Today Horoscope: నేటి రాశి ఫలాలు.. ఈ రాశి వారికి వీళ్ల ద్వారా ధనం కలిసి వస్తుంది..!

ఈ రోజు (2024, అక్టోబర్ 17 గురువారం) ఏ రాశి వారికి ఎలాంటి ఫలితం ఉంటుందో.. ప్రముఖ జ్యోతిష్య, వాస్తు శాస్త్ర పండితులు బ్రహ్మశ్రీ డాక్టర్ నాయకంటి మల్లికార్జున శర్మ అందించిన నేటి 12 రాశుల ఫలితాలు వివరాలు...

జోతిష్యం అంటే మీ భవిష్యత్తు గురించిన సూచన. చాలామంది వ్యక్తులు భవిష్యత్తును దైవికంగా చెప్పడానికి జాతకం నిజమైన మార్గమని నమ్ముతారు. మీ రాశి ఫలాలు ఇవాళ ఈ కింది విధంగా ఉన్నాయి. ప్రముఖ జ్యోతిష్య, వాస్తు శాస్త్ర పండితులు బ్రహ్మశ్రీ డాక్టర్ నాయకంటి మల్లికార్జున శర్మ వీటిని అందించారు. ఇవాళ ఏ రాశి వారికి ఎలాంటి ఫలితం ఉంటుందో, మీ రాశి ఫలాలు ఎలా ఉన్నాయో చూడండి..

శ్రీ క్రోధి నామ సంవత్సర ఆశ్వీజ మాస శుద్ధ పౌర్ణమి సా 5:55, రేవతి 4:20 సా|| గురువారం ఈ రోజు ద్వాదశ రాశుల ఫలితములు. 

మేష రాశి:  ప్రయాణం వల్ల లాభాలు కలుగుతాయి, శుభవార్త శ్రవణం, విందు భోజనము, కార్యసిద్ధి ధన లాభము, సధ్గోష్టి: లలితా సహస్ర నామ పారాయణం చేయటం వల్ల ఉత్తమ ఫలితములు కలుగుతాయి.

వృషభ రాశి: ప్రముఖులతో పరిచయాలు, వ్యాపార లాభములు, శ్రమను వృధా చేసుకోకూడదు, అవకాశాలు వినియోగించుకోవాలి, ధన ధాన్యలాభములు, కుటుంబంలో సంతోషము, విధ్యార్దులకు అనుకూలము, ఉద్యోగ వ్యాపారములో అధిక ఆదాయం, విదేశీయానం, దూరపు ప్రయాణములు: దత్తాత్రేయ కవచం పారాయణము చేసిన ఉత్తమ ఫలితాలు వస్తాయి.

మిథున రాశి: మీరు ప్రేమించిన వారితో వివాదములు రాకుండా చూసుకోండి, అధిక లాభములు, ఏ రంగములో అయినా అభివృద్ధి, కుటుంబములో వారికి ఆరోగ్యము, ఆదరాభిమానములు పొందడం, విద్యావంతులకు గౌరవ సన్మానములు పొందుతారు, వివాహ సంబంధములు కుదురుతాయి, పిత్రార్జితము ద్వారా ధనము కలసి వస్తుంది: దత్తాత్రేయ స్తోత్ర పారాయణం చేసిన శుభఫలితములు కలుగుతాయి.

కర్కాటక రాశి: పనిలో ఆలస్యము, అధిక ఖర్చులు, కార్యరంగంలో ప్రతికూలత, శత్రువృద్ది, బంధు మిత్రులతో విరోధము, ప్రయాణంలో ప్రమాదములు జరగకుండా జుగ్రత్తపడాలి, అనారోగ్యము, వాయిదాలు పడుతాయి, మానసిక ఆందోళనలు తగ్గించుకోవాలి, భయము పెరుగుతుంది: శ్రీ ఆంజనేయ స్వామి వారి ఆరాధన చేయవలెను శుభం కలుగుతుంది.

సింహ రాశి: ఆరోగ్య విషయంలో ఇబ్బందులు, వివాహ విషయంలో ఆటంకములు, సరియైన నిర్ణయము లేకపోవడం, మానసిక ప్రశాంతత లేకపోవడం, సర్దుబాటుతత్వం అలవర్చుకోవాలి, అనవసరపు ఆలోచనలు చేయకూడదు, ప్రయాణంలో ఇబ్బందులు – ఇష్టదైవ ఆరాధన చేసినచో శుభ ఫలితములు వస్తాయి. 

కన్యా రాశి: ప్రతి పనిలో విజయం, మానసిక ఆందోళనలు కలగకుండా చూసుకోవాలి, శారీరక సుఖం, కార్యసిద్ది, శుభ కార్యక్రమములో పాల్గోనుట, వ్యాపారాభివృద్ధి, సుఖం, స్థిరాస్తులతో లాభం, ధనాదాయం, గౌరవ మర్యాదలు, కుటుంబంలో శుభములు: ఓం నమో నారాయణయ నమఃఅష్టాక్షరి మంత్రము చదివినచో శుభం కలుగును. 

తులా రాశి: పుణ్యాలు చేయడం, గౌరవ సన్మానాలు, గృహములో శుభ కార్యక్రమములు చేయడం, వధూవరులకు సంబంధములు కుదరడం, వృత్తి, ఉద్యోగములలో లాభములు, కార్య సానుకూలత, ధన సమృద్ధి, విధ్యార్థులకు అనుకూలం, ఉన్నతమైన అభిప్రాయములు పెరగడం: అమ్మవారి ఆరాధన చేయడం వల్ల శుభ ఫలితములు కలుగుతాయి.

వృశ్చిక రాశి: ధన విషయాల్లో జాగ్రత్త అవసరం, వాత సంబంధ వ్యాధులు, భయము, బలహీనత, అనారోగ్యము, శుభకార్యక్రమములు చేయడం, సరియైన నిర్ణయములు తీసుకోవడం, వ్యాపారంలో చికాకులు, ఉద్యోగంలో అధికారుల ఆగ్రహములకు గురి కావడం, గణపతి ఆరాధన చేయడం వల్ల శుభ ఫలితమలు కలుగుతాయి.

ధనస్సు రాశి: బంధుమిత్ర వైరములు, ప్రతి పనిలో ప్రతికూలత, ధనలాభం, వృత్తి ఉద్యోగములలో విజయం సాధించడం, మరచి పోవడం, అలసత్వం, ప్రయాణముల వలన లాభం కలగడం, సుఖ నిద్ర, సమాజంలో గౌరవము: శ్రీ మహాలక్ష్మీ ఆరాధన చేయడం వల్ల ఉత్తమ ఫలితములు కలుగుతాయి.

మకర రాశి: విలువైన ఆభరణాలు కొనడం, గృహ ఉపకరణ వస్తువులు కొనడం, కార్యములందు విజయం, శారీరక సౌఖ్యం, అన్నింటా అభివృద్ధి, ఆరోగ్యం కుదుట పడటం, స్త్రీలకు నూతన ఆలోచనలు పెరగడం, నూతన వస్త్ర ప్రాప్తి, ఆభరణ ప్రాప్తి, కుటుంబ సౌఖ్యము: లలితా సహస్ర నామ పారాయణము చేయడం వల్ల శుభ ఫలితములు కలుగుతాయి.

కుంభ రాశి: వృత్తి వ్యాపారంలో శారీరక శ్రమ అధికం, ఆటంకములతో కూడిన విజయం, కుటుంబ సౌఖ్యం, సుఖ సంతోషములు, కోపంతో సమస్యలు, స్థాన చలనము, బంధుమిత్రుల కలయిక, గృహంలో మార్పులు, కుటుంబ వ్యక్తుల సహకరం: శ్రీ వేంకటేశ్వర స్వామి ఆరాధన చేయడం వల్ల శుభం కలుగును.

మీనా రాశి: ఆకస్మిక ప్రయాణములు, స్థానచలనము, గృహములో మార్పులు, శుభ కార్యసిద్ధి, కోపంతో వివాదములు పెరుగుట, వస్తు వాహనములు కొనడం, ఆకస్మిక ధన లాభం, స్త్రీ మూలక వివాదములు, ఋణ బాధ నివృత్తి: సుందర కాండ పారాయణం చేయడం వల్ల శుభం కలుగుతుంది.

— బ్రహ్మశ్రీ డాక్టర్ నాయకంటి మల్లికార్జున శర్మ  

Contact: 9849280956, 9515900956