కార్డ్ వివరాలను దొంగిలించవచ్చు. బాధితులకు ఆర్థిక నష్టం, చట్టపరమైన చిక్కులను కలిగిస్తాయి. దుర్వినియోగాన్ని నివారించడానికి వెంటనే సంబంధిత అధికారులకు రిపోర్టు చేయడం చాలా ముఖ్యం.
పాన్ కార్డ్ స్కామ్‌ను ఎలా గుర్తించాలి?
మీ పాన్ కార్డ్ దుర్వినియోగం అయిందో లేదో చూడటానికి మీరు ఏవైనా అసాధారణమైన లేదా అనధికారిక యాక్సస్ పొందినట్టు గుర్తిస్తే.. మీ ఆర్థిక, పన్ను కార్యకలాపాలను ట్రాక్ చేయవచ్చు. వెంటనే చెక్ చేయవచ్చు. మీరు ఈ కింది విధంగా జాగ్రత్తలు తీసుకోవాలి.
- మీ క్రెడిట్ రిపోర్టు చెక్ చేయండి : ఏదైనా తెలియని అకౌంట్లు లేదా రుణాల కోసం మీ క్రెడిట్ రిపోర్టును క్రమం తప్పకుండా రివ్యూ చేయండి.
- బ్యాంక్ స్టేట్‌మెంట్‌లను పర్యవేక్షించండి : అనధికార లావాదేవీలు లేదా మీ పేరు మీద తెరిచిన అకౌంట్ల కోసం చూడండి.
- పన్ను ఫైలింగ్‌లు : మీ పన్ను రిటర్న్‌లు మీ వాస్తవ ఆదాయానికి సరిపోతాయని, వ్యత్యాసాలు లేవని ధృవీకరించండి.
- బ్యాంకులు లేదా పన్ను అధికారుల నుంచి హెచ్చరికలు : అనుమానాస్పద కార్యకలాపాలకు సంబంధించి ఏవైనా హెచ్చరికలు లేదా నోటిఫికేషన్‌ల పట్ల జాగ్రత్తగా ఉండండి
- అధికారిక కమ్యూనికేషన్ : ఏదైనా అనుమానాస్పద యాక్టివిటీ గురించి ఆర్థిక సంస్థలు లేదా పన్ను అధికారుల ఫోన్ కాల్స్ విషయంలో అప్రమత్తంగా ఉండండి.
- మీరు ఏదైనా అనుమానాస్పద యాక్టివిటీని గమనించినట్లయితే.. సంబంధిత అధికారులకు వెంటనే రిపోర్టు చేయండి.
పాన్ కార్డ్ స్కామ్‌ను ఎలా రిపోర్టు చేయాలి? :
మీ పాన్ కార్డ్ దుర్వినియోగం అయిందని మీరు అనుమానించినట్లయితే.. స్కామ్ గురించి రిపోర్టు చేయడానికి మీరు ఈ కింది విధంగా ప్రయత్నించాలి.
పోలీసులకు ఫిర్యాదు చేయండి : మీ పాన్ కార్డ్ దుర్వినియోగానికి సంబంధించి ఎఫ్ఐఆర్ నమోదు చేయడానికి మీ సమీప పోలీస్ స్టేషన్‌ను సందర్శించండి.
మీ బ్యాంక్‌కు తెలియజేయండి : ఏదైనా అనధికార లావాదేవీలు లేదా అకౌంట్లు, మీ పాన్ కార్డ్‌కి లింక్ చేస్తే మీ బ్యాంక్‌కి తెలియజేయండి.
ఆదాయపు పన్ను శాఖను సంప్రదించండి : మీరు వెంటనే ఆదాయపు పన్ను శాఖను సంప్రదించాలి. మీరు ఆన్‌లైన్, ఆఫ్‌లైన్‌లో చేయవచ్చు.
ఆన్‌లైన్‌లో ఫిర్యాదు చేయడానికి.. ఆదాయపు పన్ను శాఖ వెబ్‌సైట్‌ను విజిట్ చేయండి. ఇ-ఫైలింగ్ పోర్టల్ ద్వారా ఫిర్యాదును సమర్పించండి. ఆఫ్‌లైన్‌లో దుర్వినియోగాన్ని వివరిస్తూ అధికార పరిధి అసెస్సింగ్ ఆఫీసర్ (AO)కి ఫిర్యాదు చేయొచ్చు. మీ ఎఫ్ఐఆర్ కాపీని చేర్చవచ్చు.
