జీహెచ్ఎంసీ ఎన్నికలు : పోలింగ్ ఏజెంట్ల నియామకానికి నిబంధనలు
- Published By: 10TV Digital Team ,Published On : November 27, 2020 / 09:07 PM IST
GHMC Elections Polling Agents : గ్రేటర్‌ హైదరాబాద్‌ మున్సిపల్ ఎన్నికల్లో పోలింగ్ ఏజెంట్ల నియామకానికి నిబంధనలు విడుదలయ్యాయి. ఈ మేరకు జీహెచ్ఎంసీ ఎన్నికల అధికారి లోకేశ్‌ కుమార్‌ శుక్రవారం (నవంబర్ 27, 2020) నిబంధనలు విడుదల చేశారు. డిసెంబర్ 1, 2020న ఎన్నికలకు పోలింగ్ జరుగనుంది. డిసెంబర్ 3న అవసరమైన చోట్ల రీపోలింగ్ నిర్వహిస్తారు. డిసెంబర్ 4న కౌటింగ్, అనంతరం ఫలితాలను వెల్లడిస్తారు.
– పోలింగ్ ఏజెంట్‌ అదే ప్రాంత ఓటరు కార్డు కలిగి ఉండాలి
– పోలింగ్ కేంద్రం వద్ద అభ్యర్థి ఒక బ్యానర్‌ ఏర్పాటుకు అనుమతి
-అభ్యర్థి పేరు, పార్టీ పేరు, ఎన్నికల చిహ్నంతో కూడిన బ్యానర్‌ ఏర్పాటుకు అనుమతి
– బూత్‌ల ఏర్పాటు కోసం అధికారుల రాతపూర్వక అనుమతి పొందాలి
– బూత్‌లు నిర్వహించే వ్యక్తులు అనుమతి పత్రాలు చూపాలి
– పోలింగ్ రోజున కేంద్రానికి వంద మీటర్ల పరిధిలో ప్రచారం చేయకూడదు
– పోలింగ్ కేంద్రానికి 100 మీటర్లు పరిధిలో చరవాణులకు అనుమతి లేదు
– పోలింగ్ రోజున అభ్యర్థి వార్డు పరిధిలో తిరిగేందుకు ఒక వాహనానికి అనుమతి
– అభ్యర్థుల ఏజెంట్లు, కార్యకర్తల వాహనాలకు అనుమతి లేదు
– అభ్యర్థి పేరుతో ఉన్న వాహనాన్ని ఇతరులు వాడేందుకు అనుమతి లేదు
– పోలింగ్ రోజున ఓటర్లను వాహనాల ద్వారా తరలించడం నేరం
