COVID-19: డా.ఆంథోనీ ఫాసీకి కొవిడ్ పాజిటివ్ | Dr. Anthony Fauci tests positive for COVID-19

COVID-19: డా.ఆంథోనీ ఫాసీకి కొవిడ్ పాజిటివ్

మహమ్మారి అంశంలో ప్రెసిడెంట్‌కు సీనియర్ అడ్వైజర్ గా వ్యవహరిస్తున్న డా.ఆంథోనీ ఫాసీకి కొవిడ్ పాజిటివ్ వచ్చినట్లు వైద్యులు కన్ఫామ్ చేశారు. 81సంవత్సరాల వయస్సున్న ఫాసీ.. ప్రెసిడెంట్ జో బైడెన్..

COVID-19: డా.ఆంథోనీ ఫాసీకి కొవిడ్ పాజిటివ్

 

 

COVID-19: మహమ్మారి అంశంలో ప్రెసిడెంట్‌కు సీనియర్ అడ్వైజర్ గా వ్యవహరిస్తున్న డా.ఆంథోనీ ఫాసీకి కొవిడ్ పాజిటివ్ వచ్చినట్లు వైద్యులు కన్ఫామ్ చేశారు. 81సంవత్సరాల వయస్సున్న ఫాసీ.. ప్రెసిడెంట్ జో బైడెన్, ఇతర సీనియర్ అధికారులతో కొద్దిరోజులుగా కాంటాక్ట్ లో లేరని నేషనల్ ఇన్‌స్టిట్యూట్ ఆఫ్ అలర్జీ అండ్ ఇన్ఫెక్షియెస్ డిసీజెస్ వెల్లడించింది.

తేలికపాటి లక్షణాలు కనిపించడంతో ఫాసీకి ర్యాపిడ్ యాంటీజెన్ పరీక్షలు నిర్వహించామని, ఫలితం పాజిటివ్ వచ్చిందని స్పష్టం చేశారు. అతను పూర్తి డోసు వేసుకోవడంతో పాటు రెండు బూస్టర్ డోసులు కూడా తీసుకున్నట్లు NIAID పేర్కొంది. ప్రస్తుతం ఆయన ఫైజర్ యాంటీవైరల్ ట్రీట్మెంట్ తీసుకుంటున్నట్లు తెలిపారు.

జూన్ 11న వార్సిస్టర్ లోని కాలేజ్ ఆఫ్‌ ద హోలీ క్రాస్ కాలేజీకి వెళ్లిన ఫాసీ.. దాని పేరు మార్పు చేస్తూ సైన్స్ సెంటర్ ద ఆంథోనీ ఎస్. ఫాసీ ఇంటిగ్రేటెడ్ సైన్స్ కాంప్లెక్స్ అని నామకరణం చేశారు. ఈ సందర్భంగా తీసిన ఫొటోల్లో మాస్క్ ధరించలేదని స్పష్టంగా తెలుస్తుంది.

Read Also: సాధ్వి ప్రగ్యాకు కొవిడ్ పాజిటివ్

గత నెలలో చేసుకున్న పరీక్షల్లో కొవిడ్-19 పాజిటివ్ వచ్చినట్లు రాలేదని పేర్కొన్నారు. గమనించదగ్గ విషమేమిటంటే ఫాసీ ఏప్రిల్ నెలలో వైట్ హౌజ్ కరెస్పాండెంట్స్ డిన్నర్ కు కూడా అటెండ్ కాలేదు.

“వైరస్ ఎవరికి సోకినా మనిషిని బట్టి రిస్క్ అనేది ఉంటుంది. సాధారణంగా రిస్క్ తక్కువగానే ఉంటుంది. కానీ, నా వయస్సు 81సంవత్సరాలు కాబట్టి ప్రమాదం ఎక్కువగానే ఉండే అవకాశం ఉందని” అని ఫాసీ పేర్కొన్నారు.

×