Heart Health : ఆఫీస్ విధులలో ఎక్కువ గంటలు గడిపితే గుండె ఆరోగ్యంపై ప్రభావం పడుతుందా ?

కార్యాలయంలో ఎక్కువ గంటలు గడపడం అంటే...ఒకే చోట కదలకుండా కూర్చుని ఉండాల్సి వస్తుంది. సాధారణంగా మన శరీరాలు కదలకుండా ఎక్కువసేపు కంప్యూటర్ల ముందు కూర్చున్నప్పుడు గుండె ఆరోగ్యంపై ప్రతికూల ప్రభావాలను చూపుతుంది.

Heart Health : ఇటీవల ఇన్ఫోసిస్ సహ వ్యవస్థాపకుడు నారాయణ మూర్తి వారానికి 70 గంటల పనిచేయాలని యువతరానికి సూచించటం సర్వత్రాచర్చనీయాంశంగా మారింది. భారతదేశం ప్రపంచ దేశాలతో పోటీపడాలంటే ఉత్పాదకత మెరుగుపడాలంటే యువత మరిన్ని ఎక్కువ గంటలు శ్రమించాల్సిన అవసరం ఉందన్నారు. ఈ ప్రకటనతో సర్వత్రా వ్యతిరేకత వ్యక్తమౌతున్న నేపధ్యంలో ఆఫీస్‌లో ఎక్కువ గంటలు పనిచేయటం వల్ల ఆరోగ్యానికి సంబంధించి , ప్రత్యేకంగా గుండెకు ప్రయోజనకరమా, హానికరమా అనే చర్చను రేకెత్తించింది. ఎక్కువ పని గంటలు ఉత్పాదకత , విజయానికి కారణమవుతుందన్న మాట వాస్తవమే అయినప్పటికీ , ఆ పరిస్ధితి చివరకు శారీరక, మానసిక శ్రేయస్సుపై చూపే ప్రభావం ఆందోళన రేకెత్తించే అంశమని నిపుణులు చెబుతున్నారు.

READ ALSO : Heart Attack : ఏది గుండెనొప్పి? గుండె పోటును గుర్తించటం ఎలా ?

ఎక్కువ పనిగంటలు గుండె ఆరోగ్యంపై ప్రభావం ;

శరీరం అంతటా రక్తం , ఆక్సిజన్‌ను పంపింగ్ చేయడానికి మన గుండె ఒక ముఖ్యమైన అవయవం. మనల్ని సజీవంగా మరియు ఆరోగ్యంగా ఉంచడానికి అవిశ్రాంతంగా పనిచేస్తుంది. అయితే ఎక్కువ పని గంటల వల్ల గుండెపై ఒత్తిడి గణనీయంగా పెరుగుతుంది. రోజుకు 8-9 గంటల కంటే ఎక్కువ సమయం పని చేయడం వల్ల గుండె జబ్బులు వచ్చే ప్రమాదం 40% పెరుగుతుందని అధ్యయనాలు చెబుతున్నాయి. ఎందుకంటే మనం ఎక్కువ సమయం పని చేసినప్పుడు, మన శరీరం కార్టిసాల్ , అడ్రినలిన్ వంటి ఒత్తిడి హార్మోన్లను విడుదల చేస్తుంది. ఇది రక్తపోటు, హృదయ స్పందన రేటును పెంచుతుంది. కాలక్రమేణా, ఈ మార్పులు మన రక్త నాళాలను దెబ్బతీస్తాయి. గుండెపోటు , స్ట్రోక్స్ ప్రమాదాన్ని పెంచుతాయి.

READ ALSO : Protect Heart Health : మధుమేహాం సమస్యతో బాధపడుతున్న వారు గుండె ఆరోగ్యాన్ని కాపాడుకునేందుకు ఏంచేయాలంటే !

కార్యాలయంలో ఎక్కువ గంటలు గడపడం అంటే…ఒకే చోట కదలకుండా కూర్చుని ఉండాల్సి వస్తుంది. సాధారణంగా మన శరీరాలు కదలకుండా ఎక్కువసేపు కంప్యూటర్ల ముందు కూర్చున్నప్పుడు గుండె ఆరోగ్యంపై ప్రతికూల ప్రభావాలను చూపుతుంది. శారీరక శ్రమ లేకపోవడం వల్ల బరువు పెరగడం, అధిక రక్తపోటు, అధిక కొలెస్ట్రాల్ స్థాయిలు ఇవన్నీ గుండె జబ్బులకు ప్రమాద కారకాలు. ఎక్కువ గంటలు కూర్చోవడం వెన్ను సమస్యలకు దారితీస్తుంది. ఈ పరిస్ధితి గుండె అనారోగ్యానికి మరింత కారణమవుతుంది.

READ ALSO : Heart Palpitations : గుండెల్లో దడ దడగా ఉంటుందా? ఈ పరిస్ధితి గుండె పోటుకు దారితీస్తుందా?

శారీరక ఆరోగ్య ప్రమాదాలే కాకుండా, ఎక్కువ ఆఫీసు పనివేళలు మానసిక ఆరోగ్యాన్ని దెబ్బతీస్తాయి. ఎక్కువ కాలం పనిచేయడం వల్ల ఆందోళన , నిరాశకు కారణమవుతుంది. ఈ పరిస్థితులు ఒత్తిడి స్థాయిల పెరుగుదలకు దారితీస్తాయి. గుండె ఆరోగ్యంపై ప్రత్యక్ష ప్రభావాన్ని చూపుతుంది. దీర్ఘకాలిక ఒత్తిడి కరోనరీ హార్ట్ డిసీజ్, గుండెపోటు , స్ట్రోక్‌లకు కారణమవుతుందని అధ్యయనాలు చెబుతున్నాయి.

READ ALSO : Brisk Walk : వేగవంతమైన నడకతో….. గుండెఆరోగ్యం మెరుగు

యువకులలో గుండెపోటుకు దారితీసే ప్రమాదం ఎక్కువ పనిగంటలు కారణంగా ఏర్పడుతుందని నిపుణులు హెచ్చరిస్తున్నారు. వారానికి 6 రోజులు పని చేస్తారనుకుంటే రోజుకు 12 గంటలు పనికి పోగా మిగిలిన 12 గంటలు, 8 గంటల నిద్ర, 4 గంటలు మిగిలి ఉన్నాయి. బెంగళూరు, హైద్రాబాద్ వంటి పెద్ద నగరాలలో రోజవారి సమయంలో 2గంటలు ట్రాఫిక్ లో గడపటానికే సరిపోతుంది. బ్రష్, పూప్, స్నానం, తినండి వంటి ఇతర కుటుంబపరమైన పనులకు సమయం ఉండదు. వ్యాయామం ,వినోదం కోసం సమయం ఉండదు. ఇలాంటి పరిస్ధి వల్ల యువకులకు గుండెపోటులు ఎక్కువగా వచ్చే ప్రమాదం ఉంటుంది.

READ ALSO : Heart Health : గుండె ఆరోగ్యం కోసం… కార్డియాక్ ఎక్సర్ సైజులు

ఎక్కువ గంటలు పని చేయడం వ్యక్తిగత జీవితాలను కూడా ప్రభావితం చేస్తుంది. పనిలో ఎక్కువ సమయం గడపడం అంటే విశ్రాంతి, కుటుంబం, స్నేహితులు, హాబీల కోసం తక్కువ సమయం కేటాయించాల్సి వస్తుంది. దీని వల్ల వ్యక్తిగత, వృత్తిపరమైన జీవితాలలో అసమతుల్యతకు దారితీస్తుంది. దీని వల్ల ఒత్తిడి పెరిగి మానసిక ఆరోగ్యాన్ని ప్రభావితం చేస్తుంది. ఈ ప్రభావం గుండె ఆరోగ్యంపై తీవ్రమైన పరిణామాలు కలిగిస్తాయి.

READ ALSO : Purple Cabbage : ఎముకల బలంతోపాటు, గుండె ఆరోగ్యానికి మేలు చేసే పర్పుల్ క్యాబేజీ !

ఉత్పాదకత కోసం వారానికి 70 గంటల పని అవసరమని నారాయణ మూర్తి వాదించినప్పటికీ, ఎక్కువ గంటలు పని చేయడం వల్ల తప్పులు దొర్లటంతోపాటు, పనిలో ధ్యాసను కలోపోవటం, ఆరోగ్య సమస్యల కారణంగా పనిదినాలకు గైర్హాజరుకు దారితీస్తుందని అధ్యయనాలు చెబుతున్నాయి. కాబట్టి ఆరోగ్యకరమైన పని సంస్కృతిని ప్రోత్సహించడం అన్నది మేలు కలిగిస్తుంది. ఉద్యోగులను విశ్రాంతి తీసుకునేలా ప్రోత్సహించాలి. ఆరోగ్యశ్రేయస్సుకు ప్రాధాన్యత ఇవ్వాలి.