Spiny Gourd Benefits: చిన్న కాయలో గొప్ప ఆరోగ్యం.. షుగర్ మొత్తం కంట్రోల్.. ఎన్నో అద్భుతాలు

Spiny Gourd Benefits: బోడకాకరకాయలో సహజంగా ఉండే ఫైటోకెమికల్స్ రక్తంలో షుగర్ స్థాయిని నియంత్రించడంలో సహాయపడతాయి.

Health benefits of eating bodakakarakaya

బోడకాకరకాయ (Spiny Gourd).. వర్షాకాలంలో అధికంగా లభించే ఈ రుచికరమైన, పోషక విలువలతో నిండి ఉన్న కూరగాయ నిజంగా అద్భుతం అనే చెప్పాలి. ఎంతో రుచికరంగా ఉండే ఈ కూరగాయ కేవలం రుచికి మాత్రమే కాకండా ఆరోగ్యానికి కూడా గొప్ప ఔషధంగా మారింది. మన శరీరంలో ఉండే ఎన్నో రకాల సమస్యలను పరిష్కరించడంలో చాలా గొప్పగా పని చేస్తుంది ఈ కూరగాయ. అందుకే ఈ కూరగాయని రోజువారీ ఆహారంలో చేర్చుకోవాలని కోరుతున్నారు నిపుణులకు. మరి బోడ కాకరకాయ వల్ల కలిగే ఆరోగ్య ప్రయోజనాల గురించి ఇప్పుడు తెలుసుకుందాం.

1.డైబెటిస్ నియంత్రణలో సహాయపడుతుంది:
బోడకాకరకాయలో సహజంగా ఉండే ఫైటోకెమికల్స్ రక్తంలో షుగర్ స్థాయిని నియంత్రించడంలో సహాయపడతాయి. దీనిలో గ్లైసెమిక్ ఇండెక్స్ చాలా తక్కువగా ఉంటుంది. కాబట్టి, షుగర్ ఉన్నవారు దీన్ని ఆహారంలో చేర్చుకోవచ్చు.

2.జీర్ణవ్యవస్థ మెరుగుపడుతుంది:
బోడకాకరకాయలో ఫైబర్ అధికంగా ఉంటుంది. కాబట్టి, ఇది జీర్ణ ప్రక్రియను మెరుగుపరుస్తుంది. కడుపు ఉబ్బరం, గ్యాస్, మంట వంటి సమస్యలను తగ్గించడంలో సహాయపడుతుంది.

3.రోగనిరోధక శక్తిని పెంచుతుంది:
బోడకాకరకాయలో విటమిన్ C, యాంటీఆక్సిడెంట్లు అధికంగా ఉంటాయి. ఇది శరీరంలోని రోగనిరోధక వ్యవస్థను బలపరుస్తుంది. ఇది దేహాన్ని వైరస్‌లు, బ్యాక్టీరియాల నుండి కాపాడుతుంది. కాబట్టి, తక్కువ జబ్బు పడేలా చేస్తుంది.

4.గుండె ఆరోగ్యానికి మంచిది:
బోడకాకరకాయలో ఉండే డైట్ ఫైబర్, పొటాషియం, యాంటీఆక్సిడెంట్లు రక్తపోటును నియంత్రిస్తాయి. దీనివల్ల గుండె ఆరోగ్యం మెరుగుపడుతుంది. అంతేకాదు, ఇది కొలెస్ట్రాల్ స్థాయిని తగ్గించడంలో కూడా సహాయపడుతుంది. దీంతో గుండె పోటు వచ్చే ప్రమాదం తగ్గతుంది.

5.శరీర వేడిని తగ్గిస్తుంది:
బోడకాకరకాయలో ఉన్న యాంటీఇన్ఫ్లమేటరీ గుణాలు శరీరంలోని వేడిని తగ్గించడంలో ఉపకరిస్తాయి. ఇది కీళ్ల నొప్పులు, ఆర్తరైటిస్ లాంటి సమస్యలు ఉన్నవారికి సహాయకరంగా ఉంటుంది.

6.బరువు తగ్గాలనుకునేవారికి బెస్ట్:
బోడకాకరకాయలో క్యాలరీలు తక్కువగా, ఫైబర్ అధికంగా ఉంటుంది. దీనివల్ల ఇది పొట్ట నిండిన ఫీలింగ్ కలుగుతుంది. తొందరగా ఆకలి వేయదు. కాబట్టి, అధిక క్యాలరీల భారం లేకుండా బరువు తగ్గడానికి సహాయపడుతుంది.

7.చర్మం, జుట్టు ఆరోగ్యాన్ని మెరుగుపరుస్తుంది:
బోడకాకరకాయలో ఉండే విటమిన్ A, విటమిన్ C, యాంటీ ఆక్సిడెంట్లు చర్మాన్ని ఆరోగ్యంగా ఉంచి, వృద్ధాప్య లక్షణాలను రాకుండా చేస్తాయి. అదే విధంగా జుట్టు సమస్యలను తగ్గించడంలో కూడా బోడకాకరకాయలో అద్భుతంగా పని చేస్తుంది.

బోడకాకరకాయను ఎన్ని విదాలుకాగా తొనిచ్చు.

వేపుడు: ఉల్లిపాయ, మిరపకాయలతో వేసిన బోడకాకరకాయలో వేపుడు రుచిగా ఉంటుంది

కారం కూర: పచ్చిమిరప, నువ్వులు, ఎండుమిర్చి మసాలాతో కలిపితే బోడకాకరకాయ కూడా అదిరిపోతుంది

పులుసు: బెల్లం, చింతపండు కలిపి పులుసుగా చేస్తే పచ్చడి వంటిది తయారవుతుంది. ఇది కూడా మంచి రుచిగా ఉంటుంది.

బోడకాకరకాయ చిన్నదైనా పెద్ద ఆరోగ్య రహస్యాలు దాగిన కూరగాయ. ఇది ప్రతి ఇంటి వంటలలో ఒక ఔషధ విలువ కలిగిన పదార్థంగా మారాలి. రుచి, ఆరోగ్యం రెండూ అందించే ఈ కూరగాయను వర్షాకాలంలో తప్పకుండా ఆహారంలో చేర్చండి.