Gopichand: పక్కా కమర్షియల్ నుండి మరో అప్‌డేట్

టాలీవుడ్ మ్యాచో స్టార్ గోపీచంద్ హీరోగా నటిస్తున్న తాజా చిత్రం ‘పక్కా కమర్షియల్’ ఇప్పటికే శరవేగంగా షూటింగ్ జరుపుకుంటున్న సంగతి తెలిసిందే. సక్సెస్‌ఫుల్ చిత్రాలకు కేరాఫ్‌గా ఉన్న...

Gopichand: పక్కా కమర్షియల్ నుండి మరో అప్‌డేట్

New Update From Gopichand Pakka Commercial Movie

Updated On : May 26, 2022 / 1:07 PM IST

Gopichand: టాలీవుడ్ మ్యాచో స్టార్ గోపీచంద్ హీరోగా నటిస్తున్న తాజా చిత్రం ‘పక్కా కమర్షియల్’ ఇప్పటికే శరవేగంగా షూటింగ్ జరుపుకుంటున్న సంగతి తెలిసిందే. సక్సెస్‌ఫుల్ చిత్రాలకు కేరాఫ్‌గా ఉన్న దర్శకుడు మారుతి తెరకెక్కిస్తున్న సినిమా కావడంతో ఈ చిత్రంపై ప్రేక్షకులతో పాటు సినీ వర్గాల్లో కూడా మంచి అంచనాలు క్రియేట్ అయ్యాయి. ఇక ఈ సినిమా పోస్టర్స్, టీజర్లు ఇప్పటికే ప్రేక్షకుల్లో మంచి బజ్‌ను క్రియేట్ చేశాయి. ఈ సినిమా నుండి చిత్ర యూనిట్ తాజాగా ఓ ఇంట్రెస్టింగ్ అప్‌డేట్‌ను ఇచ్చింది.

Gopichand : షూటింగ్‌లో హీరో గోపీచంద్‌కి ప్రమాదం.. ఆందోళనలో అభిమానులు..

ఈ సినిమాకు సంబంధించిన రెండో సింగిల్ పాటను జూన్ 1న రిలీజ్ చేస్తున్నట్లు చిత్ర యూనిట్ పేర్కొంది. ఈ సెకండ్ సింగ్ సాంగ్ ‘అందాల రాశి..’ అంటూ సాగుతుందని చిత్ర వర్గాలు చెబుతున్నాయి. ఈ సినిమాను మారుతి మార్క్ కామెడీ ఎలిమెంట్స్‌తో పాటు ఎమోషన్స్‌కు కొదువే లేకుండా తెరకెక్కిస్తున్నారు. ఇక ఈ సినిమాలో గోపీచంద్ సరసన అందాల భామ రాశి కన్నా హీరోయిన్‌గా నటిస్తోంది. ఈ సినిమాను ఔట్ అండ్ ఔట్ కామెడీ ఎంటర్‌టైనర్ మూవీగా తెరకెక్కిస్తున్న చిత్ర యూనిట్ యాక్షన్ అంశాలను కూడా జోడించి కామన్ ఆడియెన్స్ సినిమాలో ఏం కోరుకుంటారో వాటిని అందించేందుకు ప్రయత్నిస్తోంది. ఇక ఈ సినిమాను జూలై 1న రిలీజ్ చేసేందుకు చిత్ర యూనిట్ రెడీ అవుతోంది.

Gopichand: ‘పక్కా కమర్షియల్’ బరిలోకి దిగేది అప్పుడే!

పక్కా కమర్షియల్ సినిమాలో సత్యరాజ్, రావు రమేశ్, అనసూయ భరద్వాజ్ ఇతర ముఖ్య పాత్రల్లో నటిస్తుండగా, ఈ సినిమాకు జేక్స్ బిజాయ్ సంగీతం అందిస్తున్నాడు. UV క్రియేషన్స్, GA2 పిక్చర్స్ బ్యానర్లు ఈ సినిమాను సంయుక్తంగా ప్రొడ్యూస్ చేస్తుండగా, గీతా ఆర్ట్స్ బ్యానర్ ఈ సినిమాను డిస్ట్రిబ్యూట్ చేయనుంది. మరి పక్కా కమర్షియల్ సినిమా కమర్షియల్‌గా ఎలాంటి విజయాన్ని అందుకుంటుందో చూడాలి.