Rajiv Swagruha: గుడ్న్యూస్.. హైదరాబాద్లో ఇల్లు కట్టుకుంటారా? చదరపు గజానికి కేవలం రూ.20 వేలే..
నిర్ణీత ధరావత్తు సొమ్మును డీడీ రూపంలో చెల్లించాలి. పూర్తి వివరాలను www.swagruha.telangana.gov.inలో చూడండి.
- Published By: 10TV Digital Team ,Published On : January 20, 2026 / 03:13 PM IST
Representative Image (Image Credit To Original Source)
- రాజీవ్ స్వగృహ కార్పొరేషన్ సువర్ణావకాశం
- ఎలాంటి వివాదాలులేని లేఅవుట్లలో ప్లాట్ల వేలం
- చదరపు గజానికి రూ.20,000 నుంచే ధర ప్రారంభం
Rajiv Swagruha: హైదరాబాద్ పరిధిలో ఇల్లు కట్టుకోవాలని ఎంతో మంది కలలు కంటుంటారు. ఇక్కడి భూముల ధరలేమో ఆకాశాన్ని తాకుతుంటాయి. అంతేగాక, భూముల విషయంలో మోసాలు జరుగుతుండడంతో సామాన్యుడిలో ఎన్నో రకాల భయాలు ఉంటాయి. ఇటువంటి వారి కోసం తెలంగాణ రాజీవ్ స్వగృహ కార్పొరేషన్ ఓ సువర్ణావకాశం కల్పిస్తోంది.
ఎలాంటి వివాదాలు లేని, సర్కారు గుర్తింపు పొందిన లేఅవుట్లలో ప్లాట్లను వేలం వేయనుంది. వీటికి ఎలాంటి న్యాయపరమైన సమస్యలు ఉండవు. మొత్తం 137 బహిరంగ ప్లాట్లను వేలం వేస్తుంది. ఆ కార్పొరేషన్ ఎండీ గౌతం తెలిపిన వివరాల ప్రకారం రంగారెడ్డి, మేడ్చల్-మల్కాజిగిరి జిల్లాల పరిధిలో ఈ ప్లాట్లు ఉన్నాయి.
Also Read: KTR: అందరికీ ఆ మచ్చ అంటించాలని రేవంత్ రెడ్డి చూస్తున్నారు: కేటీఆర్
ఓఆర్ఆర్, ఆదిభట్ల ఐటీ కారిడార్కు దగ్గరలోని లేఅవుట్లో 105 ప్లాట్లు ఉన్నాయి. ఒక్కో ప్లాటు 200-500 చదరపు గజాల విస్తీర్ణం మధ్య ఉన్నాయి. ఆ ప్రాంతంలో గజం కనీస ధర (అప్సెట్ ప్రైస్) రూ.25,000గా అధికారులు నిర్ణయించారు. ఇక బహదూర్ పల్లి పరిధిలో ఇక్కడ 12 ప్లాట్లు 200-1000 చదరపు గజాల చొప్పున ఉన్నాయి.
సాధారణ ప్లాట్ గజం ధర రూ.27,000. కార్నర్ ప్లాట్ల ధర రూ.30,000. కుర్మల్ గుడలో 20 ప్లాట్లు ఉన్నాయి. చదరపు గజానికి కేవలం రూ.20,000 నుంచే ఈ భూమి ధర ప్రారంభమవుతుంది.
వచ్చే నెల 7-8న బహిరంగ వేలం నిర్వహిస్తారు. మీ సేవా కేంద్రాల్లో పేర్లను నమోదు చేసుకోవాలి. నిర్ణీత ధరావత్తు సొమ్మును డీడీ రూపంలో చెల్లించాలి. పూర్తి వివరాలను www.swagruha.telangana.gov.inలో చూడండి. లేదంటే రాజీవ్ స్వగృహ కార్పొరేషన్ ప్రతినిధులను కలిసి వివరాలను అడగండి.
