పోలీసులకు యువకుడు విచిత్రమైన ట్వీట్.. మరింత విచిత్రంగా పోలీసులు రిప్లై.. కామెడీ అదిరిపోయిందంతే..

Delhi Police: అతడు చేసిన ట్వీట్ లో స్పెల్లింగ్ మిస్టేక్ రావడంతో మరింత కామెడీ పుట్టుకొచ్చింది.

పోలీసులకు యువకుడు విచిత్రమైన ట్వీట్.. మరింత విచిత్రంగా పోలీసులు రిప్లై.. కామెడీ అదిరిపోయిందంతే..

X

Updated On : May 31, 2024 / 4:51 PM IST

ఢిల్లీ పోలీసులకు ఓ యువకుడు విచిత్రమైన ట్వీట్ చేశాడు. ఆ ట్వీట్ కు పోలీసులు మరింత విచిత్రంగా సమాధానం ఇచ్చారు. ఆ సంభాషణ సామాజిక మాధ్యమాల్లో వైరల్ అవుతోంది. సాధారణంగా ఎవరైనా తప్పిపోతే పోలీసులు వెతికి పెడతారు.

అయితే, తనకు గర్ల్‌ఫ్రెండ్ లేదని, తన కోసం ఆమెను వెతికి పెట్టాలని కోరాడు ఓ యువకుడు. అతడు చేసిన ట్వీట్ లో స్పెల్లింగ్ మిస్టేక్ రావడంతో మరింత కామెడీ పుట్టుకొచ్చింది. ఢిల్లీకి చెందిన ఓ యువకుడు ట్వీట్ చేస్తూ.. “సింగిల్” అనే అక్షరాన్ని “సిగ్నల్” అని తప్పుగా రాశాడు. తాను సింగిల్ గా ఉన్నానని, తనకు గర్ల్‌ఫ్రెండ్ ఎప్పుడు దొరుకుతుందని పోలీసులను అడిగాడు.

ఢిల్లీ పోలీసులు ఆ ట్వీట్‌కు స్పందిస్తూ రెండు జోకులు వేశారు. “సర్.. మేము ఆమెను కనిపెట్టడంలో మీకు సాయం చేస్తాము (అయితే ఆమె ఎప్పుడైనా తప్పిపోతేనే ఈ సాయం చేస్తాము). మీ కోసం ఓ టిప్.. మీరు సిగ్నల్ అయితే.. గ్రీన్ రంగులోనే ఉండండి. రెడ్ లో ఉండొద్దు’’ అని పోలీసులు చమత్కరించారు.

Also Read: ప్రపంచంలో అత్యంత రద్దీగా ఉండే టాప్-10 విమానాశ్రయాలు ఇవే.. మన దేశ ఎయిర్‌పోర్ట్ కూడా..