Horrific Racist Attack: ఎక్కడ చూసినా భారతీయులే ఉంటున్నారంటూ యువతి జాత్యహంకార వ్యాఖ్యలు.. వీడియో
టెక్సాస్ లోని డల్లాస్ లోని ఓ ప్రాంతంలో కార్లు పార్కింగ్ చేసే చోట ఈ ఘటన చోటుచేసుకుంది. ఎక్కడ చూసినా భారతీయులే ఉంటున్నారని, ఇండియన్లు అంతా తిరిగి వారి దేశానికి వెళ్ళిపోవాలంటూ ఆ మెక్సికన్-అమెరికన్ యువతి పలు వ్యాఖ్యలు చేసింది. భారతీయులు అంటే తనకు ద్వేషమని, మంచి జీవితాన్ని గడపడానికే భారతీయులు అమెరికాకు వస్తారని ఆమె అంది. ఆ మెక్సికన్-అమెరికన్ పేరు ఎస్మెరాల్డా అప్టన్ గా పోలీసులు గుర్తించారు.
- Published By: 10TV Digital Team ,Published On : August 26, 2022 / 11:09 AM IST
Horrific Racist Attack
Horrific Racist Attack: అమెరికాలో మరోసారి జాత్యహంకార ఘటన చోటుచేసుకుంది. నలుగురు భారతీయ అమెరికన్ మహిళలను తిడుతూ ఓ మెక్సికన్-అమెరికన్ యువతి రెచ్చిపోయింది. ఇందుకు సంబంధించిన వీడియో సామాజిక మాధ్యమాల్లో వైరల్ అవుతోంది. చివరకు ఆ మెక్సికన్-అమెరికన్ మహిళను పోలీసులు అరెస్టు చేశారు. టెక్సాస్ లోని డల్లాస్ లోని ఓ ప్రాంతంలో కార్లు పార్కింగ్ చేసే చోట ఈ ఘటన చోటుచేసుకుంది. ఎక్కడ చూసినా భారతీయులే ఉంటున్నారని, ఇండియన్లు అంతా తిరిగి వారి దేశానికి వెళ్ళిపోవాలంటూ ఆ మెక్సికన్-అమెరికన్ యువతి పలు వ్యాఖ్యలు చేసింది.
భారతీయులు అంటే తనకు ద్వేషమని, మంచి జీవితాన్ని గడపడానికే భారతీయులు అమెరికాకు వస్తారని ఆమె అంది. ఆ మెక్సికన్-అమెరికన్ పేరు ఎస్మెరాల్డా అప్టన్ గా పోలీసులు గుర్తించారు. ఆమె తీరును వివరిస్తూ ఓ వ్యక్తి ఈ వీడియోను ట్విటర్ లో పోస్ట్ చేస్తూ తన తల్లి మరో ముగ్గురు మహిళలతో కలిసి డిన్నర్ కు వెళ్ళిన సమయంలో ఈ ఘటన చోటుచేసుకుందని అన్నారు.
ఓ యువతి తిడుతుండగా తన తల్లి ఎదురు చెప్పకుండా మౌనంగా ఆమెను చూస్తూ ఉండిపోయిందని అన్నారు. ఆ మెక్సికన్-అమెరికన్ యువతి తాను అమెరికాలో పుట్టి పెరిగానని చెప్పుకుందని అన్నారు.
This is so scary. She actually had a gun and wanted to shoot because these Indian American women had accents while speaking English.
Disgusting. This awful woman needs to be prosecuted for a hate crime. pic.twitter.com/SNewEXRt3z
— Reema Rasool (@reemarasool) August 25, 2022
