తెలంగాణలో నేడు, రేపు భారీ వర్షాలు

తెలంగాణ రాష్ట్ర వ్యాప్తంగా సోమ, మంగళవారాల్లో భారీ వర్షాలు కురిసే అవకాశాలు ఉన్నాయని హైదరాబాద్ వాతావరణ శాఖ తెలిపింది. సోమవారం నుంచి కురువనున్న వర్షాలను దృష్టిలో ఉంచుకుని వినాయకచవితి మండపాలను ఏర్పాటు చేసుకోవాలని పిలుపునిచ్చారు. 

తొలిసారి గణేశ్‌ మండపాలకు వాతావరణ సూచనలు చేసింది. సోమవారం నుంచి 3రోజుల పాటు వర్షాలు కురుస్తాయని, మండపాల నిర్వాహకులు ముందస్తు జాగ్రత్తలు తీసుకోవాలని డైరక్టర్ వై.కె రెడ్డి ఆదివారం వెల్లడించారు. 

బంగాళాఖాతం పశ్చిమ మధ్య ప్రాంతంలో 7.6కి.మీ ఎత్తున ఉపరితల ఆవర్తనం ఏర్పడింది. ఈ ప్రభావంతో సోమవారం అల్పపీడనం ఏర్పడే అవకాశాలు భారీ ఉన్నాయని తెలిపారు. దీంతో పాటు మధ్యప్రదేశ్‌పై 3.6కిలోమీటర్ల ఎత్తున మరో ఉపరితల ఆవర్తనం ఉంది. ఫలితంగా తెలంగాణలో రుతుపవానలు చురుగ్గా కదులుతున్నాయని వాతావరణ కేంద్ర అధికారి రాజారావు వెల్లడించారు.