Google : గూగుల్‌ భారీ మూల్యం చెల్లించుకోక తప్పదా?
అమెరికాకు చెందిన ప్రముఖ సోనోస్‌ ఇంక్‌ స్మార్ట్‌ మ్యూజిక్‌ సంస్థ గూగుల్‌ కంపెనీపై యూఎస్‌ ఫెడరల్‌ కోర్టులో పిటిషన్‌ దాఖలు చేసింది.
- Published By: 10TV Digital Team ,Published On : August 15, 2021 / 09:24 PM IST
Google (1)
Petition against Google : అమెరికాకు చెందిన ప్రముఖ సోనోస్‌ ఇంక్‌ స్మార్ట్‌ మ్యూజిక్‌ సంస్థ గూగుల్‌ కంపెనీపై యూఎస్‌ ఫెడరల్‌ కోర్టులో పిటిషన్‌ దాఖలు చేసింది. గూగుల్‌ హోమ్‌ స్మార్ట్‌ స్పీకర్స్‌ ఉత్పత్తుల విషయంలో ఐదు పేటెంట్లను ఉల్లంఘించిందనే కారణంతో ఫెడరల్‌ కోర్టులో పిటిషన్‌ను వేసింది.
గూగుల్‌ పేటెంట్స్ హక్కులను ఉల్లంఘించినందుకుగాను అమెరికాలో గూగుల్‌ స్మార్ట్‌ స్పీకర్లు, స్మార్ట్‌ఫోన్స్‌, ల్యాప్‌టాప్‌ అమ్మకాలను నిషేధించాలని పిటిషన్‌లో పేర్కొంది. అంతేకాకుండా కంపెనీలకు నష్ట పరిహారాన్ని కూడా అందించాలని తెలిపింది. తన కంపెనీ పేటెంట్లను గూగుల్‌ 2015 నుంచి ఉల్లంఘిస్తోందని సోనోస్‌ వెల్లడించింది.
తాజాగా సోనోస్‌ దాఖలు చేసిన పిటిషన్‌పై యూఎస్‌ ఫెడరల్‌ కోర్టు విచారణ చేపట్టింది. గూగుల్‌ పేటెంట్ హక్కులను ఉల్లఘించినట్లు నిర్ధారించింది. 1930 ఫెడరల్‌ టారిఫ్‌ చట్టాన్ని గూగుల్‌ ఉల్లఘించిందని వెల్లడించింది.
కోర్టు గూగుల్‌పై దిగుమతి ఆంక్షలను విధించే అవకాశమున్నట్లు సమాచారం. కాగా గూగుల్‌ పేటెంట్స్ ఉల్లంఘనలకు పాల్పడిందని తెలిసిన మరుక్షణమే సోనోస్‌ షేర్లు 11.4 శాతం మేర ఎగబాకడం శోచనీయం.
