Lal Salaam Teaser : రజిని బర్త్ డే స్పెషల్.. లాల్ సలామ్ నుంచి సూపర్ యాక్షన్ కట్ టీజర్..
నేడు రజిని బర్త్ డే కావడంతో లాల్ సలామ్ మూవీ టీం ఒక చిన్న టీజర్ ని రిలీజ్ చేశారు.

Lal Salaam special action teaser on the occasion of Rajinikanth birthday
Lal Salaam Teaser : సూపర్ స్టార్ రజినీకాంత్ కూతురు ఐశ్వర్యా దాదాపు 6 ఏళ్ళ తరువాత మళ్ళీ డైరెక్టర్ గా బాధ్యతలు తీసుకోని చేస్తున్న సినిమా ‘లాల్ సలామ్’. తమిళ హీరో విష్ణు విశాల్ ఈ సినిమాలో హీరోగా నటిస్తుంటే రజినీకాంత్ ‘మొయ్దీన్ భాయ్’గా ఒక ముఖ్య పాత్ర చేస్తున్నారు. అలాగే భారత్ క్రికెటర్ కపిల్ దేవ్, జీవిత రాజశేఖర్ కూడా ముఖ్య పాత్రల్లో కనిపించబోతున్నారు. షూటింగ్ పూర్తి చేసుకున్న ఈ చిత్రం పోస్టు ప్రొడక్షన్ వర్క్స్ శరవేగంగా జరుపుకుంటుంది. ఇక నేడు రజిని బర్త్ డే కావడంతో ఒక చిన్న టీజర్ ని రిలీజ్ చేశారు.
హ్యాపీ బర్త్ డే తలైవా అంటూ రిలీజ్ చేసిన ఈ టీజర్ ని యాక్షన్ పార్ట్ తో కట్ చేశారు. రజిని యాక్షన్ సీన్స్ కి ఏ ఆర్ రెహమాన్ ఇచ్చిన సంగీతం అదిరిపోయింది. మొత్తం నిమిషం పాటు ఉన్న ఈ టీజర్ ఆడియన్స్ ని బాగా ఆకట్టుకుంటుంది. కాగా ఇటీవల రిలీజ్ చేసిన టీజర్ చూస్తుంటే.. సినిమా హిందు, ముస్లిం గొడవల కథాంశంతో తెరకెక్కబోతున్నట్టు తెలుస్తుంది. ఆ హిందూ ముస్లిం గొడవలకు స్పోర్ట్స్ టచ్ ఇస్తూ ఐశ్వర్యా ఈ చిత్రాన్ని తెరకెక్కిస్తున్నారు. విష్ణు విశాల్ క్రికెట్ ప్లేయర్ గా కనిపించబోతున్నారు. 2024 సంక్రాంతికి ఈ సినిమా రిలీజ్ చేసేందుకు మూవీ టీం సిద్ధం అవుతున్నారు.
Also read : Devil Trailer : కళ్యాణ్ ‘డెవిల్’ ట్రైలర్ రిలీజ్.. బ్రిటిష్ రూలింగ్ టైములో మర్డర్ ఇన్వెస్టిగేషన్..
ఇక రజిని నటిస్తున్న ‘తలైవర్ 170’ అప్డేట్ ని కూడా నేడు బర్త్ డే గిఫ్ట్ గా ఇచ్చారు. ‘జై భీమ్’ డైరెక్టర్ టి.జె.జ్ఞానవేల్ తెరకెక్కిస్తున్న ఈ సినిమాకి ‘వేటైయాన్’ అనే టైటిల్ ని అనౌన్స్ చేశారు. ‘వేటైయాన్’ అంటే ‘హంటర్’ అనే మీనింగ్ వస్తుందట. టైటిల్ అనౌన్స్ చేస్తూ రిలీజ్ చేసిన టీజర్ అయితే సూపర్ ఉంది. ఇక ఈ సినిమాలో కూడా రజిని పోలీస్ గానే కనిపించబోతున్నారని టీజర్ చూస్తుంటే తెలుస్తుంది. ఈ సినిమాలో అమితాబ్ బచ్చన్, ఫహద్ ఫాజిల్, రానా, మంజు వారియర్, రితికా సింగ్, దసరా విజయన్, రక్షన్.. వంటి భారీ తారాగణం కనిపించబోతుంది.