Divyavani To Join BJP : బీజేపీవైపుగా దివ్యవాణి అడుగులు

కమలం పార్టీ పెద్దలతో చర్చలు జరుపుతున్నట్లుగా సమాచారం. రెండు మూడు రోజుల్లో బీజేపీలో చేరే అవకాశం ఉన్నట్లుగా తెలుస్తోంది.

Divyavani To Join Bjp

Divyavani To Join BJP : టీడీపీకి రాజీనామా చేసిన దివ్యవాణి అడుగులు బీజేపీవైపు పడుతున్నట్లుగా కనిపిస్తోంది. కమలం పార్టీ పెద్దలతో ఆమె చర్చలు జరుపుతున్నట్లుగా సమాచారం అందుతోంది. రెండు మూడు రోజుల్లో దివ్యవాణి బీజేపీలో చేరే అవకాశం ఉన్నట్లుగా తెలుస్తోంది. తెలుగుదేశం పార్టీలో తనకు తగిన ప్రాధాన్యం లేదంటూ.. దివ్యవాణి ఇవాళే టీడీపీకి రాజీనామా చేసిన సంగతి తెలిసిందే.

తెలుగుదేశం పార్టీలో ఏడాది నుంచి నాకు ప్రాధాన్యత ఇవ్వడం లేదు. కనీసం గౌరవం కూడా ఇవ్వడం లేదు. గౌరవం లేని చోట నేను ఉండలేకనే పార్టీకి రాజీనామా చేస్తున్నా అని దివ్యవాణి అన్నారు.(Divyavani)

గత రెండు రోజులుగా ఏపీ రాజకీయాల్లో దివ్యవాణి వ్యవహారం హాట్ టాపిక్ గా మారింది. రెండు రోజుల క్రితం టీడీపీకి రాజీనామా చేస్తున్నట్లు ఆమె ట్విటర్ లో పోస్టు చేశారు. కొద్దిగంటల్లోనే దాన్ని డిలీట్ చేశారు. సోషల్ మీడియాలో వచ్చిన తప్పుడు వార్తల నేపథ్యంలోనే తాను రాజీనామా చేశానని, అలాంటిదేమీ లేదంటూ వ్యాఖ్యానించారు. కాగా బుధవారం దివ్యవాణి టీడీపీ అధినేత చంద్రబాబుతో భేటీ అయ్యారు. దీంతో అంతా సర్దుకుంటుందని టీడీపీ శ్రేణులు భావించినప్పటికీ బాబుతో భేటీ అనంతరం ఆమె పార్టీకి రాజీనామా చేస్తున్నట్లు ప్రకటించారు. ఈ మేరకు గురువారం మీడియాతో మాట్లాడిన దివ్యవాణి టీడీపీ నేతల తీరుపై తీవ్ర స్థాయిలో విమర్శలు గుప్పించారు.

Divya vani: నన్ను కుక్క పిల్లలా ఆడుకున్నారు.. గౌరవం లేని చోట ఉండలేకనే రాజీనామా

గతేడాది కాలంగా పార్టీలో నాకు ప్రాధాన్యత లేదు. కనీస మర్యాద కూడా దక్కడం లేదని ఆవేదన వ్యక్తం చేసిన దివ్య వాణి.. మీడియా ఎదుటనే కన్నీరు పెట్టుకున్నారు. చంద్రబాబు నాకు తండ్రిలాంటి వారని, చంద్రబాబును ఉద్దేశించి నేను ఎలాంటి వ్యాఖ్యలు చేయడం లేదని అన్నారు. నా బాధను మీడియాతో పంచుకోవడమే నేను చేసిన తప్పా? అంటూ ఆమె ప్రశ్నించారు.

అచ్చెన్నాయుడు లాగా పార్టీ లేదు బొక్కా లేదు అని నేను అన్నానా.. నేనేదో అన్నానని నన్ను తప్పు పట్టిన వాళ్లు.. పార్టీ లేదు బొక్కా లేదన్న అచ్చెన్నని ఏం శిక్షించారు? అంటూ దివ్య వాణి ప్రశ్నించారు. సాధినేని యామిని లాగా నేనేం విమర్శలు చేయలేదని అన్నారు. నాలాగా పార్టీలో ఇబ్బందులు పడేవారు చాలా మంది ఉన్నారని, కానీ వాళ్లకు పదవులు అవసరం కాబట్టి డాగ్స్ లా ఉంటున్నారని దివ్యవాణి విమర్శించారు.

గౌరవం లేని చోట నేను ఉండలేను, అందుకే రాజీనామా లేఖను పార్టీకి పంపుతున్నట్లు దివ్యవాణి తెలిపారు. మతమార్పిడుల విషయంలో చంద్రబాబు చేసిన కామెంట్లతో క్రైస్తవుల ఆగ్రహానికి గురయ్యారని, క్రైస్తవులు పడే బాధలను చంద్రబాబు దృష్టికి తీసుకెళ్లలేకపోయానని అన్నారు. నేను ఇచ్చిన సమాచారంతో వేరే వారితో ప్రెస్ మీట్ పెట్టించారని, నేను చాలా బాధపడ్డానని దివ్యవాణి వాపోయారు.

CM Candidate Pawan Kalyan : సీఎం అభ్యర్థిగా పవన్ కళ్యాణ్..? టీడీపీకి చెక్ పెట్టేలా బీజేపీ స్కెచ్..?

టీడీ జనార్జన్ అనే వ్యక్తిని ప్రశ్నించినందుకు నన్ను ఇబ్బందులు పెట్టారని దివ్యవాణి ఆరోపించారు. పార్టీలో నన్ను కుక్క పిల్లలా ఆడుకున్నారని ఆవేదన వ్యక్తం చేశారు. టీడీపీలో కరివేపాకులా వాడుకుని వదిలేస్తారని నాకు చాలామంది చెప్పినా వినలేదన్నారు.