Suryakumar Yadav : ఆసీస్‌తో టీ20 సిరీస్‌.. కోహ్లీ, రోహిత్ ల రికార్డుల‌పై సూర్య‌కుమార్ యాద‌వ్ క‌న్ను..

టీమ్ఇండియా స్టార్ ఆట‌గాళ్లు విరాట్ కోహ్లీ, రోహిత్ శ‌ర్మ‌ల రికార్డుల‌పై సూర్య‌కుమార్ యాద‌వ్ (Suryakumar Yadav) క‌న్నేశాడు.

IND vs AUS T20 Series Suryakumar Yadav eye on Virat Kohli and Rohit Sharma records

Suryakumar Yadav : భార‌త్‌, ఆస్ట్రేలియా జ‌ట్ల మ‌ధ్య బుధ‌వారం (అక్టోబ‌ర్ 29న‌) నుంచి ఐదు మ్యాచ్‌ల టీ20 సిరీస్ ప్రారంభం కానుంది. ఈ క్ర‌మంలో ఈ సిరీస్‌కు ముందు టీమ్ఇండియా టీ20 కెప్టెన్ సూర్య‌కుమార్ యాద‌వ్‌ను ప‌లు రికార్డులు ఊరిస్తున్నాయి.

సూర్య‌కుమార్ యాద‌వ్ ఇప్ప‌టి వ‌ర‌కు ఆస్ట్రేలియా గ‌డ్డ‌పై ఆరు టీ20 ఇన్నింగ్స్‌ల్లో 26 ఫోర్లు, 9 సిక్స‌ర్ల సాయంతో 239 ప‌రుగులు చేశాడు. ఈ క్ర‌మంలో ఆసీస్ గ‌డ్డ‌పై టీ20ల్లో అత్య‌ధిక సిక్స‌ర్లు కొట్టిన విదేశీ ఆట‌గాడిగా నిలిచేందుకు సూర్య‌కు మ‌రో 12 సిక్స‌ర్లు అవ‌స‌రం. ప్ర‌స్తుతం ఈ రికార్డు కోహ్లీ పేరిట ఉంది. కోహ్లీ 16 ఇన్నింగ్స్‌ల్లో 20 సిక్స‌ర్లు బాదాడు.

INDW vs AUSW : భార‌త్‌, ఆసీస్ సెమీస్‌కు వ‌ర్షం ముప్పు..? మ్యాచ్ ర‌ద్దైతే ఏ జ‌ట్టుకు ప్ర‌యోజ‌నం అంటే?

ఆసీస్ గ‌డ్డ పై టీ20ల్లో అత్య‌ధిక సిక్స‌ర్లు కొట్టిన విదేశీల ఆట‌గాళ్లు వీరే..

* విరాట్ కోహ్లీ – 16 ఇన్నింగ్స్‌ల్లో 20 సిక్స‌ర్లు
* డెవాల్డ్ బ్రెవిస్ – 3 ఇన్నింగ్స్‌ల్లో 14 సిక్స‌ర్లు
* కుశాల్ మెండిస్ – 16 ఇన్నింగ్స్‌ల్లో 14 సిక్స‌ర్లు
* జోస్ బ‌ట్ల‌ర్ – 14 ఇన్నింగ్స్‌ల్లో 13 సిక్స‌ర్లు
* అలెక్స్ హేల్స్‌- 14 ఇన్నింగ్స్‌ల్లో 13 సిక్స‌ర్లు

రోహిత్ రికార్డు బ్రేక్ చేసేనా?

ఆస్ట్రేలియాతో జ‌రిగిన టీ20 మ్యాచ్‌ల్లో అత్య‌ధిక సిక్స‌ర్లు కొట్టిన భార‌త ఆట‌గాడి రికార్డు రోహిత్ శ‌ర్మ పేరిట ఉంది. హిట్‌మ్యాన్ 20 ఇన్నింగ్స్‌ల్లో 29 సిక్స‌ర్లు బాదాడు. ఇక ఈ జాబితాలో సూర్య‌కుమార్ యాద‌వ్ నాలుగో స్థానంలో ఉన్నాడు. 9 ఇన్నింగ్స్‌ల్లో 19 సిక్స‌ర్లు కొట్టాడు. కోహ్లీ, యువీలు రెండు, మూడు స్థానాల్లో ఉన్నారు.

IND vs AUS : భార‌త్‌, ఆస్ట్రేలియా టీ20 సిరీస్‌.. మ్యాచ్‌ల‌ను ఎక్క‌డ ఫ్రీగా చూడొచ్చొ తెలుసా?

టీ20ల్లో ఆస్ట్రేలియాపై అత్య‌ధిక సిక్స‌ర్లు కొట్టిన భార‌తీయులు..

* రోహిత్ శ‌ర్మ – 20 ఇన్నింగ్స్‌ల్లో 29 సిక్స‌ర్లు
* విరాట్ కోహ్లీ – 22 ఇన్నింగ్స్‌ల్లో 26 సిక్స‌ర్లు
* యువ‌రాజ్ సింగ్ – 8 ఇన్నింగ్స్‌ల్లో 19 సిక్స‌ర్లు
* సూర్య‌కుమార్ యాద‌వ్ – 9 ఇన్నింగ్స్‌ల్లో 19 సిక్స‌ర్లు
* హార్దిక్ పాండ్యా – 10 ఇన్నింగ్స్‌ల్లో 14 సిక్స‌ర్లు