APSRTC : బస్సుల్లో మాస్కు లేకపోతే ఫైన్..! ఏపీఎస్ఆర్టీసీ క్లారిటీ

APSRTC : ఏపీలో కరోనా మహమ్మారి మళ్లీ విజృంభిస్తోంది. కొత్త కేసులు భారీగా నమోదవుతున్నాయి. ఈ క్రమంలో కరోనా కట్టడికి కఠిన ఆంక్షలు విధిస్తూ సీఎం జగన్ పలు ఆదేశాలు ఇచ్చారు. కాగా, ఆర్టీసీ బస్సుల్లో మాస్కు లేకుంటే స్పాట్ లోనే ప్రయాణికులకు జరిమానా విధిస్తున్నారని సోషల్ మీడియాలో జోరుగా ప్రచారం జరుగుతోంది. దీనిపై ఏపీఎస్ఆర్టీసీ స్పందించింది.

ఆ ప్రచారంలో నిజం లేదని చెప్పింది. మాస్కు లేకపోతే జరిమానా అనే నిబంధన నిజమే.. కానీ, అది బస్సుల్లో కాదని, బస్ స్టేషన్లలో అని వివరణ ఇచ్చింది. బస్ స్టేషన్లలో నిబంధనలు పాటించని వారికి మాత్రమే ఫైన్లు విధిస్తున్నట్లు ఆర్టీసీ అధికారులు వెల్లడించారు. బస్ స్టేషన్లలో మాస్కుల్లేకుండా కనిపిస్తే జరిమానా విధిస్తున్నామని చెప్పారు. బస్సుల్లో మాస్కులు లేనివారికి జరిమానాలు విధించడం లేదని అధికారులు స్పష్టం చేశారు. అయితే నూతన కోవిడ్‌ వేరియంట్‌ ఒమిక్రాన్ విషయంలో తగు జాగ్రత్తలు తీసుకునే క్రమంలో.. బస్సుల్లో కూడా ప్రతి ప్రయాణికుడు మాస్కు ధరించాలని ఆర్టీసీ అధికారులు కోరారు. తోటి ప్రయాణికులకు ఇబ్బంది కలగకుండా ఉండేందుకు మాస్కు ధరించాల్సిందిగా సూచించారు.

Covid-19: జలుబు వచ్చిందా.. కొవిడ్ నుంచి ప్రొటెక్షన్ వచ్చినట్లే

సంక్రాంతి సీజన్ ను దృష్టిలో ఉంచుకుని భారీ సంఖ్యలో స్పెషల్ బస్సులు తిప్పుతున్నామని, ప్రయాణికుల రద్దీ నేపథ్యంలో బస్ స్టేషన్లను పరిశుభ్రంగా ఉంచేందుకు చర్యలు తీసుకుంటున్నట్టు ఏపీఎస్ఆర్టీసీ ఓ ప్రకటన చేసింది. బస్ స్టేషన్ ఆవరణలోనూ, పరిసరాల్లోనూ ఇష్టం వచ్చినట్టు వాహనాలు పార్క్ చేసి ఆర్టీసీ బస్సులకు ఇబ్బంది కలిగించినా, బస్ స్టేషన్ లోనూ, పరిసరాల్లోనూ మాస్కులు లేకుండా తిరిగినా, బహిరంగ మూత్రవిసర్జన చేసినా చర్యలు ఉంటాయని ఆర్టీసీ అధికారులు చెప్పారు. అంతే తప్ప బస్సుల్లో మాస్కు లేకుండా ఎక్కిన ప్రయాణికులకు మాత్రం ఎటువంటి ఫైన్లు విధించలేదని ఆర్టీసీ అధికారులు తెలిపారు.

ICICI Credit Card : క్రెడిట్ కార్డు యూజర్లకు షాక్.. భారీగా పెరిగిన ఛార్జీలు