ట్రంప్ vs బైడన్: ఎవరు గెలిస్తే ఇండియాకు లాభం?
- Published By: sreehari ,Published On : September 29, 2020 / 05:37 PM IST
Trump vs Biden 2020 Presidential Debate: ఇంతకీ భారతీయుల మద్దతు ఎవరికి? వరస వైఫల్యాలను ట్రంప్ అధిగమించగలరా? ఫెయిల్యూర్స్‌ని మించిన సక్సెస్ టీకాతో సాధించగలరా?
అంతంత మాత్రంగా ఉన్న ట్రంప్ ఇమేజ్ఈ ఏడాదిలో కరోనా విజృంభణతో పూర్తిగా డ్యామేజైంది.అంతకు ముందే అమెరికా ఫస్ట్ నినాదంతో తీసుకున్న చర్యలు 2018 నుంచి అమెరికాలో స్థిరపడిన ఇతర వారికి కోపం తెప్పించింది.దాని తర్వాత పెరిగిపోతున్న నిరుద్యోగాన్ని ట్రంప్ మేనేజ్ చేయలేకపోయారంటారు
కరోనా వైరస్ తాండవంతో రెండులక్షలమంది ప్రాణాలు కోల్పోవాల్సి వచ్చింది. ఇంకా ఈ మరణమృదంగం మోగుతూనే ఉంది.
అవసరమైన సమయంలో స్పందించకపోవడంతో పాటు, మంచి ఎండింగ్ ఇస్తామంటూ బీరాలు పలికిన ట్రంప్ ఆ తర్వాత పూర్తిగా చేతులెత్తేశారు. కొన్ని సార్లు రాష్ట్రాల గవర్నర్లపై ఆ తప్పిదాన్ని తోశారు. ఆ తర్వాత చైనా చేసిన పాపం అంటూ తన వైఫల్యాన్ని కప్పి పుచ్చే ప్రయత్నం చేశారు. ఇదే డెమోక్రటిక్ అభ్యర్ధి జో బైడెన్‌కి బాగా కలిసి వచ్చింది.
సింపుల్‌గా ట్రంప్ చేసిందేంటో చేయనదేంటో ఓటర్లకి వివరించడంతో పాటు, సుతిమెత్తని విమర్శలు చేస్తూ దూసుకుపోతున్నారు బైడెన్. రెండులక్షల ప్రాణాలు కోల్పోవడానికి ట్రంప్ కారకులయ్యారంటూ దుమ్మెత్తి పోస్తున్నారు. ఇదే ఆయన పాపులారిటీ బాగా పెరిగిపోవడానికి దోహదపడుతోంది
ఇక కరోనా కారణంగా అన్ని రాష్ట్రాల్లో విస్త్రతంగా పర్యటించలేని జో బైడెన్ Presidential Debateని పూర్తిగా
తన ప్రచార కార్యక్రమంగా మార్చేస్తారనడంలో సందేహం లేదంటున్నారు. ఓ వైపు ట్రంప్ వైఫల్యాలపై విమర్శలు
గుప్పిస్తూనే మరోవైపు అధ్యక్షపదవికి తన అర్హతలను వివరించబోతున్నారు.
