24గంటల్లో 34వేలకు పైగా కరోనా కేసులు

భారత్‌లో కరోనా రోగుల సంఖ్య రోజురోజుకు పెరిగిపోతుంది. ఈ క్రమంలో ఒక్క రోజులో అమెరికా తరువాత ఎక్కువ కరోనా కేసులు భారతదేశంలోనే నమోదయ్యాయి. బ్రెజిల్‌ను దాటి దేశంలో కరోనా సోకిన వారి సంఖ్య పెరుగుతుంది. ఈ క్రమంలో 1 మిలియన్ కేసులను భారత్ దాటింది. గత 24 గంటల్లో కరోనా సంక్రమణ అత్యధికంగా 34,884 కొత్త కేసులు దేశంలో నమోదయ్యాయి. ఇదే సమయంలో 671 మంది చనిపోయారు.

ఇదే సమయంలో భారత్ కంటే తక్కువగా.. కొత్తగా 33,959 కేసులు బ్రెజిల్‌లో నమోదయ్యాయి. భారతదేశంలో మొత్తం సోకిన వారి సంఖ్య 10,38,716 కు పెరిగింది. వీటిలో 358,692 యాక్టివ్ కేసులు ఉండగా, 653,751 మంది కోలుకున్నారు. ఇప్పటివరకు 26,273 మంది ప్రాణాలు కోల్పోయారు.

కరోనా ఇన్ఫెక్షన్ల సంఖ్య ప్రకారం భారతదేశం ప్రపంచంలో మూడవ స్థానంలో ఉంది. కరోనా మహమ్మారి వల్ల యునైటెడ్ స్టేట్స్ ఎక్కువగా ప్రభావితమవుతుంది. తర్వాత బ్రెజిల్ ప్రభావితం అయ్యింది.

పదిలక్షల జనాభాకు సోకిన కేసులు మరియు మరణాల విషయానికి వస్తే, ఇతర దేశాల కంటే భారతదేశం తక్కువగా ఉంది. భారతదేశం కంటే ఎక్కువ కేసులు అమెరికా (3,766,605), బ్రెజిల్ (2,048,697)లో నమోదయ్యాయి. దేశంలో కరోనా కేసులు పెరిగే వేగం ప్రపంచంలో మూడవ స్థానంలో ఉంది.