Zero Shadow Day : నేడే హైదరాబాద్‌లో జీరో షాడో డే .. పట్టపగలే నీడ కనిపించకపోవటానికి కారణమేంటో తెలుసా..
సూర్యకాంతిలో ఉంచిన ప్రతి వస్తువుకు నీడ కచ్చితంగా ఉంటుంది. కానీ ఈ జీరో షాడో డే రోజున మాత్రం.. అదే సూర్య కాంతిలో ఏ వస్తువు ఉంచిన దాని నీడ పడదని అంటున్నారు. ఈ అద్భుతం వెనక చాలా కారణాలున్నాయని శాస్త్రవేత్తలు చెబుతున్నారు.
- Published By: 10TV Digital Team ,Published On : May 9, 2023 / 09:53 AM IST
Zero Shadow Day
Zero Shadow Day : ఇవాళ హైదరాబాద్‌లో అరుదైన సౌర వింత ఆవిష్కృతం కానుంది. మధ్యాహ్నం సరిగ్గా 12 గంటల 12 నిమిషాల నుంచి 12 గంటల 14 నిమిషాల మధ్యలో నీడ మాయం కానుంది. సూర్యకిరణాలు నిట్టనిలువుగా పడటం వల్ల ఇలా నీడ కనిపించదని సైంటిస్టులు వివరిస్తున్నారు. అందుకే ఈ రోజును జీరో షాడో డేగా పిలుస్తారు. ఎండలో నిట్ట నిలువుగా ఉంచిన వస్తువుల షాడో.. రెండు నిమిషాల పాటు కనిపించదు. ఈ విషయాన్ని బిర్లా సైన్స్‌ సెంటర్‌ టెక్నికల్‌ అధికారులు వెల్లడించారు. ఇటువంటి అరుదైన, ఆసక్తికర, అద్భుత ఘటన హైదరాబాద్‌లో ఆవిష్కృతమవుతోందని.. దీన్ని నగరవాసులంతా కచ్చితంగా అనుభూతి చెందాలని సూచిస్తున్నారు.
Zero Shadow Day : పట్టపగలు కనిపించని నీడ .. బెంగళూరులో జీరో షాడో డే వింత..!!
సూర్యకాంతిలో ఉంచిన ప్రతి వస్తువుకు నీడ కచ్చితంగా ఉంటుంది. కానీ ఈ జీరో షాడో డే రోజున మాత్రం.. అదే సూర్య కాంతిలో ఏ వస్తువు ఉంచిన దాని నీడ పడదని తెలిపారు. ఈ అద్భుతం వెనక చాలా కారణాలున్నాయని శాస్త్రవేత్తలు చెబుతున్నారు. భూమి రోజూ తన చుట్టూ తాను తిరుగుతుంది. ఇలా తిరగడానికి 24 గంటలు పడుతుంది. ఈ క్రమంలోనే మధ్యాహ్నం సూర్యుడు నడి నెత్తి మీది నుంచి వెళ్తూ.. సూర్యకిరణాలు 90 డిగ్రీల కోణంలో భూమ్మీద పడతాయి. ఆ సమయంలో నిలువుగా ఉన్న వస్తువు నీడ.. సరిగ్గా ఆ వస్తువు కిందే పడుతుంది. దీన్నే జీరో షాడో మూమెంట్‌ అని పిలుస్తారు. అలా అని రోజూ జీరో షాడో ఉండదంటున్నారు శాస్త్రవేత్తలు. సూర్యుడు ఓ నిర్ధిష్టమైన స్థానంలోకి వచ్చినప్పుడే జీరో షాడో డే వస్తుందని తెలిపారు.
కాగా..ఏప్రిల్ 25 (2023)ఇటువంటి అరుదైన ఘటనకు బెంగళూరు వేదికైంది. కోరమంగళంలో ఉన్న ఇండియన్ ఇన్ స్టిట్యూట్ ఆఫ్ ఆస్ట్రోఫిజిక్స్ క్యాంపస్ లో ఓ ఈవెంట్ నిర్వహించి నిపుణులు ఈ విషయాన్ని వెల్లడించారు. దీంట్లో భాగంగా సరిగ్గా మధ్యాహ్నం 12:17 గంటలకు ఎండలో నిటారుగా ఉన్న వస్తువులకు నీడ కనిపించలేదు. అలా ఒకటిన్నర నిమిషాల పాటు వారి నీడ వారికి కనిపించని అద్భుతం జరిగింది. 130 ఉత్తర అక్షాంశం వెండబి అన్ని ప్రదేశాలలో (మధ్యాహ్నా 12.17)సరిగ్గా తలపైకి సూర్యుడు చేరుకున్న సమయంలో నీడ అదృశ్యమవుతుందని అంటే కనిపించదని తెలిపారు.
