Rafele Fighter Jets: ఐఏఎఫ్ ఖాతాలో మరో మూడు రాఫెల్ యుద్ధ విమానాలు

ఇండియన్ ఎయిర్ ఫోర్స్‌ ఖాతాలో మరో మూడు రాఫెల్ యుద్ధ విమానాలు వచ్చి చేరాయి. Istres-Le Tube ఎయిర్‌బేస్ వద్ద ఈ యుద్ధ విమానాలను భారత్‌కు అప్పగించింది ఫ్రాన్స్.

Rafele Fighter Jets: ఇండియన్ ఎయిర్ ఫోర్స్‌ ఖాతాలో మరో మూడు రాఫెల్ యుద్ధ విమానాలు వచ్చి చేరాయి. మార్సీల్లె కు వాయువ్య దిశలో ఉన్న Istres-Le Tube ఎయిర్‌బేస్ వద్ద ఈ యుద్ధ విమానాలను భారత్‌కు అప్పగించింది ఫ్రాన్స్. ఫిబ్రవరి 15 నుంచి 20 మధ్య సమయంలో మంచి అవకాశం చూసి ఇండియాకు తీసుకురానున్నారు. ఫిబ్రవరి 15, 16తేదీల్లోనే తీసుకురావాలని అధికారులు ప్లాన్ చేస్తున్నట్లు సమాచారం.

గాల్లోకి ఎగిరిన తర్వాత యునైటెడ్ అరబ్ ఎమిరేట్స్‌కు చెందిన ఎయిర్ బస్ మల్టీ రోల్డ్ ట్రాన్స్‌పోర్ట్ ట్యాంకర్స్ సహకారంతో ఇండియన్ ఎయిర్‌ఫోర్స్ రీఫ్యూయెలింగ్ చేపడుతుంది. ఈ మూడు యుద్ధ విమానాలను భారత్ చెప్పినట్లుగా రూపొందించి.. శత్రువులపై పోరాడేందుకు మరింత పటిష్ఠంగా తీర్చిదిద్దారు.

చివరి నాల్గింటిలో మూడు పంపగా ఆఖరిదైన యుద్ధ విమానానికి ఫ్రెష్ పెయింట్, మరికొన్ని తుది మెరుగులు దిద్దాల్సి ఉంది. సుమారుగా ఏప్రిల్ లో దీనిని అప్పగిస్తారని కొన్ని వర్గాలు చెబుతున్నాయి.

Read Also : కేంద్ర బడ్జెట్ చాలా దారుణంగా ఉంది : సీఎం కేసీఆర్

సుమారు రూ.58వేల కోట్ల వ్యయంతో 36 రాఫెల్‌ జెట్లను కొనుగోలు చేసుకునేందుకు భారత్‌ 2016 సెప్టెంబర్‌లో ఫ్రాన్స్‌తో ఒప్పందం చేసుకున్న విషయం తెలిసిందే.