Delivery Boy: తండ్రికి యాక్సిడెంట్.. అతడి స్థానంలో ఫుడ్ డెలివరీ చేస్తున్న ఏడేళ్ల కొడుకు
ప్రమాదానికి గురైన తండ్రి స్థానంలో పనిచేస్తున్నాడో ఏడేళ్ల బాలుడు. రోజూ ఉదయం, సాయంత్రం సైకిల్పైనే తిరుగుతూ కస్టమర్లకు ఫుడ్ డెలివరీ చేస్తున్నాడు. కష్టపడి పనిచేసే చాలా మందికి స్ఫూర్తిగా నిలుస్తున్నాడు.
Delivery Boy: ఏడేళ్ల వయసులోనే తలకు మించిన బాధ్యతను మోస్తున్నాడో బాలుడు. తండ్రి ప్రమాదానికి గురై ఇంట్లో ఉంటే.. అతడి స్థానంలో పనిచేస్తూ, కుటుంబాన్ని పోషిస్తున్నాడు. ప్రస్తుతం ఈ బాలుడికి సంబంధించిన అంశం సోషల్ మీడియాలో వైరల్గా మారింది. తండ్రిగా అండగా నిలబడటంతోపాటు, కుటుంబాన్ని పోషిస్తున్నందుకు నెటిజన్లు ఆ బాలుడ్ని ప్రశంసిస్తున్నారు.
రాహుల్ మిట్టల్ అనే సామాజిక కార్యకర్త తన ట్విట్టర్ అకౌంట్ ద్వారా ఈ వివరాల్ని షేర్ చేశారు. అయితే, బాలుడికి సంబంధించిన పేరు, ఇతర వివరాలు వెల్లడించలేదు. రాహుల్ ట్విట్టర్ ప్రకారం.. ఏడేళ్ల ఒక బాలుడి తండ్రికి ఇటీవల యాక్సిడెంట్ జరిగింది. అతడి తండ్రి జొమాటో డెలివరీ బాయ్గా పని చేసేవాడు. కానీ, ప్రస్తుతం అతడు ఫుడ్ డెలివరీ చేసే అవకాశం లేకుండా పోయింది. దీంతో అతడి ఏడేళ్ల కొడుకు ఆ బాధ్యత తీసుకున్నాడు. ఉదయం పూట స్కూల్కు వెళ్లడానికి ముందు, స్కూల్ ముగిసిన తర్వాత సాయంత్రం ఆరు గంటల నుంచి రాత్రి పదకొండు గంటల వరకు బాలుడు జొమాటో ఫుడ్ డెలివరీ చేస్తున్నాడు. అది కూడా సైకిల్పై తిరుగుతూ. తన తండ్రి కోలుకునేంత వరకు ఈ పని చేయనున్నట్లు బాలుడు చెప్పాడు.
Haryana: కూతురుకు కోవిడ్ వ్యాక్సిన్ ఇచ్చినందుకు వైద్య సిబ్బందిపై తండ్రి దాడి
తండ్రి అకౌంట్ నుంచి బాలుడు ఫుడ్ డెలివరీ చేస్తున్నాడు. బాలుడు ఫుడ్ డెలివరీ చేస్తున్న దృశ్యాన్ని రాహుల్ తన ట్విట్టర్ అకౌంట్లో ట్వీట్ చేశాడు. ప్రస్తుతానికి దీనికి నెటిజన్ల నుంచి మంచి స్పందన వస్తోంది. బాలుడి కష్టాన్ని నెటిజన్లు ప్రశంసిస్తున్నారు. తన తండ్రి త్వరగా కోలుకుని, బాలుడు చదువుపై దృష్టి పెట్టాలని కోరుతున్నారు.
This 7 year boy is doing his father job as his father met with an accident the boy go to school in the morning and after 6 he work as a delivery boy for @zomato we need to motivate the energy of this boy and help his father to get into feet #zomato pic.twitter.com/5KqBv6OVVG
— RAHUL MITTAL (@therahulmittal) August 1, 2022