Stomach Acid Reflux : పొట్టలో గ్యాస్, మంటలకు యాసిడ్ రిఫ్లక్స్ కారణమా? దీనిని నివారించాలంటే !

యాసిడ్ రిఫ్లక్స్ సమస్యలు ఉత్పన్నం కాకుండా ఉండాలంటే అధిక ఆమ్ల ఆహారాలను అతిగా తీసుకోవటం మంచిదికాదు. టమోటాలు, నారింజ, నిమ్మ, ద్రాక్షపండు, జున్ను, నెయ్యి, కూరగాయల నూనెలు, వెన్న వంటి అధిక కొవ్వు ఆహారాన్ని నివారించాలి. చక్కెర, కృత్రిమ స్వీటెనర్ లేదా ట్రాన్స్ ఫ్యాట్ ఉన్న ఆహారం, పానీయాలను తాగరాదు.

Stomach Acid Reflux : పొట్టలో యాసిడ్ రిఫ్లక్స్ కారణంగా అనేక సమస్యలు ఉత్పన్నం అవుతుంటాయి. వాటిలో గుండెల్లో మంటగా అనిపించటం, గ్యాస్ కారణంగా పొట్ట ఉబ్బరంగా ఉండటం వంటి లక్షణాలు కనిపిస్తాయి. వైద్యపరంగా గ్యాస్ట్రోఎసోఫాగియల్ రిఫ్లక్స్ డిసీజ్ అని పిలుస్తారు. యాసిడ్ రిఫ్లక్స్ సమస్య 35-50 సంవత్సరాల మధ్య శరీరంలో కనిపిస్తుంది. జీవనశైలి, ఆహారపు అలవాట్ల కారణంగా ప్రస్తుతం చిన్నవయస్సు వారిలో కూడా ఈ సమస్య వస్తుంది.

యాసిడ్ రిఫ్లక్స్ సమస్యకు అనేక కారణాలు ఉన్నాయని నిపుణులు చెబుతున్నారు. అతి వేగంగా తినడం, అతిగా తినడం, ట్రాన్స్-ఫ్యాట్ ఉత్పత్తులను తినడం, దీర్ఘకాలిక ఒత్తిడి, గర్భం, ధూమపానం, మద్యం, కెఫిన్ విస్తృత వినియోగం, వృద్ధాప్యం వంటి కారణాలతోపాటుగా వ్యక్తి యొక్క ఆహారపు అలవాట్లు కడుపు ఉత్పత్తి చేసే యాసిడ్ పరిమాణాన్ని నిర్ణయిస్తాయి.

శరీరంలోని యాసిడ్ రిఫ్లక్స్‌ను తగ్గించడానికి సరైన ఆహారం తీసుకోవటం కూడా కీలకమని పోషకాహార నిపుణులు చెబుతున్నారు. ఇందుకోసం ఆహారంగా వోట్మీల్, ఆకుపచ్చ కూరగాయలు, వంటి ఆహారాన్ని తీసుకోవాలి. P.H స్థాయి 7 కంటే తక్కువ ఉన్న ఆహారాన్ని తీసుకోవాలి. అరటి, పుచ్చకాయ, బ్లూబెర్రీస్, ఆపిల్, మొక్కజొన్న, కాల్చిన మాంసాహార ఆహారం, చికెన్, చేపలు, డ్రై ఫ్రూట్స్ తీసుకోవాలి. అవి శరీరానికి అవసరమైన ముఖ్యమైన నూనెలను కలిగి ఉంటాయి.

యాసిడ్ రిఫ్లక్స్ సమస్యలు ఉత్పన్నం కాకుండా ఉండాలంటే అధిక ఆమ్ల ఆహారాలను అతిగా తీసుకోవటం మంచిదికాదు. టమోటాలు, నారింజ, నిమ్మ, ద్రాక్షపండు, జున్ను, నెయ్యి, కూరగాయల నూనెలు, వెన్న వంటి అధిక కొవ్వు ఆహారాన్ని నివారించాలి. చక్కెర, కృత్రిమ స్వీటెనర్ లేదా ట్రాన్స్ ఫ్యాట్ ఉన్న ఆహారం, పానీయాలను తాగరాదు. కారంగా ఉండే ఆహారాన్ని తగ్గించాలి కాఫీ, టీ, కార్బోనేటేడ్ పానీయాలు మరియు ఆల్కహాల్ వంటి పానీయాలను తాగకూడదు. పెద్దమొత్తంలో తినకుండా కొద్దికొద్దిగా భోజనాన్ని తీసుకోవాలి. తక్కువ స్పైసీ ఫుడ్స్ తినండి.

విటమిన్ B12 సప్లిమెంట్లను తీసుకోండి, విటమిన్ B12 లోపం అనేది యాంటాసిడ్ మందులు తీసుకునే రోగులకు ఒక సాధారణ సమస్య. సాధారణ మొత్తంలో కడుపు ఆమ్లాలు ఆరోగ్యకరమైనవి మరియు ఆహారాన్ని జీర్ణం చేయడానికి ప్రయోజనకరంగా ఉంటాయి. అవి లేకుండా మీ శరీరం విటమిన్ B12 ను గ్రహించదు. ప్రోబయోటిక్స్ తీసుకోండి. ప్రోబయోటిక్స్ఆ రోగ్యకరమైన బ్యాక్టీరియాను ప్రోత్సహిస్తాయి, గుండెల్లో మంట, విరేచనాలు మరియు అనేక ఇతర కడుపు సమస్యలకు వ్యతిరేకంగా పోరాడుతుంది. పెరుగులో ప్రోబయోటిక్స్ ప్రధాన పదార్ధం. దీనిని తీసుకోవటం వల్ల మంచి ఫలితం ఉంటుంది.