పంది మాంసం తింటే ఆరోగ్యానికి ఎందుకు హానికరం.. సైన్స్ ఏం చెబుతోంది? 

అసలే కరోనా యుగం నడుస్తోంది. ఆరోగ్యపరంగా చాలా జాగ్రత్తగా ఉండాల్సిన సమయం. తినే ఆహారపు అలవాట్ల నుంచి శుభ్రత వరకు అన్ని తప్పనిసరిగా పాటించాల్సిన అవసరం ఉంది. ఇలాంటి పరిస్థితుల్లో ఏ ఆహారం తినడం మంచిది? ఏది తింటే ఆరోగ్యానికి హానికరమనేది తప్పక తెలుసుకోవాలంటున్నారు పరిశోధకులు.. మనం తినే ఆహారంతోనే ఆరోగ్యం ముడిపడి ఉంటుందని పలు అధ్యయనాలు ఇప్పటికే తేల్చేశాయి..

ప్రధానంగా చాలామంది మాంసాహారం తినేందుకు ఎక్కువగా ఆసక్తి చూపిస్తుంటారు. అందులోనూ ఎర్ర మాంసం అంటే ఇష్టంగా తింటుంటారు. సాధారణంగా ఎర్ర మాంసం (రెడ్ మీట్)లో ఉండే ప్రోటీన్లతో శరీరానికి కావాల్సిన మాంసకృత్తులు, ప్రోటీన్లు అందుతాయని అంటారు.. అయితే ఏదైనా మితంగా తీసుకుంటేనే ఆరోగ్యమని గుర్తించాలి.
ప్రాణాంతక వ్యాధులు వచ్చే ప్రమాదం ఎక్కువ :
రోజుకు 70 గ్రాముల (2.5 ఔన్సులు) తక్కువ పరిమాణంలో రెడ్ మీట్ తీసుకోవాలి. ఎర్ర మాంసం మీ ఆరోగ్యానికి హానికరం కానప్పటికీ.. పంది మాంసం తీసుకోవడం వల్ల అనేక అనారోగ్య సమస్యలు వస్తాయని సైన్స్ చెబుతోంది. మధుమేహం, హృదయ సంబంధ వ్యాధులు, అనేక రకాల క్యాన్సర్లు, దీర్ఘకాలిక వ్యాధులు వచ్చే ప్రమాదం ఉందని హెచ్చరిస్తోంది. జంతు ఉత్పత్తుల విషయంలో కాస్తా జాగ్రత్తగా ఉండాలని సూచిస్తున్నారు పరిశోధకులు..

అందులోనూ పంది మాంసం మాత్రం తినకపోవడమే ఆరోగ్యానికి మంచిదని UCLA ఫీల్డింగ్ స్కూల్ ఆఫ్ పబ్లిక్ హెల్త్‌లో అసిస్టెంట్ ప్రొఫెసర్ Dana Hunnes చెప్పారు. పంది మాంసంలో కొవ్వులు, కొలెస్ట్రాల్ అధిక మోతాదులో ఉంటుంది. అందుకే సాధ్యమైనంతవరకు పంది మాంసాన్ని దూరం పెట్టడమే మంచిదని అధ్యయనాలు సూచిస్తున్నాయి.

15 వేల ఏళ్ల క్రితం మెసొపొటేమియాలో పందులను పెంపకం చేశారు. కానీ 20వ శతాబ్దం వరకు, పంది మాంసం వినియోగం చాలా తక్కువగా ఉండేది. ప్రపంచం ఇప్పుడు 50 సంవత్సరాల క్రితం కంటే 4 రెట్లు ఎక్కువ మాంసాన్ని ఉత్పత్తి చేస్తుంది. 2013లో 320 మిలియన్ టన్నుల మాంసాన్ని ఉత్పత్తి చేసినట్టు నివేదిక పేర్కొంది. మాంసం కోసం ప్రతి సంవత్సరం 80 బిలియన్లకు పైగా జంతువులను హింస్తున్నారని తెలిపింది.

‘పోర్క్’  వినియోగంలో అమెరికా అగ్రస్థానం :
ప్రపంచవ్యాప్తంగా పంది మాంసం అత్యంత ప్రాచుర్యం పొందింది. సగటు అమెరికన్ ప్రతి ఏడాదిలో 124 కిలోగ్రాముల మాంసాన్ని వినియోగిస్తున్నారు. గత శతాబ్దంలో అమెరికాలో పంది మాంసం వినియోగం సాధారణంగా ఉండేది. ఎర్ర మాంసం వినియోగం కేవలం యుఎస్ అగ్రస్థానంలో ఉన్నప్పటికీ.. ఇతర దేశాల్లోనూ ఎక్కువ ఎర్ర మాంసాన్ని తీసుకుంటోంది. ఏదో ఒక సమయంలో 87శాతం పంది మాంసాన్ని వినియోగిస్తున్నట్టు గుర్తించారు.

అకాల మరణానికి దారితీయొచ్చు  :
2012లో, 100,000 మందికి పైగా చేసిన ఒక అధ్యయనంలో ఎర్ర మాంసం వినియోగం తక్కువ ఆరోగ్యకరమైన జీవితంతో ముడిపడి ఉందని బలమైన ఆధారాలు ఉన్నాయి. అయినప్పటికీ పంది మాంసం ప్రత్యేకంగా విశ్లేషించలేదు. ఈ అధ్యయనంలో ఎర్ర మాంసం తీసుకోవడం వల్ల అకాల మరణానికి గణనీయంగా దారితీస్తుందని తేలిందని సీనియర్ శాస్త్రవేత్తలలో ఒకరైన ప్రొఫెసర్ ఫ్రాంక్ హు చెప్పారు. దశాబ్దాలుగా పంది మాంసం వినియోగంతో కలిగే ఆరోగ్య ప్రమాదాలను అధ్యయనాలు ఇదే చెప్పాయి. పంది మాంసంలో ప్రోటీన్, ఇనుము వంటి పోషకాలు ఉన్నప్పటికీ అనేక ఆరోగ్య సమస్యలతో ముడిపడి ఉందని గుర్తించారు.
పంది మాంసంతో క్యాన్సర్ :
2015లో, ఇంటర్నేషనల్ ఏజెన్సీ ఫర్ రీసెర్చ్ ఆన్ క్యాన్సర్.. ఎర్ర మాంసం మనుషులకు క్యాన్సర్ కారకమని తేల్చింది. అనేక రకాల క్యాన్సర్ పంది మాంసంతో ముడిపడి ఉందని అధ్యయనంలో గుర్తించారు. 2011లో  ప్రతి రోజు 100 గ్రాముల ఎర్ర మాంసం (పంది మాంసం లేదా గొడ్డు మాంసం) కోసం, కొలొరెక్టల్ క్యాన్సర్ వచ్చే ప్రమాదం 17శాతంగా పెరిగింది. ప్యాంక్రియాటిక్, ప్రోస్టేట్ క్యాన్సర్‌కు సంబంధాలు ఉన్నాయి.

రెడ్ మీట్ అధికంగా తీసుకోవడం వల్ల కొలొరెక్టల్, పెద్దప్రేగు, మల క్యాన్సర్ల ప్రమాదం ఎక్కువగా ఉంటుందని అధ్యయనం తేల్చింది. పంది మాంసం తీసుకోవడం వల్ల క్యాన్సర్ ప్రమాదాన్ని పెంచుతుందని మరొక అధ్యయనం కనుగొంది. 2013 మెటా-విశ్లేషణ అధ్యయనాలు గ్యాస్ట్రిక్ క్యాన్సర్ ప్రమాదం ఉందని పరిశోధన పిలుపునిచ్చారు.

ఎర్ర మాంసం రోజుకు 100 గ్రాములు లేదా అంతకంటే ఎక్కువ తీసుకున్న వారిలో రొమ్ము క్యాన్సర్ ప్రమాదం 11శాతం, కొలొరెక్టల్ క్యాన్సర్‌కు 17శాతం, ప్రోస్టేట్ క్యాన్సర్‌కు 19శాతం పెరుగుతుందని అధ్యయనంలో తేలింది. 2017 అధ్యయనంలో కూడా పాలిసైక్లిక్ సుగంధ హైడ్రోకార్బన్లు, హెటెరోసైక్లిక్ అమైన్లతో సహా ఎర్ర మాంసం ఉత్పత్తులలో అనేక క్యాన్సర్ కారకాలు ఉన్నాయని గుర్తించారు.

ఊబకాయం వచ్చే ప్రమాదం :
ప్రపంచవ్యాప్తంగా ఊబకాయంతో అనేక అనారోగ్య సమస్యలకు దారితీస్తుందని పలు అధ్యయనాలు వెల్లడించాయి. ఇప్పుడు పంది మాంసంతో  కూడా ఊబకాయం వచ్చే ప్రమాదం ఉందని తాజా అధ్యయనం హెచ్చరిస్తోంది. 170 దేశాలలో ఊబకాయంతో బాధపడేవారి సంఖ్య పెరిగినట్టు అధ్యయనంలో తేలింది. స్థూలకాయానికి ప్రధాన కారణాలగా షుగర్ కారకంగా చెబుతున్నాయి. మాంసం మరో 13 శాతం ఊబకాయానికి దారితీస్తుందని  ప్రొఫెసర్ మాసిజ్ హెన్నెబర్గ్ అన్నారు.

అధిక మాంసం తీసుకునేవారిలో ఊబకాయంతో సంబంధం కలిగి ఉన్నట్లు కనుగొన్నారు. మాంసంలోని ప్రోటీన్ కూడా ఊబకాయానికి దోహదం చేస్తుందని గమనించాలి. 2011లో జరిపిన ఒక అధ్యయనంలో 100,000 మందిలో ఎర్ర మాంసం వినియోగం, ముఖ్యంగా ప్రాసెస్ చేసిన ఎర్ర మాంసం, టైప్ 2 డయాబెటిస్ ప్రమాదాన్ని పెంచుతుందని తేలింది. గింజలు, తక్కువ కొవ్వు ఉన్న పాలు, తృణధాన్యాలతో రోజుకు ఎర్ర మాంసం తిన్నవారిలో టైప్ 2 డయాబెటిస్ ప్రమాదాన్ని 35శాతం వరకు తగ్గిస్తుంది. తేల్చింది. పంది మాంసం సిరోసిస్ మరియు కాలేయ క్యాన్సర్‌తో సహా కాలేయ వ్యాధికి కూడా కారణమవుతుందని రుజువైంది.

పంది మాంసంలో ‘యెర్సినియా’ ప్రాణాంతకం : 
యెర్సినియా వ్యాధికి పంది మాసం ప్రధాన కారకంగా తేల్చేశారు. సరిగా వండని పంది మాంసంలో యెర్సినియా బ్యాక్టీరియా ఉంటుంది. అది తిన్నవారి శరీరం లోపలికి పోతుంది. తీవ్రమైన లక్షణాలను కలిగిస్తుంది. మరణాలకు కూడా దారితీస్తుందని గుర్తించారు.

అమెరికాలోనే యెర్సినియా 35 మందిని బలితీసుకుంది. ప్రతి ఏడాదిలో 117,000 ఈ వ్యాధి బారిన పడి మృతిచెందుతున్నారు. అందుకే పంది మాంసామే కాదు.. ఏదైనా మాంసాన్ని బాగా ఉడికించడం ద్వారా సమస్యను నివారించవచ్చునని అధ్యయనాలు సూచిస్తున్నాయి.