RCB అస్సలు గెలవకపోవడానికి కారణమిదే
- Published By: Subhan Ali Shaik ,Published On : March 18, 2019 / 01:17 PM IST
రాయల్ ఛాలెంజర్స్ బెంగళూరు సీజన్లు మారినా.. కెప్టెన్లు మారినా.. ఫ్రాంచైజీ తలరాత మారలేదు. ఒక్కసారి కూడా టైటిల్ గెలుచుకోకుండానే 12వ సీజన్‌లోకి అడుగుపెట్టేందుకు సిద్ధమైపోయింది. ద్రవిడ్ కెప్టెన్సీ తర్వాత కోహ్లీ కెప్టెన్‌ పగ్గాలు చేపట్టినప్పటికీ జట్టు తీరు ఏ మాత్రం మారలేదు. ఆర్సీబీ టైటిల్ గెలుచుకోకపోవడం అంశంపై విరాట్ కోహ్లీ స్వయంగా మ్యాచ్ కోసం తీసుకుంటున్న నిర్ణయాల్లో వైఫల్యమే జట్టు ఓడిపోయేలా చేస్తుందని స్వయంగా ఒప్పుకున్నాడు.
Read Also : అదే డబ్బును ఇలా: బీసీసీఐ రూ.20 కోట్లు ఇవ్వనుంది
‘జట్టు కోసం తీసుకున్న నిర్ణయాల వల్లే ఓడిపోతున్నాం. అంతేకానీ, దీనిని అదృష్టం లేదు, మా తలరాత అని సమర్థించుకోను. ఎవరి రాతను వారే రాసుకోవాలి. మనకంటే ప్రత్యర్థి జట్టు కచ్చితమైన నిర్ణయాలు తీసుకుంటే ఓడిపోతాం. ఏ సీజన్ ఫలితం ఎలా వస్తుందోనని ఎవ్వరూ అంచనా వేయలేరు. ఎంత పెద్ద మ్యాచ్‌లలోనైనా ఇది తప్పనిసరి’
వరల్డ్ కప్‌కు ముందు జరగనున్న దేశీవాలీ లీగ్ కావడంతో ప్లేయర్లంతా తమ బ్యాటింగ్ శైలిని పదునుపెట్టే పనిలో పడ్డారు. ఇప్పటికే 8 ఫ్రాంచైజీలు వారి సొంతగడ్డపై ప్రాక్టీసును ముమ్మరం చేశాయి. కోహ్లీ జట్టు సొంతగడ్డపై ప్రాక్టీస్ మ్యాచ్‌లు షురూ చేసింది.
Read Also : నువ్వు తోపు బాసూ : 2020 వరకు రవిశాస్త్రినే
