కొడుకుతో హార్దిక్ పాండ్యా: బుల్లి పాండ్యా ఫుల్ ఫోటో!
- Published By: vamsi ,Published On : August 1, 2020 / 02:26 PM IST
భారత క్రికెట్ జట్టు ఆల్ రౌండర్ హార్దిక్ పాండ్యా తండ్రి అయ్యాడు. రెండు రోజుల క్రితం పాండ్యా భార్య, సెర్బియా నర్తకి-నటి నటాషా స్టాంకోవిచ్ కొడుకుకు జన్మనిచ్చింది. 26 ఏళ్ల హార్దిక్ ఈ సమాచారాన్ని సోషల్ మీడియా ద్వారా వెల్లడించారు. తన కొడుకు చేతిని పట్టుకున్న ఫోటోను పంచుకుని విషయాన్ని వెల్లడించాడు. ఇప్పుడు అతను చిన్న అతిథి మరొక చిత్రాన్ని పంచుకున్నాడు. ఈ చిత్రంలో, హార్దిక్ తన కొడుకును ఒడిలో పట్టుకుని ఉండడం కనిపిస్తుంది.
“గాడ్ బ్లెస్..” అనే క్యాప్షన్‌తో పాండ్యా ఫోటోను పంచుకున్నాడు. అతను తన భార్య నటాషా స్టాంకోవిచ్ పట్ల ప్రేమను వ్యక్తం చేశాడు. హార్దిక్ మొదటి బిడ్డ పుట్టినట్లు వార్తలు వచ్చిన తరువాత, ఇప్పుడు అతను తన బిడ్డకు ఏమి పేరు పెడతాడనే దానిపై అభిమానులు అడుగుతున్నారు. అయితే, ఇప్పటి వరకు సమాచారం వెల్లడించలేదు.
ఈ ఏడాది మొదటి రోజున, అంటే జనవరి 1, 2020న సెర్బియా మోడల్ నటాషా స్టాంకోవిక్‌తో నిశ్చితార్థం జరిగింది. దీని తరువాత, ఈ ఏడాది మేలో మూడవ సభ్యుడి రాకను వారిద్దరూ ప్రకటించారు. తమ బిడ్డ రావడం పట్ల తాను, అతని భార్య ఉత్సాహంగా ఉన్నామని హార్దిక్ చెప్పుకొచ్చారు. సోషల్ మీడియాలో ఒక ఫోటోను షేర్ చేయడం ద్వారా హార్దిక్ ఈ సమాచారం ఇచ్చారు. ఫోటోలో నటాషా గర్భవతిగా కనిపించింది.
జనవరి 1 న, హార్దిక్ స్వయంగా నటాషాతో ఒక ఫోటోను సోషల్ మీడియాలో పంచుకున్నారు, అందులో “మెయిన్ తేరా, తు మేరీ, జానే సారా హిందుస్తాన్” అని రాసుకొచ్చారు. అయితే ఇప్పటివరకు పాండ్యా దంపతులకు పెళ్లి అయినట్లుగా మాత్రం ఎటువంటి సమాచారం ఇవ్వలేదు.
